Morgunblaðið - 28.01.1997, Blaðsíða 14

14 ÞRIÐJUDAGUR 28. JANÚAR 1997
MORGUNBLAÐIÐ
LAIMDIÐ

19 ára Eyjapeyi hefur rekið verslun í 5 ár
Mamma varð
að sækja um
verslunarleyfið
Morgunblaðið/Sigurgeir Jónasson
BALDUR afgreiðir einn viðskiptavin sinn í Tölvubæ.
BALDUR ásamt móður sinni, Ósk Baldursdóttur, sem varð að
sækja um verslunarleyfið fyrir soninn þar sem hann var of
ungnr til að fá leyfið.
Vestmannaeyjum - Baldur Gísla-
son, 19 ára Eyjapeyi, sem á og
rekur verslunina Tölvubæ í Eyj-
um hefur vakið athygli fyrir
drift og áræði í kaupmennsk-
unni. Þó að Baldur sé ekki nema
20 ára hefur hann verið í versl-
unarrekstri í fimm ár og fyrir
tveimur árum tók hann sér frí
frá námi í Framhaldsskólanum í
Eyjum til að geta sinnt rekstri
verslunar sinnar, sem hann hafði
rekið með náminu til þess tíma.
I samtali við Morgunblaðið
sagði Baldur að hann hafi alltaf
haft áhuga á hvers kyns viðskipt-
um og stefnan hafi alltaf verið
að mennta sig á viðskiptasviði.
Það hafi þó verið fyrir tilviljun
að hann fór að versla. Fyrst hafi
það byrjað mjög smátt í herberg-
inu hans heima en síðan þróast
á skömmum tíma út í að hann
var kominn á kaf í verslun og
viðskipti.
Byrjaði verslunarreksturinn
íherberginu sínu
Baldur segist hafa verið með
ólæknandi tölvudellu frá því
hann var smápeyi og hafi verið
á kafi í tölvugrúski. Það hafi
orðið til þess að hann fór að
panta disklinga, leiki og ýmislegt
fleira frá verslunum í Reykjavík
sem hann seldi síðan öðrum
strákum í Eyjum sem voru með
sama áhugamál. Sumarið sem
Baldur varð 16 ára fékk hann
vinnu hjá Tæknibæ í Reykjavík
og þegar hann kom aftur heim
til Eyja um haustið fór hann að
selja vörur frá Tæknibæ í Eyjum.
Verslunin var rekin í herbergi
Baldurs og þar voru vörurnar
innan um skólabækur og annað
dót, eins og Baldur orðaði það
sjálfur. Sífellt jukust viðskiptin
og svo fór að herbergi hans rúm-
aði þau ekki lengur og innréttaði
hann því aðstöðu fyrir verslunina
i kjallaranum í húsi foreldra
sinna. Þar jókst starfsemin enn,
þó ekki væri um formlega versl-
un að ræða, og viðskiptavinum
Baldurs fjölgaði jafnt og þétt.
Þetta varð til þess að í ársbyijun
1995 leigði hann sér verslunar-
húsnæði við Skólaveg í Eyjum
og opnaði þar verslunina
Tölvubæ. Meðan Baldur rak
verslun sína í kjallaranum heima
þjá sér var hann einungis með
tölvur og hluti tengda tölvunotk-
un en þegar hann flutti í verslun-
arhúsnæðið á Skólaveginum
fjölgaði hann vörutegundum og
fór að selja bæði leikföng og
gjafavörur með tölvuvörunum.
Tók sér frí frá námi til að
sinna verslunarrekstrinum
í upphafi árs 1996 festi Bald-
ur kaup á húsnæði og rekstri
raftækjaverslunarinnar Neista
við Strandveg og bættust þá
raftæki og rafmagnsvörur við
þær vörur sem hann var með
fyrir í verslun sinni. Tölvubær
er nú með stærri verslunum í
Eyjum og vöruúrvalið er mjög
mikið. Baldur segir að rekstur-
inn hafi gengið vel og hann sé
bjartsýnn á framhaidið. „Þetta
byggist á mikilli vinnu og áhuga
fyrir því sem maður er að gera
auk þess sem maður þarf auðvit-
að að vera útsjónarsamur og
áræðinn ef þetta á að ganga
upp,“ segir hann.
Hann segir að stefnan sé að
Ijúka stúdentsprófi í náinni fram-
tíð og fara í framhaldsnám. „Ég
var hálfnaður með nám til stúd-
ents þegar ég tók mér frí frá
námi til að sinna rekstrinum því
ég gat ekki staðið í að reka þetta
með skólanum lengur þar sem
umsvifin höfðu aukist það mikið.
Ég ætla mér þó að klára stúd-
entsprófið þegar ég verð kominn
fyrir vind að mestu með verslun-
ina og síðan er stefnan að fara
í rekstrarhagfræði í framhaldi
af því,“ segir Baldur.
