Morgunblaðið - 08.01.1999, Page 14

14 FÖSTUDAGUR 8. JANÚAR 1999
MORGUNBLAÐIÐ
AKUREYRI
Samningur Háskólans á Akureyri og Orkustofnunar
IJtibú með 3 starfsmönnum
tekur til starfa næsta haust
Morgunblaðið/Kristján
ÓLAFUR G. Flóventz, framkvæmdastjóri rannsóknarsviðs Orkustofn-
unar, og Finnur Ingólfsson iðnaðarráðherra gæða sér á ástarpunguni
að lokinni undirskrift saninings milli stofnunarinnar og Háskólans á
Akureyri í gær.
Bæjarráð fjallaði um málefni Foldu
Ekki tekist að vekja
áhuga annarra
Jólatrjám
safnað til
endurvinnslu
ÁKVEÐIÐ hefur verið að
gera tilraun með söfnun
jólatrjáa á Akureyri til endur-
vinnslu nú að loknum jólum.
Verkefni þetta er unnið í sam-
vinnu umhverfisdeildar og
gatnagerðar og er markmiðið
að minnka magn sorps sem
fer til urðunar og endurnýta
jólatrén, ásamt því að auð-
velda bæjarbúum að losa sig
við trén. Trén sem safnast
verða kurluð og afurðin notuð
til ræktunarstarfa.
Móttaka á tveimur stöðum
Söfnunin fer fram með þeim
hætti að bæjarbúum gefst
kostur á að koma með jólatrén
á tvo staði, þ.e. á gámastöðina
við Réttarhvamm og bækistöð
umhverfisdeildar við Krókeyri
og verður tekið á móti trján-
um á þessum stöðum næstu
daga. Þá munu starfsmenn
bæjarins safna trjám um bæ-
inn á morgun, laugardaginn 9.
janúar. Þeir fara af stað eftir
hádegi og safna saman þeim
trjám sem komið hefur verið
með út að götu. Aðeins verður
um þennan eina söfnunardag
að ræða og er því mikilvægt
að trén séu komin út um há-
degi og þeim komið fyrir á að-
gengilegan hátt úti við lóðar-
mörk.
Tré frá fyrirtækjum og
stofnunum verða ekki tekin
en forsvarsmönnum bent á að
nýta sér gámastöðina og söf-
unarstaðinn við Krókeyri.
Nánari upplýsingar um
söfnunina er hægt að fá hjá
umhverfisdeild bæjarins eða
gatnagerð.
RANNSÓKNARSVIÐ Orkustofn-
unar mun í samvinnu við Háskólann
á Akureyri opna útibú á Akureyri
og verður það í húsnæði háskólans
við Glerárgötu, í sambýli við önnur
útibú annarra rannsóknarstofnana
sem þar eru. Útibúin munu síðar
flytjast í rannsóknarhús við Sól-
borg. Stefnt er að því að á næstu
tveimur árum verði sérfræðingar,
jarðfræðingur, jarðeðlisfræðingur
og verkfræðingur, ráðnir að útibú-
inu, en það á að opna eigi síðar en 1.
september næstkomandi. Markmið-
ið með starfseminni er að efla rann-
sóknarstarf á sviði orkumála og
raunvísinda á Akureyri, styðja
kennslu í þessum fræðum við há-
skólann og bæta þjónustu við orku-
fyi-irtæki á Norðurlandi.
Áður hefur Háskólinn á Akureyri
gert samstarfssamninga við fjórar
rannsóknarstofnanir atvinnuveg-
anna, Hafrannsóknastofnun, Rann-
sóknarstofnun fiskiðnaðai'ins, Iðn-
tæknistofnun og Rannsóknarstofn-
un landbúnaðarins. Reynslan af
samstarfinu er jákvæð að því er
fram kom í máli Þorsteins Gunnars-
son, rektors háskólans, en sérstöðu
hans sagði hann m.a. felast í slíkum
samningum. Flutningur háskólans á
Sólborgarsvæðið skapar ýmis tæki-
færi og eykur möguleika á sam-
starfi, en rektor sagði að með öflugu
samstarfi háskólans, rannsóknar-
stofnana atvinnuveganna og fyrir-
tækja yrði á næstu árum unnt að
byggja upp atvinnudeild Háskólans
á Akureyri sem sinnti hagnýtum
rannsóknum m.a. á sviði orkunýt-
ingar, sjávarútvegs og matvæla-
framleiðslu.
Finnur Ingólfsson iðnaðarráð-
heira kvaðst vona að í háskólinn,
Orkustofun og orkufyrirtæki á
Norðurlandi efldust í kjölfar þessa
samnings, hann myndi leiða til ný-
sköpunar og treysta byggð í landinu.
