Morgunblaðið - 01.05.1997, Qupperneq 20

FIMMTUDAGUR 1. MAI 1997
URVERINU
MORGUNBLAÐIÐ
fRKURH!
Garpur er kröftugur drykkur sem býr yfir
miklu og hressandi ávaxtabragði og er ríkur
að kalki og C-vítamíni. Uppistaðan er mysa
en í henni eru öll helstu bætiefni mjólkurinnar.
Garpur er góður á íþróttaæfinguna,
í skólann, fjallið, bíltúrinn og bústaðinn.
& er
FÁDU ÞÍR ElNN - DAGLEGA Imf
verð fra
Utipottar,
6
...og vorurnar
færöu í BYKO!
BYKO
Morgunblaðið/Þorkell
FORSTJÓRI Sölumiðstöðvarinnar gerði umhverfisverndarsam-
tök m.a. að umræðuefni á markaðsfundi SH i gær og sagði að
snar þáttur í samkeppninni væri sá að geta sýnt fram á að
umgengnin við fiskistofnana væri til fyrirmyndar.
Friðrik Pálsson, forstjóri
Sölumiðstöðvar hraðfrystihúsanna
Átak þarf til að
upplýsa um-
hverfissinna
FRIÐRIK Pálsson, forstjóri Sölu-
miðstöðvar hraðfrystihúsanna hf.,
segir íslendinga geta haft hag af
því að taka höndum saman við
viðskiptavinina um að upplýsa
umhverfíssinna, sem lékju orðið
nokkuð stórt hlutverk á sviði sam-
keppninnar. „Ég tel að það þurfi
samstillt átak á þessu sviði og þar
er eðlilegast og skynsamlegast að
stjómvöld gangi á undan og leggi
þessu máli lið með myndarlegum
hætti og það þarf að gerast fljótt
og skipulega. Það mun kosta mik-
inn tíma, mikla vinnu og talsvert
mikið fé. Það þarf að skapa þess-
ari vinnu þann trúverðugleika, sem
opinber stimpill veitir og einhver
þarf að borga.“
Að mati Friðriks er eðlilegast
að Útflutningsráði íslands yrði fal-
in yfirumsjón þessa kynningar-
starfs í samráði við utanríkisráðu-
neyti, umhverfisráðuneyti og sjáv-
arútvegsráðuneyti. Jafnframt þurfi
stjórnmálamenn og embættismenn
að sinna hinum pólitíska þætti
málsins við kollega sína í öðrum
löndum. Slíkt kynningarstarf gæti
orðið okkur vemlega til framdrátt-
ar í markaðslegu tilliti og hreinlega
bætt þjóðartekjumar.
Spilað er á
tilfinningar fólks
Friðrik segir umhverfismálin
ekki tískubólu, heldur snerust þau
um allt okkar daglega líf og eftir-
spurn væri nú eftir svokölluðum
umhverfisviðskiptum. Umhverfis-
samtök kepptust um hylli neyt-
enda og tekist hefði að sannfæra
margan neytandann um að honum
beri að hafa áhyggjur af ástand-
inu. Þannig væri með upplýsinga-
flæði og áróðri höfðað til skyn-
seminnar og um leið spilað á til-
finningar fólks og ýtt undir þá
sektarkennd að hegðunin væri
ekki upp á marga fiska og betra
fyrir alla að taka sig á.
„Á milli svokallaðra umhverfis-
samtaka hefur ekki einungis skap-
ast samkeppni um hylli neytenda
heldur einnig um athygli fyrir-
tækjanna. Það hefur m.a. birst
okkur í því að ein umhverfissam-
tökin hafa gert sérstakt sam-
komulag við eitt stærsta fyrirtæki
heims og stofnað til samtaka sem
eiga að hafa það verkefni að fylgj-
ast með og setja alþjóðlega staðla
um stöðu og nýtingu einstakra
fiskstofna. Af hálfu þeirra aðila,
sem að þessu standa, er þetta til-
raun til þess að athuga hvort
umhverfissamtök og stórfyrir-
tæki, sem oftast er stillt upp sem
andstæðum stríðandi fylkinga,
geti unnið saman að sameiginleg-
um markmiðum.
Þessi tilraun til samstarfs á
þessu sviði orkar á margan hátt
tvímælis og enn liggur ekki fyrir
hvernig hún tekst. Margir hafa
orðið til að gagnrýna fyrirtækið
hart og telja að á bak við þessa
ákvörðun liggi ísköld viðskiptaleg
ákvörðun um að nýta sér þetta
samstarf í samkeppninni við keppi-
nauta sína.“ Á sama tíma og þetta
gerist, haft áhugi annarra um-
hverfíssamtaka vaxið á því að
reyna að ná samstöðu með fyrir-
tækjum í sjávarútvegi um að koma
á einhvers konar umhverfísstaðli,
sem menn telji einhvers virði.
Ekki má gera lítið
úr hugsjóninni
Friðrik segir að þó umhverfís-
samtök séu rekin að hluta til með
viðskiptasjónarmið að leiðarljósi,
mætti ekki gera lítið úr þætti hug-
sjónarinnar hjá hinum almenna
félaga og stjórnendum sumra
þeirra. Á þessu stigi skipti það
fyrst og fremst máli að við skildum
stöðu þeirra fyrirtækja, sem versl-
uðu við okkur og værum þeim
hjálpleg í að leggja fram upplýs-
ingar um stöðu okkar í umhverf-
is-, heilnæmis- og mengunarmál-
um sem gagnast geti þeim í sam-
skiptum við umhverfissamtökin.
Okkur á að vera treystandi
fyrir eigin auðlindum
Snar þáttur í samkeppninni á
mörkuðunum er að geta sýnt fram
á að umgengnin við fiskistofnana
sé til fyrirmyndar, að sögn Frið-
riks. íslendingar hafí býsna góða
sögu að segja og hafí ekki mikið
að skammast sín fyrir. „Þó kvóta-
kerfið í sjávarútveginum sé um-
deilt hér heima, þá eru flestir þeirr-
ar skoðunar að það hafi haft áhrif
til að vernda fiskistofnana og bæta
umgengnina á fiskimiðunum og í
það minnsta hefur ekki ennþá
fundist annað nothæft kerfi sem
náð hefur þar lengra.
Við höfum sýnt og eigum að
geta sannað það fyrir umheiminum
að þó að við höfum gert mistök,
þá sé okkur vel treystandi fyrir
því að sjá algjörlega sjálfir um
stjórnun á okkar eigin auðlindum,"
segir forstjóri SH, og_ bætti við:
„Auðvitað erum við íslendingar
ekki syndlausir og eigum því ekki
að kasta steinum og margt má enn
betur gera, en það eru örugglega
ekki margir sem geta státað af
betri umgengni og markvissari
stjórnun á ýmsum þessum sviðum
heldur en við íslendingar."
i
1
I
I
1
I
I
I
I
:
*
i
I