Morgunblaðið - 17.10.1998, Qupperneq 59

MORGUNBEAÐIÐ'
FRETTIR
LAUGARDAGUR17. OKTÓBER 1998' 59"

Frumsýning
á nýjum
Fiat-bíl
ÍSTRAKTOR frumsýnir um helg-
ina, 17. og 18. október, nýja Fiat
Seicento Sporting. Þetta er smábíll
sem talinn er sérlega hagkvæmm- í
rekstri og hentugur til borgarakst-
urs, segir í frétt frá ístraktor.
Bíllinn eyðir 5,9 lítrum í blönd-
uðum akstri. Hann hefur mikinn
staðalbúnað m.a. loftpúða fyrir
ökumann og farþega, kippibelti,
álfelgur, rafdrifnar rúður, samlæs-
ingar, sportsæti, leðurstýri og gír-
stöng, þokuljós, sportmæla o.fl.
Verðið er 960.000 kr.
„Á vegum Evrópusambandsins
er í gangi verkefni sem Fiat tekur
þátt í ásamt nokkrum öðrum bíla-
framleiðendum þar sem litast er
um eftir framleiðslu á vistvænni
bílum. Seicento Elettra rafmagns-
bíll er í því verkefni og hafa tólf
borgir Evrópu þegar fengið nokkra
tugi slíkra bíla. Hér á landi eru við-
ræður í gangi við opinbera aðila
um kaup á 50-100 bílum sem ein-
staklingar og fyrirtæki koma til
með að nota. Þar með erum við
komin í fremstu röð þeirra þjóða
sem láta sig varða mengun um-
hverfís vegna útblásturs frá bílum.
Fyrsti rafmagnsbíllinn kemur
hingað til lands í nóvember nk. og
verður frumsýndur í Ráðhúsinu í
nóvember nk,“ segir í frétt frá
Istraktor.
Sýningin um helgina verður í
húsakynnum ístraktors að Smiðs-
búð 2, Garðabæ, frá kl. 13-17 laug-
ardag og sunnudag. Á staðnum
verða einnig allar aðrar tegundir
frá Fiat, Alfa Romeo og Lancia.
-------------
Utskriftarár-
gangur frá
KHÍ 1978
í TILEFNI af 20 ára útskriftaraf-
mæli kennara, sem luku embættis-
prófi frá Kennaraháskóla íslands
árið 1978, hefur verið ákveðið að
hittast laugardagskvöldið 24. októ-
ber nk. og snæða kvöldverð á Kaffí
Reykjavík.
Mæting er á Kaffi Reykjavík,
Vesturgötu 2, efri hæð, klukkan
19.30 fyrsta vetrardag. Þeir sem
vilja taka þátt í borðhaldi, þurfa að
láta einhvern í nefndinni vita fyrir
þriðjudagskvöldið 20. október, sam-
anber áður sent bréf.
Þeir sem ekki geta tekið þátt í
borðhaldinu eru velkomnir í hópinn
eftir matinn. Makar eru einnig vel-
komnir.
Áður fyrirhuguð ferð í Borgar-
fjörð fellur niður vegna ónógrar
þátttöku.
-------♦-♦-♦----
Slysavarna-
fólk selur
lyklakippur
SLYSAVARNAFÓLK víða um
land mun ganga í hús helgina
16.-18. október og bjóða til sölu
lyklakippu til styrktar Björgunar-
bátasjóði Slysavarnafélags íslands.
Lyklakippan mun síðan verða til
sölu á bensínstöðvum Esso og
kostar hún 500 kr.
I lok september hóf Slysavarna-
félagið átak til styrktar Björgunar-
bátasjóði félagsins sem á og rekur
átta björgunarskip í öllum lands-
hlutum og er þetta hður í því átaki.
í fréttatilkynningu segir: „Það
er von Slysavarnafélagsins að
landsmenn taki vel í beiðni þess um
fjárstuðning og kaupi lyklakippu.
Björgunarskip eru lífsnauðsynlegir
hlekkir í öryggiskeðjunni meðfram
ströndum landsins. Öryggi sjó-
manna varðar okkur öll.“
Börn ræða um einelti
UMBOÐSMAÐUR barna efnir
til ráðstefnu í Súlnasal Hótel
Sögu laugardaginn 17. október
nk. þar sem börn og fullorðnir
setjast á rökstóla og ræða um
einelti. Markmiðið er að fá
fram skoðanir og tillögur um
hvaða leiðir séu færar til að
vinna gegn ofbeldi af þessu
tagi.
I samvinnu við Samfés, sam-
tök félagsmiðstöðva, hefur um
80 börnum og unglingum verið
boðin þátttaka í þessari ráð-
stefnu. Af hálfu hinna fullorðnu
munu 50 einstaklingar sækja
ráðstefnuna sem fulltrúar hinna
ýmsu stofnana og félaga er
starfa að málefnum barna á einn
eða annan hátt.
Á ráðstefnunni verður lögð
áhersla á virka þátttöku ráð-
stefnugesta í blönduðum um-
ræðuhópum kynslóðanna. Ráð-
stefnustjóri verður Vanda Sig-
urgeirsdóttir, íþróttaþjálfari,
sem hefur langa reynslu af því
að vinna með börnum og ung-
lingum og hefur víða flutt
fræðsluerindi um einelti.
Internetið um
BREIÐBAND
Leifturhraði
Fáðu gögn um BREIÐBANDIÐ
með áður óþekktum hraða.
Síminn Internet býður íslenskum internet-
notendum að taka þátt í seinni hluta tilraunar
á gagnaflutningum um BREIÐBANDIÐ.
Síminn Internet gefur nú internetnotendum á
breiðbandssvæðum kost á að taka við gögnum af
internetinu í gegnum BREIÐBANDIÐ. Gögnin berast á
meiri hraða en áður hefur þekkst og er ísland eitt af
fyrstu löndum í Evrópu þar sem internetnotendum
stendur þessi tækni til boða.
Internet um BREIÐBANDIÐ er bylting
fyrir internetnotendur!
BREIÐBANDSKORT fyrir PC tölvu kostar 29.900 kr.
og er eingöngu selt hjá SÍMANUM internet, Grensásvegi 3.
Áskrift hjá Símanum Internet um BREIÐBANDIÐ
kostar 2.490 kr. á mánuði. _
í dag kl. 12 -16
Leitið upplysinga|iUil
SIMINN internet
Grcnsásvogi 3. www.simnct.is