Morgunblaðið - 10.03.1998, Blaðsíða 2

2 ÞRIÐJUDAGUR 10. MARZ 1998
FRETTIR
MORGUNBLAÐIÐ
Tillaga sjálfstæðismanna í skipulags- og umferðarnefnd
Kanna möguleika á að reisa
tónlistarhús við Skúlagötu
SJÁLFSTÆÐISMENN í skipu-
lags- og umferðamefnd Reykjaváur
lögðu fram tillögu í nefndinni í gær
um að kannaður verði sá möguleiki
að byggja tónlistarhús á lóð Eim-
skipafélags íslands hf. við Skúla-
götu. í greinargerð arkitektanna
Guðmundar Gunnarssonar og Ingi-
mundar Sveinssonar sem fylgir til-
lögunni er mælt sérstaklega með
þeim kosti að byggð verði sameigin-
leg tónlistar- og ráðstefnumiðstöð
ásamt hóteli á lóðinni við Skúlagötu
12-16. Eru kostimir taldir m.a. þeir
að um yrði að ræða hagkvæmari
rekstur og auðveldara yrði að fjár-
magna verkefnið en ef sá kostur yrði
valinn að reisa einfalt tónlistarhús.
í tillögu sjálfstæðismanna er lagt
til að skoðaðir verði gaumgæfilega
nýtingarmöguleikar umræddrar
lóðar í þessum tilgangi og hvemig
tónlistarhús á þessum stað falli að
umhverfi og annarri byggð á svæð-
inu. Lögð verði áhersla á að kanna
möguleika á að byggja tónlistarhús-
ið í tengslum við fyrirhugaða hótel-
byggingu á lóðinni.
„Ef könnunin leiðir í Ijós að bygg-
ing hótels og tónlistarhúss á þess-
um reit er talinn álitlegur kostur er
ljóst að leita þarf til margra aðila til
þess að tryggja eðlilegan framgang
málsins. T.d. þarf að leita til aðila i
ferðaþjónustu og til fjárfestingar-
sjóða og fyrirtækja, sem sjá hag í
því að taka þátt í eða fjárfesta í
verkefni af þessu tagi.
Hér er um þverpólitískt mál að
ræða sem auðvelt á að vera að ná
breiðri samstöðu um auk þess sem
könnun þessi samræmist ágætlega
þeirri vinnu sem í gangi er um
byggingu tónlistarhúss," segir
greinargerð í tillögunnar. Var henni
frestað á fundinum í gær að ósk
meirihlutans.
Eigendur til viðræðu um breytta
notkun lóðarinnar
í samantekt Guðmundar Gunn-
arssonar og Ingimundar Sveinsson-
ar kemur fram að í lauslegum við-
ræðum þeirra við fulltrúa eigenda
lóðarinnar kom í ljós að þeir eru til
viðræðu um breytta notkun lóðar-
innar.
Mæla arkitektamir með að byggð
verði tónlistar- og ráðstefnumiðstöð
ásamt hóteli með allt að 200 her-
bergjum. Gera mætti ráð fyrir sal
sem tæki 1.000-1.200 manns í sæti
og 2-3 minni sölum. Samnýta mætti
anddyri, móttöku, veitingaaðstöðu,
tónlistar- og ráðstefnusali, bflastæði
o.fl. „Mögulegt væri að fá einstak-
linga, fyrirtæki, félagasamtök, líf-
eyrissjóði, aðila í ferðaþjónustu, rfld
og sveitarfélög til að taka þátt í fjár-
mögnun ráðstefnu- og tónlistarmið-
stöðvarinnar. Miðstöðina mætti
reka sem sjálfseignarstofnun eða
hlutafélag. Tilkoma ráðstefnumið-
stöðvar mundi bæta samkeppnisað-
stöðu ferðaþjónustunnar," segja
þeir m.a. í samantekt sinni.
Akært fyrir brot á lögum um bókhald,
skiptaverðmæti og fleira
Fleiri svipuð mál
til meðferðar
SAKSÓKNARI efnahagsbrota-
deildar Rfldslögreglustjórans hefur
gefið út ákæru á hendur forsvars-
mönnum Reiknistofu fiskmarkaða
hf. og Útgerðarfélaginu Hlera hf.,
fyrir brot á lögum um bókhald, lög-
um um skiptaverðmæti og greiðslu-
miðlun innan sjávarútvegsins og
fyrir fjársvik á árinu 1996. Ákæran
verður þingfest í Héraðsdómi
Reykjaness nk. föstudag.
Þetta er í fyrsta sinn sem ákært
er í máli af þessu tagi. Jón H.
