Morgunblaðið - 08.01.1999, Qupperneq 27

MORGUNBLAÐIÐ
FÖSTUDAGUR 8. JANÚAR 1999 2 7
LISTIR
Morgunblaðið/Þorkell
BRITT Smelvær við verk sitt í vestursal Kjarvalsstaða.
Stillur Britt Smelver
VÍNARTÓNLEIKAR Sinfóníu-
hljómsveitar íslands verða tvennir
í Reykjavík og einir á Egilsstöð-
um; í Laugardalshöll í kvöld, föstu-
dagskvöld, kl. 20 og þeir síðari á
morgun, laugardag, kl. 17, og á
sunnudag kl. 16 í íþróttahúsinu á
Egilsstöðum. Hljómsveitarstjóri
er Peter Guth og einsöngvari
pólska sópran-söngkonan Izabela
Labuda
A þessu ári eru liðin 150 ár frá
láti Johanns Strauss eldra
(1804-1849) og 100 ár frá láti Jo-
hanns Strauss yngra (1852-1899),
en í kynningu segir, að ekki leiki
nokkur vafi á því að þeir feðgar
hafi átt drýgstan þátt í því að gera
danstónlist þá, sem kennd er við
Vínarborg, jafn vinsæla og raun
ber vitni.
Austurríski hljómsveitarstjórinn
Peter Guth kemur nú í sjötta sinn
til liðs við hljómsveitina á Vínar-
tónleikum. Peter Guth er óumdeil-
anlega einn eftirsóttasti hljóm-
sveitarstjóri í túlkun Vínartónlist-
Vínar-
tónleikar
í Laugar-
dalshöll
ar frá því hann kom í fyrsta sinn
fram sem slíkur fyrir um það bil 20
árum. Viðbrögð gagnrýnenda voru
öll á einn veg. „Peter Guth, Vínar-
tónlistarmaður í hæsta gæðaflokki,
þokki, hlýja, glæsibragur og kröft-
ug hljómsveitarstjórn" voru íyrir-
sagnir blaðanna. Hæfni hans til að
hrífa hljómsveit og áheyrendur með
fiðluleik sínum jafnframt því að
stjórna hljómsveitinni með fiðlubog-
anum líkt og þeir Strauss-feðgar
gerðu gefur tónleikum hans ósvik-
inn anda Vínarsveiflunnar. Peter
Guth stjórnar árlega um 80 Vínar-
tónleikum í Asíu, Ameríku og Evr-
ópu með fremstu einsöngvurum og
hljómsveitum heims.
Pólska sópransöngkonan Izabela
Labuda vakti strax á námsárum
sínum mikla athygli fyrir glæsileg-
an söng. Eftir að hún útskrifaðist úr
tónlistarháskólanum í Katovice fyr-
ir rúmum áratug hefur hún unnið til
fjölda verðlauna í söngvakeppnum
og atvinnutilboðin hafa streymt til
hennar. Izabela Labuda er mjög
fjölhæf söngkona og syngur jafnt í
óperum, óperettum og stór ein-
söngshlutverk með hljómsveitum.
Nýlega söng hún einsöngshlutverk-
ið í níundu sinfóníu Beethovens
undir stjórn Seije Ozawa, Þýskri
sálumessu eftir Brahms í Austurríki
og áttundu sinfóníu Mahlers í Lit-
háen. Izabela Labuda hefur verið á
tónleikaferð með Peter Guth um
Bandaríkin og Evrópu og eru tón-
leikarnir hér lokin á þeirri ferð að
þessu sinni.
SÝNING á verkum textíllistakon-
unnar Britt Smelvær, sem nefnist
Stillur, verður opnuð í vestursal
Kjarvalsstaða á morgun, laugar-
dag.
Verk Smelver endurspegla þró-
un textíllistar á síðari árum og
sýna vel á hve margvíslegan hátt
og í hve fjölbreytt efni textíllista-
menn samtímans vinna segir í
kynningu Kjarvalsstaða. Tækni og
efniviður eru ekki eins bundin
hefðum og áður fyrr, textíllista-
menn byggja nú meira á persónu-
legri tjáningu.
Leitin að efni og aðferð til að
hrinda hugmyndum sínum í fram-
kvæmd er verkefni sem Britt
Smelvær tekst gjarnan á við. Verk
hennar eru þó alltaf tengd uppruna
hennar í handverkinu og eru sam-
ansett úr mörgum samstæðum ein-
ingum sem mynda form eða rými.
Viðfang hennar er efnið; tré,
steinn, hár, þráður, mold og málm-
ar, en á þessari sýningu er efnivið-
urinn pappír og gifs. Hún plíserar
pappírinn og notar til að klæða
veggi sýningarrýmisins, inni í rým-
inu skapar hún nýtt rými úr pappír
og notar síðan ljós til að móta það
enn frekar. Hún klæðir veggina frá
gólfi til lofts. Efniviðurinn er hvít-
ur og andrúmsloftið kyrrt, öll hljóð
verða dempuð innan hinna þunnu
hvítu veggja.
Britt Smelvær er fædd í Noregi
en hún býr og starfar í Kaupmanna-
höfn. Frá um 1980 hefur hún verið
mikilvirkur listamaður og haldið
sýningar víða um heim, en þó mest
á Norðurlöndum. Hún er einkum
þekkt fyrir innsetningar sínar en
einnig hefur hún unnið verk á opin-
berar byggingar og „landart“-um-
hverfisverk.
Sýningin stendur til 7. mars.
Opið er á Kjarvalsstöðum alla
daga frá 10-18 og er leiðsögn fyrir
almenning alla sunnudaga kl. 16.
„...afskekkt veröld,
staður sem samtíminn
ekki
af
veit

■ r.

ðX

...
Einar Falur Ingólfsson ferðast
um Montensinho þjóðgarðinn í Portúgal.
í blaðinu á sunnudaginn.