Morgunblaðið - 22.04.1997, Page 11

MORGUNBLAÐIÐ
ÞRIÐJUDAGUR 22. APRÍL 1997 11
FRÉTTIR
Morgunblaðið/Kristinn
Samningar
samþykktir
í Kísiliðjunni
KJARASAMNINGUR sem undir:
ritaður var 14. apríl sl., milli VSÍ
fyrir hönd Kísiliðjunnar hf. og
hlutaðeigandi verkalýðsfélaga var
tekinn til afgreiðslu og samþykktur
með 87,5% atkvæða á starfs-
mannafundi um seinustu helgi.
Aðalsteinn Baldursson, formað-
ur verkalýðsfélags Húsavíkur,
sagði að samningurinn byggðist í
meginatriðum á þeim kjarasamn-
ingum sem gerðir hafa verið að
undanförnu.
Þá samþykkti iðnverkafólk inn-
an Verkalýðsfélags Húsavíkur með
öllum greiddum atkvæðum um
helgina kjarasamning við atvinnu-
rekendur sem gengið var frá á
föstudag.
Samþykkt í
3. tilraun
Þetta var í þriðja skipti sem
kjarasamningur var borinn undir
atkvæði iðnverkafólks, sem hafði
tvívegis fellt gerða samninga.
Aðalsteinn sagði samninginn
byggjast á þeim samningum sem
Landssamband iðnverkafólks hafi
gert en til viðbótar hefðu náðst
út úr samningnum nokkur atriði
sem félagsmenn hefðu verið ósátt-
ir við. Var hann ekki reiðubúinn
að greina frá hvað í þeim fólst.
15 ára á vínveitingastöðum
Rósemd
við
Ægisíðu
ÆGISÍÐAN er vinsælt útivist-
arsvæði margra höfuðborg-
arbúa, hvort sem þeir vilja
stunda þar hjólreiðar á einum
örfárra stíga sem afmarkaðir
eru sérstaklega til þeirra nota
í borginni, leggja til atlögu við
aukakílóin með fyrirbæri því
sem skokk nefnist, eða einfald-
lega anda að sér svölu sjávar-
lofti á rólegri gönguför. Þá
getur ekki verið síður ljúft að
setjast á bekk, kasta mæðinni
og virða listina bera við hafið
eða mannlífið, einsog þessi
vegfarandi sem ljósmyndari
Morgunblaðsins rakst á fyrir
skömmu.
VINHU S AEFTIRLITIÐ tilkynnti
lögreglu um 15 ára stúlku inni á
vínveitingastað við Lækjargötu
aðfaranótt laugardags. Seinustu
vikur hafa nokkur sambærileg til-
vik komið til kasta lögreglu og
hafa viðkomandi vínveitingastaðir
verið undir eftirliti af þeim sökum,
auk þess sem leyfi þeirra til
skemmtanahalds með vínveiting-
um eru í athugun.
Lögreglumenn fóru á vettvang
og var stúlkan flutt í unglingaat-
hvarfið í miðborginni ásamt fimm
öðrum sem höfðu meðal annars
fundist á vínveitingastað í Fischer-
sundi. Þangað voru stúlkurnar sótt-
ar af foreldrum sínum.
Lögreglan gerði enn fremur sér-
staka leit að unglingum í miðborg-
inni aðfaranótt laugardags, en eng-
ir fleiri slíkir fundust á svæðinu og
er það í samræmi við svipaðar
kannanir að undanförnu á aldri
gesta í miðbæ um helgar, sam-
kvæmt upplýsingum frá lögreglu.
Unglingsstúlkur
í erlendum skipum
„Unglingar hafa lítið sem ekkert
safnast saman á miðborgarsvæðinu
eða annars staðar að kvöld- og
næturlagi undanfarin misseri og er
það mjög ánægjuleg þróun,“ segir
Ómar Smári Ármannsson aðstoðar-
yfirlögregluþjónn. „Sérstaklega ber
að þakka það góðum undirtektum
unglinganna sjálfra, vilja foreldra
til að fylgja eftir ákvæðum um úti-
vist svo og ekki síst foreldrafélögum
og samtökum foreldra."