Fékk ekki verslunarleyfi
Baldur sér einn um allan
verslunarreksturinn en auk
hans starfa tveir aðrir starfs-
kraftar í versluninni. Baldur
segir að þó að hann hafi verið
ungur er hann hóf verslunar-
rekstur hafi það ekki háð honum
að öðru leyti en því að hann gat
ekki fengið verslunarleyfi
vegna aldurs. „Þegar ég opnaði
Tölvubæ á Skólaveginum var ég
kærður því ég var ekki með
verslunarleyfi. Ég var ekki orð-
inn 18 ára og gat því ekki feng-
ið leyfið svo mamma varð að
sækja um verslunarleyfið fyrir
mig svo að ég gæti haldið rekstr-
inum áfrarn."
Aðspurður segir Baldur að
galdurinn á bak við velgengni
hans sé fullkominn áhugi á því
sem hann hefur verið að gera.
„Maður verður að hafa fullkom-
inn áhuga á því sem maður tekur
sér fyrir hendur og svo er bara
að skella sér af stað og hafa trú
á að hlutirnir gangi. Ég byijaði
smátt, eignaðist lítinn lager til
að byija með og svo vatt það
smám saman upp á sig og er
orðið að því sem það er í dag.“
Baldur er bjartsýnn á fram-
haldið og segir að framtíðar-
markmiðið sé að lifa af sam-
keppnina og hugsa stærra. Hann
telur þó ekki mikla möguleika á
að verða stærri á verslunarsvið-
inu í Eyjum en tekur ekki fyrir
að hann hugsi um hvort mögu-
leiki getur verið á að stækka við
sig á viðskiptasviðinu á öðrum
markaði eða öðru sviði í framtíð-
inni.
Krækti í
bíl í fram-
úrakstri
Vogum - Árekstur tveggja
bíla varð á Reykjanesbraut á
Vogastapa á föstudag. Bif-
reið sem var í framúrakstri
krækti í bifreið sem kom úr
gagnstæðri átt og lentu báð-
ar bifreiðarnar utan vegar.
Ökumaður annarrar bif-
reiðarinnar var fluttur á
sjúkrahús en ekki mikið slas-
aður. Eins og áður segir fóru
báðar bifreiðarnar út fyrir
veg sömu megin og var önn-
ur mæld 50 metra frá vegin-
um.
Opinn fundur þingmanna Framsóknarflokks á Vesturlandi
Tekist á um stóriðju
Borgarnesi - Alls sóttu um 60
manns fund sem framsóknarþing-
mennirnir Magnús Stefánsson og
Ingibjörg Pálmadóttir heilbrigðis-
ráðherra boðuðu til á Mótel Venusi
í Hafnarskógi við Borgarfjarðarbrú
í síðustu viku. Sérstakur gestur
fundarins var Guðmundur Bjarna-
son, umhverfís- og landbúnaðarráð-
herra.
Mest var rætt um umhverfismál
og fyrirhugaða staðsetningu álvers
á Grundartanga á þessum fundi.
Fólk úr Hvalfírði og Kjósinni fjöl-
mennti á fundinn og voru flestir
þeirra sem til máls tóku á móti stað-
setningu álvers í Hvalfirði.
Fær I flestan sjó með
OSTRIN

„Síþreyta og depurð eru
erfiðir fylgikvillar sveppa-
sýkingar. OSTRIN
hjálpar mér, því það
gefur aukna orku, úthald
og vellíðan."
Unnur Þorsteinsdóttir,
skrifitofumaður.
„65 ára, síungur og vinn
10 tíma á dag, en ég
byrja líka hvern dag á
OSTRIN.“
Árni Valur Viggósson,
símaverkstjóri.
Upplýsingar um útsölustaði gefur Gula línan í síma 562 6262
Sendum í póstkröfu
Heilsu
hornio
Skipagötu 6, Akureyri,
sími/fax 462 1889.
í framsöguerindi sínu sagði Ingi-
björg Pálmadóttir að nú um stundir
ríkti mun meiri bjartsýni í þjóðfélag-
inu en fyrir um ári og taldi hún það
stafa aðallega vegna þeirra auknu
atvinnutækifæra sem tekist hefði að
skapa og þeim stöðugleika sem nú
ríkti í þjóðfélaginu. Kvaðst Ingibjörg
nýverið hafa verið stödd á Austfjörð-
um og þar hefðu margir verið að
öfundast yfir þeim atvinnutækifær-
um sem álverið kæmi til með að
skapa Vestlendingum. Rifjaði Ingi-
björg upp að margir þeirra sem
hefðu verið á móti byggingu Jám-
blendiverksmiðjunnar á Grundart-
anga fyrir um 20 árum væru í dag
sáttir við þá starfsemi. Kvaðst Ingi-
björg sjálf hafa haft miklar efasemd-
ir um Járnblendiverksmiðjuna á sín-
um tíma.