Snorrason, saksóknari og yfirmaður
efnahagsbrotadeildar Ríkislög-
reglustjóra, sem gefur ákæruna út,
segir að fleiri mál af svipuðum toga
séu nú til meðferðar hjá deildinni.
Mennirnir eru ákærðir fyrir að
hafa ekki fært í bókhald Reiknistof-
unnar og útgerðarfélagsins bók-
haldsatriði viðskipta þegar Reikni-
stofan fjármagnaði kaup á 10 tonna
aflamarki slægðs þorsks fyrir út-
gerðina sem flutt var á skip útgerð-
arfélagsins, Guðbjörgu GK 617, í
mars 1996.
Verðmæti aflamarks
dregið frá söluverði
Forsvarsmanni útgerðarfélagsins
er á sama hátt gefið að sök að hafa
látið undir höfuð leggjast að færa
bókhaldsatriði viðskiptanna í bók-
hald útgerðarfélagsins.
Þá er forsvarsmönnum Reikni-
stofunnar gefið að sök að hafa við
sölu 13.319 kg af óslægðum afla
Guðbjargar gefið út og bókfært hjá
Reiknistofu fiskmarkaða þrjá ranga
afreikninga til útgerðarfélagsins
þar sem verðmæti aflamarks var
dregið frá raunverulegu söluverði.
Þannig var söluverð um 19 krónur í
stað um 93 króna fyrir hvert kg.
Forsvarsmanni útgerðarfélagsins
er gefið að sök að hafa notað þessa
röngu afreikninga við uppgjör til
áhafnar Guðbjargar, við uppgjör
gjalds í greiðslumiðlunarsjóð til
Fiskveiðasjóðs, sem er 2% af afla-
verðmæti, og aflagjalds til Sand-
gerðishafnar sem er 1% af aflaverð-
mæti. Um leið hafí hann leynt heild-
arverðmæti afla Guðbjargar, sem
greiðslur til þessara aðila hefðu átt
að byggjast á, og þannig fengið þá
til að taka við uppgjöri og haft af
þeim alls 227.978 kr.
Saksóknarinn telur notkun þess-
ara reikninga við uppgjörið varða
við fjársvikaákvæði almennra hegn-
ingarlaga og brot af þessu tagi varði
allt að sex ára fangelsi.
400-500 þúsund í hlut
hvers starfsmanns
Morgunblaðið/Golli
STARFSFÓLK Landsbanka ís-
lands mun eiga kost á að kaupa sér
hlutabréf í bankanum fyrir 400-500
þúsund kr. hver maður, ef 6% eign-
arhlutur í bankanum sem því verð-
ur boðinn dreifist jafnt á þau 900
stöðugildi sem ei*u í bankanum.
Svokallað innra virði hlutafélagsins
verður viðmiðun við verðlagningu.
Virðist það vera undir líklegu
markaðsverði, miðað við aðra
banka.
Viðskiptaráðherra sagði á aðal-
fundi Landsbanka íslands hf. síð-
astliðinn föstudag að starfsfólki
bankans yrði gefinn kostur á að
kaupa hlutabréfin á gengi sem sam-
svarar verðmæti jafnháu eigin fé
bankans um áramót, svokölluðu
innra virði. Um áramót var eigið fé
bankans liðlega 7 milljarðar kr.,
þar af 5,5 milljarðar hlutafé. Sam-
kvæmt þessu ætti starfsfólk Lands-
bankans að fá 330 milljóna kr.
hlutafé á genginu 1,28 sem þýðir að
það greiðir fyrir það liðlega 420
milljónir.
Erfítt mat
Sérfræðingar á verðbréfamark-
aðnum treysta sér ekki til að meta
verðmæti Landsbanka íslands hf.
án nákvæmrar skoðunar. Einn seg-
ir að verðmætið geti legið á bilinu 3
til 14 milljarðar kr.
Ein aðferðin er að bera bankann
saman við markaðsverðmæti ann-
arra banka, hérlendis og erlendis.
Eigið fé íslandsbanka hf. er 6.232
milljónir og þar af hlutafé 3.877
milljónir, innra virði 1,61. Hins veg-
ar er gengi hlutabréfa bankans 3,3
til 3,4 eða tvöfalt innra virði. Miðað
við banka á Norðurlöndunum, sem
hafa svipaða stöðu og Landsbank-
inn, gæti verðmæti hans verið um
11 milljarðar kr. Reynist raunveru-
legt markaðsvirði Landsbankans
verða á þessum nótum virðist ljóst
að starfsmenn bankans munu gera
góð kaup ef þeir nýta sér boð ríkis-
stjórnarinnar.