Ymis önnur tilvik hafa þó komið
til kasta lögreglu vegna útivistar
barna og unglinga, og þannig hefur
það gerst tvívegis með stuttu milli-
bili að lögreglan hefur þurft að fara
um borð í erlend skip í Reykjavíkur-
höfn og flytja þaðan stúlkur undir
lögaldri. Þannig barst fyrir skömmu
tilkynning til lögreglu um stúlku
undir lögaldri í portúgölsku flutn-
ingaskipi og þegar hugað var að,
kom í ljós að stúlkan, sem er 15
ára gömul, var þar í gleðskap ásamt
þremur stúlkum öðrum og voru
tvær þeirra einnig of ungar.
Þær voru færðar úr skipinu og
sóttar af foreldrum. Ómar segir að
þetta tilvik og annað sambærilegt
nokkrum vikum fyrr sé óvenjulegt.
„Við vonum að ferðir ólögráða
unglingsstúlkna í erlend skip þar
sem víða er haft áfengi um hönd
og annað siíkt í leyfi áhafna, séu
algjör undantekningatilvik og að ekki
gæti neinnar þróunar í þessa venj.
Vegna þessara tveggja tilvika með
skömmu millibili munum við hins
vegar hafa vakandi auga fyrir þess-
um vanda og bregðast við með til-
hlýðilegum hætti ef fleiri sambærileg
dæmi koma upp,“ segir Ómar Smári.
Fleiri sækja
um félagsleg-
ar íbúðir
UMSÓKNUM um félagslegar
íbúðir hjá Húsnæðisnefnd
Reykjavíkur hefur ijölgað
umtalsvert frá síðasta ári. Frá
1. ágúst 1996 til 9. apríl í ár
bárust 664 umsóknir en 495
á sama tímabili árið áður.
Arnaldur Bjarnason, fram-
kvæmdastjóri hjá Húsnæðis-
nefnd, segir að ekki hafi verið
leitað sérstaklega eftir skýr-
ingum á fjölguninni en varpar
því fram að fólk virðist hafa
meiri trú en áður á að það
ráði við sínar fjárfestingar.
Jafnframt sé fólk sér betur
meðvitandi um greiðslugetu
sína en áður og það kunni að
leiða til aukinnar ásóknar í
félagslegt húsnæði, þar sem
lánstími er lengri og vextir
lægri en á almennum markaði.
VR mótmælir
nýju skatta-
kerfi ASÍ
Hugað að nagla-
dekkjanotkun
SAMÞYKKT var á fundi sam-
bandsstjórnar ASÍ á miðvikudag
að breyta aðferð við skattlagningu
aðildarfélaga. „Breytingin hlaut
víðtækan stuðning, því 80% fund-
armanna, eða 58, voru henni með-
mæltir og 7 voru á móti en nokkr-
ir sátu hjá,“ sagpi Ari Skúlason
hagfræðingur ASÍ. Fulltrúi Versl-
unarmannafélags Reykjavíkur
lagði fram bókun og mótmælti
breytingunni. Segir þar að skattur
VR til ASÍ muni hækka um nærri
eina og hálfa milljón og jafnframt
að það sé einungis á þingi Alþýðu-
sambandsins sem ákveða skuli
skattupphæð hverju sinni.
í greinargerð með hugmyndum
forseta ASÍ um breytta tilhögun á
skattheimtunni segir að við um-
ræður um þau mál á síðasta þingi
hafi verið samþykkt að vísa málinu
til ákvörðunar á sambandsstjórn-
arfundi á liðnu hausti. Var þá kos-
in sérstök nefnd til að undirbúa
tillögur. Hún varð óstarfhæf eftir
að tveir fulltrúar sögðu sig úr henni
og hefur síðan í desember verið
unnið að tillögum að nýju skatt-
kerfi að frumkvæði Grétars Þor-
steinssonar forseta ASÍ.