Varað við mengun
Hjónin Halldór Jónsson læknir
og Dagmar Vala Hjörleifsdóttir
dýralæknir frá Móum í Innri Akra-
neshreppi vöruðu bæði við mikilli
mengun frá væntanlegu álveri á
Grundartanga. Halldór taldi væn-
legra fyrir Islendinga að fara sér
hægt í stóriðjumálum og velja frek-
ar lítið mengandi stóriðju frekar en
álver. Dagmar Vala rakti fyrir fund-
arfólki þær tölur um magn mengun-
ar sem gert væri ráð fyrir að kæmi
frá um 180 þúsund tonna álveri á
ári hverju. Halldór ræddi um
breytta stefnu Framsóknarflokks-
ins og rifjaði upp orð Ásgeirs Ás-
geirssonar fyrrum forseta er hann
var sakaður um að hverfa frá stefnu
Framsóknarflokksins, þá hafi hann
svarað: „Ég villtist ekki frá Fram-
sóknarflokknum heldur var það
Framsóknarflokkurinn sem villtist
frá mér“.
Reynir Ásgeirsson, bóndi á Svarf-
hóli í Svínadal, óttaðist þau áhrif sem
álver hefði á framtíð orlofsbústaða-
uppbyggingar í Hvalfirði. Hann
kvaðst verða var við mengun frá
Járnblendiverksmiðjunni við vissar
aðstæður og á það væri ekki bæt-
andi. Greindi Reynir frá því að fólk
væri byijað að draga pantanir um
bændagistingu til baka hjá Eyjólfi,
ferðaþjónustubónda að Hlíð í Hval-
fjarðarstrandarhreppi, sem væri í
um þriggja kílómetra fjarlægð frá
fyrirhugðu álveri. Ljóst væri því að
ímynd þessa svæðis hefði nú þegar
skaðast vegna umræðunnar um fyr-
irhugað álver.
Framhaldslíf
kosningaloforða?
Ólafur Magnússon, íbúi í Kjósar-
hreppi, varpaði því fram hvort kosn-
ingaloforð Framsóknarflokksins
ættu framhaldslíf eins og mjólkur-
fernurnar eða hvort kjósendum hafí
láðst að gá að síðasta söludegi og
loforð og stefna Framsóknarflokks-
ins hafi því verið best fyrir síðasta
kjördag. Skoraði Ólafur á umhverfís-
ráðherra að láta fara fram rannsókn
á áhrifum væntanlegs álvers á at-
vinnustarfsemi og náttúru Hval-
fjarðar.
Baldur Helgi Benjamínsson,
nemandi í búvísindadeild Bænda-
skólans á Hvanneyri, las upp úr
enskum kynningarbæklingi Mark-
aðsskrifstofu iðnaðarráðuneytisins
og Landsvikrkjunar sem gefinn var
út 1995 og ætlaður erlendum fjár-
festum. Sagði Baldur að í þessum
bæklingi kæmi ýmislegj, fróðlegt
fram. Eins og að Islendingar byðu
upp á ódýrustu raforkuna og hrein-
ustu náttúruna, ódýrt vinnuafl og
síðast en ekki síst „Minimum of
„red tape““, sem gæti þýtt að skrif-
ræði væri í lágmarki eða að lág-
markskröfur væru gerðar í um-
hverfismálum.
Hófleg stóriðja
I framsögu sinni og svörum til
fyrirspytjenda sagði Guðmundur
Bjarnason, umhverfis- og landbún-
aðarráðherra, meðal annars að alla
hans tíð á Alþingi, eða um 18 ár,
hefðu stjórnvöld verið að leita leiða
til þess að selja orku. Hann kvaðst
hlynntur hóflegri stóriðju. En hann
væri enginn sérstakur áhugamaður
um að álver yrði reist í Hvalfirði eða
í Eyjafirði. Én sem einn af ráðherr-
um í þessari ríkisstjórn væri hann
ábyrgur fyrir þeirri atvinnustefnu
sem ríkisstjórnin boðaði.
Um þátt umhverfisráðuneytisins
í staðsetningu og starfrækslu ál-
vers, sagði Guðmundur að ráðu-
neytið væri umsagnar- og eftirlits-
aðili. Farið væri eftir reglum og
viðmiðunum sem í gildi væru. Sagði
Guðmundur að vegna veðurfars og
umhverfisástæðna væru íslensku
reglurnar sumar öðruvísi en hjá
nágrannaþjóðum. Sagði Guðmund-
ur að umhverfisráðuneytið hefði
farið að fullu eftir settum reglum
varðandi staðsetningu álvers á
Grundartanga. Menn gætu hins
vegar deilt um hvort reglurnar ættu
að vera eitthvað öðruvísi og unnið
þá að breytingum á þeim.
Um stefnu Framsóknarflokksins
varðandi stóriðju vitnaði Guðmundur
í umhverfisályktun síðasta flokks-
þings Framsóknarflokksins. Þar
kæmi fram að flokkurinn vilji að
auðlindir landsins séu nýttar með
skynsamlegum hætti og samræmis
sé leitað milli stóriðju og ferðaþjón-
ustu.