Samningurinn markaði tímamót, því
áður hefðu allir þeir sem sækja
þyrftu þjónustu á sviði orkumála
þurft að leita til Reykjavíkur með til-
heyrandi kostnaði, nú væri búið að
færa hana nær viðskiptavinum.
Liður í að efla rannsóknir
Þorkell Helgason orkumálastjóri
sagði samstarfið lið í því að efla
rannsóknir og nýta fjármuni betur,
en starfsvettvangur Orkustofnunar
væri landið allt og því eðlilegt að
hún hefði aðsetur víðar á landinu en
bara í höfuðborginni. Með stofnun
útibúsins væri stofnunin að leggja
sitt lóð á vogarskálina í þá átt að
styrkja byggð í landinu.
Ólafur G. Flóventz, fram-
kvæmdastjóri rannsóknarsviðs
Orkustofnunar, sagði menn lengi
hafa velt því fyrir sér að flytja eitt-
hvað af starfemi stofnunarinnar út á
landi til að færa þjónustuna nær
viðskiptavinum og einkum væri
horft til Eyjafjarðarsvæðisins í
þeim efnum. Eftir nokkra lægð í
starfsemi stofnunarinnar væri nú
kominn í hana kippur á ný og því
iag. Auk þess að bæta þjónustu
styddi starfsemin við atvinnulíf á
svæðinu sem einnig væri mikilsvert.
Kristján Þór Júlíusson, bæjar-
stjóri á Akureyri, og Guðmundur
Bjarnason, landbúnaðar- og um-
hverfisráðherra, fluttu einnig ávörp
við undirritun samningsins og fógn-
uðu samstarfinu.
BÆJARRÁÐ Akureyrar fjallaði í
gær um málefni Foldu en eins og
komið hefur fram var fyrirtækið lýst
gjaldþrota skömmu fyrir jól.
Kristján Þór Júlíusson bæjarstjóri
kynnti stöðuna í málefnum þrotabús
Foldu en í bókun bæjarráðs kemur
fram að þrátt fyrir vilyi-ði bæjai’-
stjórnar til þess að koma að málinu
með hlutafjárframlagi hefur ekki
tekist að vekja nægjanlegan áhuga
annarra til að koma að rekstri slíks
fyrirtækisins.
Bæjarráð telur því engar forsend-
ur til þess að bæjarfélagið eitt og sér
taki að sér slíkan rekstur en ráðið ít-
rekar að tilboð bæjarins um þátttöku
stendur áfram.
Deildarstjóri óskast við
leikskólann Álfastein!!
Hver vill prófa að vera deildarstjóri í
litum, fallegum leikskóla við Akureyri?
Okkur á Álfasteini í Glæsibæjarhreppi vantar leikskólakennara
til að leysa af í barnsburðarleyfi í eitt ár, frá 1. febrúar 1999.
í leikskólanum eru 22 börn á aldrinum 1-6 ára og áhuga-
samt og jákvætt starfsfólk.
Á Álfasteini leggjum við áherslu á umhverfið okkar, sjálfs-
hjálp, skapandi starf og persónuleg samskipti.
Umsóknarfrestur er til 20. janúar 7 999.
Upplýsingar veitir leikskólastjóri, Jakobína Áskelsdóttir,
ísíma 461 2624.
Blaðbera
vantar í Giljahverfi, Akureyri.
Blaðburður verður að hefjast um leið og blaðið kemur
í bæinn.
Góður göngutúr sem borgar sig.
Morgunblaðið,
Kaupvangsstræti 1, Akureyri,
sími 461-1600
Morgunblaðið leggur áherslu á að færa lesendum sínum vandaðar og áreiðanlegar
fréttir og upplýsingar. Morgunblaðið er eina dagblaðið á islandi sem er í
upplagseftirliti og eru seld að meðaltali rúmlega 53.000 eintök á dag.
Höfuðstöðvar Morgunblaðsins eru í Kringlunni 1 í Reykjavík þar sem eru hátt
i 300 starfsmenn. Á Akureyri er starfrækt skrifstofa í Kaupvangsstræti 1.
Morgunblaðið kom fyrst út 2. nóvember 1913.
Árvakur hf. er útgefandi Morgunblaðsins.
Vmartónleikar á 100 ára ártíð Strauss
Nýárstónleikar í
Iþróttaskemmunni
KARLAKÓR Akureyrar-Geysir held-
ur nýárstónleika, Vínartónleika, næst-
komandi laugardag og sunnudag, 9.
og 10. janúar, í Iþróttaskemmunni á
Akureyri klukkan 17 báða dagana.
Stjómandi er Roar Kvam en undir-
leikari á píanó er Richard Simm. Með
kómum leikur Hljómsveit Akureyrar
en einsöngvari með kómum er
sópransöngkonan Guðrún Ingimars-
dóttir frá Hvanneyri í Borgarfirði.
