Morgunblaðið - 04.09.1997, Side 13

MORGUNBLAÐIÐ
FIMMTUDAGUR 4. SEPTEMBER 1997 13
LANDIÐ
Búvísindadeildin á Hvanneyri 50 ára
Skólastarfinu sýnd
mikil virðing
„AFMÆLIÐ tókst óskaplega vel og
skólastarfinu hér var sýnd mikil virð-
ing,“ sagði Magnús B. Jónsson,
skólastjóri Bændaskólans á Hvann-
eyri, en síðastliðinn laugardag var
haldið upp á 50 ára afmæli búvís-
indadeildarinnar. Að sögn Magnúsar
sóttu um 260 gestir hátíðardag-
skrána á laugardeginum, þar á með-
al forseti Islands og forsetafrú,
frammámenn landbúnaðar í landinu
og fulltrúar háskólasamfélagsins.
Eins og títt er um afmælisbörn
fékk skóiinn rausnalegar afmælis-
gjafir. „Skólinn fékk margar gjafir.
Þar á meðal gáfu nokkur fyrirtæki
og stofnanir fjarkennslubúnað og
tæki í tvær kennslustofur, sem mun
nýtast okkur til uppbyggingar á
námi í endurmenntun og fjar-
kennslu. Búnaðurinn var vígður af
rektor danska landbúnaðarháskól-
ans en hann ávarpaði samkomuna
frá Danmörku."
Meðal annarra gjafa var listaverk
eftir Magnús Tómasson sem heitir
Hrafn og plógur, en það var gefið
af eldri nemendum skólans. Verkið
er rúmir tveir metrar og unnið úr
grjóti og járni.
Afmælisdagskránni lauk svo með
kvöldverði. „Við buðum starfsfólki,
kennurum og fyrrverandi og núver-
andi nemendum skólans til fagnaðar
og þar sátu um 190 manns til borðs.
Þar voru flutt gamanmál frá gömlum
og nýjum tíma og skemmtu allir sér
hið besta,“ sagði Magnús.
Morgunblaðið/Davíð á Grund
HÁTÍÐARGESTIR á 50 ára afmæli búvísindadeildar-
innar á Hvanneyri.
Morgunblaðið/Sig. Fannar
HLUTI af samstarfshópi um bætta unglingamenningu á Suðurlandi.
Bætt unglingamenning
á Suðurlandi
Selfossi - Um nokkurn tíma hef-
ur verið starfandi hópur um
bætta unglingamenningu á Suð-
urlandi. Hópinn skipa foreldrar,
unglingar, fulltrúar félagasam-
taka, sveitarfélaga og aðrir sem
láta sig málið varða.
Skilgreina vanda og
orsakir hans
Hópurinn hefur unnið að skil-
greiningu einstakra vandamála
á meðal ungs fólks og möguleg-
ar orsakir. Stefnan er sú að
kynna stjórnvöldum tillögur til
úrbóta.
Þá er einnig unnið að því að
koma á samstarfi við ýmsa aðila
sem tengjast unglingamenningu
á Suðurlandi og á landsvísu.
Nú á dögunum boðaði hópur-
inn til fundar þar sem kynnt
voru helstu baráttumál hópsins.
I tilkynningu frá hópnum segir:
„Skipuð hefur verið samstarfs-
nefnd með lögreglu, skólum og
víneftirlitsfólki. Þá hefur verið
rætt um að rýmka lagaheimildir
löggæslumanna til aðgerða og
um eflingu virkrar löggæslu í
sérstökum tilfellum.
Einnig er unnið að tillögum
til stjórnvalda um breytingu á
lögum, sem miða að því að auð-
velda lögreglu að uppræta
framleiðslu landa og sölu til
ungmenna.“
Þarft framtak
í þágu unglinga
Fundurinn var fróðlegur og
margar spurningar vöknuðu
sem kunna að vekja menn til
umhugsunar. Starfshópurinn
um bætta unglingamenningu
er þarft framtak og vona þeir,
sem að hópnum standa, að með
samstarfinu skapist þrýstingur
á stjórnvöld um að beita sér
enn frekar í þessum mála-
flokki.
i
i
I
i
FERÐABRANSIIMN
ER HEILLANDI!
SJUKRAÞJALFUN
ER ÁHUGAVERÐ!
STUDENTSPROFIÐ
OPNAR MARGAR
LEIÐIR!
ÓLÍK MARKMIÐ
A SOMU LINU
Komdu og skráðu þig í Námsmannalínuna
sem er sérhönnuð fjármálaþjónusta
fyrir 16 ára og eldri.
BIJNAÐARBANKINN
NAMS
-traustur banki
>
LINAN 4
fyrir hugsandi fólk