Ekki hefur verið ákveðið hvemig
að sölu bréfanna verður staðið.
Þannig er ekki ljóst hvort öllum
starfsmönnum bankans og dóttur-
félaga verður gefinn kostur á kaup-
um. Stöðugildi í bankanum voru
904 um síðustu áramót en á bak við
fjölda stöðugilda eru fleiri starfs-
menn. En ef miðað er við þá tölu
koma 400-500 þúsund kr. hlutabréf
í hlut hvers starfsmanns, miðað við
söluverð.
■ Nauðsynlegur spamaður/20
Fram-
kvæmdir
ganga vel á
Laugavegi
FRAMKVÆMDIR við Laugaveg-
inn á kaflanum sem liggur milli
Frakkastígs og Vitastígs ganga
vel. Þessi kafli vegarins er lokað-
ur fyrir bflaumferð. Eftir tvær
vikur hefjast framkvæmdir milli
Vitastígs og Barónsstígs og verð-
ur þá lokað fyrir bflaumferð á
þeim kafla. Guðjón Hilmarsson,
kaupmaður f Spörtu, segir að
framkvæmdir gangi samkvæmt
áætlun og mikið sé lagt upp úr
því að viðskiptavinir verslana
verði fyrir sem minnstu ónæði
vegna framkvæmdanna. Liður í
því er að leggja tveggja metra
breiðar göngubrýr jafnóðum að
þeim verslunum þar sem jarð-
rask er. Aðgengi sé því með
besta móti.
Hitasóttin breiðist
áfram út á höfuð-
borgarsvæðinu
Fjórði
hesturinn
aflífaður
FJÓRÐI hitasóttarhesturinn var af-
lífaður í fyrrinótt eftir að hafa veikst
hastarlega um sjöleytið á sunnu-
dagskvöld.
Hesturinn var krufinn á Keldum í
gær og sagði Sigurður Sigurðarson
dýralæknir að ummerki hefðu verið
með nokkuð svipuðu móti og í hinum
hestunum tveimur sem áður voru
krufðir á Keldum. Bólgur voru í
meltingarvegi og drep komið aftast í
mjógömina. Þá voru einnig blæðing-
ar í nýrum og sagði Sigurður ekki
óhugsandi að hér væri um beinar af-
leiðingar sóttarinnar að ræða.
Eigandi hestsins, Gísli B. Bjöms-
son, sagði að um sexleytið hefði allt
virst með felldu, klárinn var með
hita og hímdi eins og þeir hestar
gera sem veikjast. En kvalir klársins
jukust eftir því sem leið á kvöldið og
nóttina og varð að fella hann á
fimmta tímanum.
„Það var skelfilegt að sjá hvað
hesturinn kvaldist," sagði Gísli, sem
þama missti góðan reiðhest og
elskulegan fjölskylduvin eins og
hann orðaði það.
■ Utflutningsbannið/44
---------------
Forsetahjónin
til Mexíkó
FORSETI Mexíkó, Ernesto Zedillo,
hefur boðið forsetahjónunum Ólafi
Ragnari Grímssyni og Guðrúnu
Katrínu Þorbergsdóttur til hressing-
ardvalar í sumarhúsi sínu við Kyrra-
hafsströndina.
Forsetahjónin hafa þekkst boðið
og verða í Mexfltó síðari hluta mai’s-
mánaðar og fyrstu daga apríl, segir í
fréttatilkynningu. í lok dvalarinnar
munu forsetahjónin heimsækja ís-
lensk fyrirtæki í borgunum Mazat-
lán og Guaymas og fara til Mexíkó-
borgar í boði forseta Mexíkó og eig-
inkonu hans.
Konan sem
lést á Vest-
urlandsvegi
KONAN sem lést í bflslysi á
Vesturlandsvegi á laugardags-
morgun hét Guðrún Björg
Andrésdóttir og var 22 ára
gömul. Hún lætur eftir sig sam-
býlismann og tæplega 11 mán-
aða gamlan son.
Sambýlismaður Guðrúnar
Bjai-gar, sem ók bílnum þegar
þau lentu í árekstrinum, slasað-
ist illa. Að sögn læknis á gjör-
gæsludeild Sjúkrahúss Reykja-
víkur er ástand hans enn alvar-
legt og er honum haldið sofandi
í öndunarvél en hann er með
brjóstholsáverka og mörg bein-
brot.
Tveir ungir menn sem voru í
hinum bílnum beinbrotnuðu
báðir og liggja á Sjúkrahúsi
Reykjavíkur. Þeir eru ekki í
hættu. Málið er í rannsókn hjá
lögreglu.