Hún stundaði söngnám við Söng-
skólann í Reykjavík og lauk þaðan
prófi 1992 en hélt þaðan til London í
söngtíma og síðan til framhaldsnáms
við einsöngvaradeild tónlistarháskól-
ans í Stuttgart. Þar sem hún lauk
námi hjá hinni heimsþekktu kolorat-
úrsöngkonu Sylvíu Geszty vorið
1998. Guðrún Ingimarsdóttir hefur
auk fjölda tónleika, m.a. í óperunni í
Múnchen, tekið þátt í mörgum óp-
eruuppfærslum.
Vínartónleikar Karlakórs Akur-
eyrar-Geysis eru haldnir á 100 ára
ártíð valsakóngsins Johanns Strauss
sem lést 3. júní 1899. Hann háði
valsaeinvígi við fóður sinn, Johann
Strauss eldri, og voru flestir sam-
mála um að hann hefði þar haft bet-
ur. Eftir fráfall föður hans tók hann
við danshljómveit sem hann hafði
stjórnað og gerði hana að stórhljóm-
sveit sem lék fyrir dansleikjum sem
þóttu afar tignarlegir og glæsilegir.
Hann samdi einnig óperur og em
þekktastar Leðurblakan, Nótt í Fen-
eyjum og Sígaunabaróninn.
Johann Strauss yngri samdi nær
200 valsa sem voru eins og fíngerðar
perlur á festi, mjög fjölbreytilegir
með ábúðarmiklum inngangi og eft-
irspili.
A efnisskrá karlakórsins er m.a.
Tritsch-Tratsch-polki, Keisaravals-
inn, Inngöngumars úr Sígaunabai’ón-
inum, Gleðisöngur og Dóná svo blá,
allt perlur eftir Johann Strauss. Jo-
hann Strauss eldri gleymist heldur
ekki því kórinn syngur Radetzky-vals
eftir hann. Guðrún syngur t.d. Spiel
ich die Unshuld von Lande úr Leður-
blökunni og Liebe, du Himmel auf
Erden úr Paganini efth’ Franz Lehái’.
Myndlistaskólinn
á Akureyri
Sýning á
verkum
nemenda
SÝNING á verkum nemenda
barna- og unglingadeilda Mynd-
listaskólans á Akureyri verður í
húsnæði skólans að Kaupvangs-
stræti 16 um helgina, en hún verð-
ur opin laugardag og sunnudag, 9.
og 10. janúar frá kl. 14 til 18.
Frá því skólinn var stofnaður
fyrir hartnær 25 ánim hafa nám-
skeið fyrir börn og unglinga skipað
veglegan sess í starfi hans. Þau
hafa verið hugsuð sem viðbót við
þá myndlistarmenntun sem nem-
endurnir fá í grunnskólanum.
Hugmyndafræðin að baki kennsl-
unni er að öll börn hafi hæfileika
til að skapa og þar sem listnám
snertir bæði vitsmuna- og tilfinn-
ingasvið einstaklinganna er það
mikilvægt fyrir þroskann. Reynsla
af listnámi er tvímælalaust gagn-
leg og nýtist einstaklingum við
lausn ólíkra vandamála í hinu dag-
lega lífi.
Fjölgum konum á Alþingi
MIKILVÆGI þess að auka hlut
kvenna á Alþingi og staða kvenna í
Norðurlandskjördæmunum verður
rædd á tveimur opnum fundum á
morgun, laugardaginn 9. janúar.
Fyrri fundurinn verður á Kaffi
Krók á Sauðárkróki og hefst hann
kl. 11 en sá síðari verður ki. 17 í
Deiglunni á Akureyri. Yfirskrift
fundanna er: Fjölgum konum á Al-
þingi.
Félagsmálaráðherra skipaði í
haust nefnd sem ætlað er að vinna
að auknum hlut kvenna í stjórnmál-
um. Siv Friðleifsdóttir, alþingis-
maður Framsóknarflokks og for-
maður nefndarinnar, kynnir átakið
á fundunum en auk hennar verða
þar Hólmfríður Sveinsdóttir frá Al-
þýðuflokki, Ragnhildur Guðmunds-
dóttir frá Kvenréttindafélagi ís-
lands og Una María Oskarsdóttir
verkefnisstjóri. Framboðskonur
stjórnmálaafla hafa boðað komu
sína á fundina, en þeir eru öllum
opnir sem áhuga hafa á að kynna
sér mikilvægi þess að auka hlut
kvenna á Alþingi og ræða stöðu
kvenna í kjördæmunum á Norður-
landi. Konur eru nú 28,6% alþingis-
manna. Engin kona er frá Norður-
landskjördæmi vestra en karlþing-
menn 5 talsins. í Norðurlandskjör-
dæmi eystra eru 2 konur þingmenn
og 5 karlar. Konur eru 29% sveitar-
stjórnarmanna.