Áhrif skattbreytinganna eru
misjöfn á landssamböndin, skattur
lækkar hjá þeim sumum en hækk-
ar hjá öðrum. Þannig lækkar skatt-
ur hjá Landssambandi iðnverka-
fólks úr 2,4 milljónum króna í 1,9,
hjá Samiðn úr 5,2 milljónum í 5,
hjá Verkamannasambandinu úr 31
milljón í 28. Hjá Landssambandi
ísl. verlunarmanna hækkar skatt-
urinn úr 17,2 í 18 milljónir og hjá
Rafiðnaðarsambandinu úr 2,1 í 2,2
milljónir króna.
Meirihlutavaldi
misbeitt
í bókun Magnúsar L. Sveinsson-
ar fyrir hönd VR segir m.a. að
VR muni greiða skatta til ASÍ
samkvæmt samþykkt ASÍ þings
en ekki samkvæmt nýju tillögunum
þó þær verði samþykktar af meiri-
hluta sambandsstjórnar sem ekki
hafi vald til að ákveða skatta til
ASÍ.
„Því verður vart trúað að for-
ysta ASÍ ætli, í krafti meirihluta-
valds, að samþykkja skatta á aðild-
arféiög sín, sem brýtur í bága við
lög Alþýðusambandsins," segir í
bókuninni.
LÖGREGLUMENN eru teknir
að huga að ákvæði reglna um
notkun nagladekkja, en sam-
kvæmt þeim má ekki aka um
á slíkum búnaði eftir 15. apríl
nema aðstæður geri það nauð-
synlegt.
Ekki hefur verið gripið til
sérstakra aðgerða enn á
grundvelli ofangreindra
reglna, en við því er að búast
að svo verði gért innan
skamms, samkvæmt upplýsing-
um frá lögreglu.
Sektir fyrir að aka um á
negldum hjólbörðum eftir
þann tíma eru 2.500 kr. fyrir
hvern slíkan.
Sameining-
arkosning
úrskurð-
uð ógild
Jökuldal. Morgunblaðið.
KJÖRNEFND sem skipuð var eftir
að tvær kærur höfðu borist vegna
sameiningarkosninga Jökuldals-
hrepps, Hlíðarhrepps og Tungu-
hrepps 29. mars síðastliðinn, hefur
kveðið upp úrskurð vegna kosning-
anna og úrskurðað þær ógildar.
Meginefni tveggja kæra frá fjórum
einstaklingum í Tunguhreppi, var
að kærendurnir töldu að kjörfundur
og utankjörfundaratkvæðagreiðsla
hefðu ekki verið auglýst á réttan og
á alls ófullnægjandi hátt.
Kjörnefnd sem skipuð var Magn-
úsi Ingólfssyni, Bernharð Bogasyni
hdl., og Jónasi A.Þ. Jónssyni hdl.
„telur að við undirbúning og fram-
kvæmd atkvæðagreiðslnanna í
hreppunum þremur hafi verið brotið
gegn ákvæðum 63. gr. kosninga-
laga nr. 80/1987 um auglýsingu
utankjörfundaratkvæðagreiðslu og
jafnframt að atkvæðagreiðslan sjálf
hafi ekki verið auglýst með full-
nægjandi hætti. Kjörnefndin telur
að fallast megi á rök kærenda um
að atkvæðagreiðsluna beri að aug-
lýsa á landsvísu. Þessir gallar á
framkvæmd atkvæðagreiðslnanna
verði að teljast til þess fallnir að
geta haft áhrif á úrslit þeirra, sér
í lagi þegar litið er til úrslita at-
kvæðagreiðslunnar í Tunguhreppi.
Ber því samkvæmt 36. gr. laga nr.
80/1987 að ógilda atkvæðagreiðsl-
urnar í heild sinni“.