Morgunblaðið - 17.09.1999, Page 19

MORGUNBLAÐIÐ
FÖSTUDAGUR 17 SEPTEMBER 1999 19
VIÐSKIPTI
INTIS eykur bandvídd á netsambandi til Norður-Ameríku í 45 Mbita
Meira en fjór-
földun á flutn-
ingsgetu
Helgi Jónsson, framkvæmdastjóri INTIS, Sturla Böðvarsson sam-
gönguráðherra og Þórður Kristinsson, stjórnarformaður INTÍS.
INTÍS hf., Internet á íslandi, bauð í
gær til formlegrar opnunar á 45
Mbita netsambandi til Norður-Am-
eríku. Bandvíddin var áður 10 Mbit
og er því um meira en fjórföldun að
ræða. Bandvídd netsambands
INTÍS hf. til útlanda er nú alls 49
Mbit. Ávörp héldu Sturla Böðvars-
son samgönguráðhen-a, Þórður
Kristinsson, stjórnai'formaður
INTIS, og Helgi Jónsson, fram-
kvæmdastjóri félagsins.
Hlutafélagið INTÍS var stofnað
árið 1995 og eru stærstu hluthafar
Háskóli íslands með 27,65%, Kögun
hf. með 22,83% og ríkissjóður með
13,1%. Tilgangur félagsins er rekst-
ur netsambands við útlönd og inn-
anlands en INTIS hf. veitir íslensk-
um fyrirtækjum netsamband, þ.á.m.
fyrirtækjum sem veita almenningi
netaðgang. Stefna fyrirtækisins er
að stunda rannsóknir og þróun á
sviði tölvunetssamskipta og stuðla
að sem hagkvæmastri uppbyggingu
tölvunets á landsvísu, að því er fram
kom í ávarpi Þórðar Kristinssonar,
stjórnarformanns INTÍS.
Norður-Ameríkusamband INTÍS
var fyrst opnað sem 2 Mbit sam-
band í mars árið 1997 og var aukið í
10 Mbit í mars á þessu ári. Netsam-
band við Evrópu var aukið í 4 Mbit í
nóvember á síðasta ári og er ekki
fullnýtt enn sem komið er.
Helgi Jónsson, framkvæmda-
stjóri INTÍS hf., sagði í ávarpi sínu
að þörf fyrir flutningsgetu vegna
notkunar Netsins hefði aukist um
100% ár hvert, síðustu ár. Við aukn-
ingu á bandvídd í 45 Mbit myndi
umferð um Netið flæða hindrunar-
laust á háannatímum og aðgengi
viðskiptavina yrði jafnara en áður.
Verðlækkun væntanleg
Helgi segir aukna bandvídd hafa
mikla þýðingu. „Tíu Mbita sam-
bandið var orðið fullnýtt og annaði
alls ekki umferð á mestu álagstím-
um. Það var mjög erfitt að sækja
myndir, hljóð og margmiðlunarefni
á álagstímum en þetta kemur til
með að breytast mjög. Nú á band-
víddin að vera nánast takmarkalaus
í bili. Við erum að vona að þetta
opni ýmsa möguleika, aðallega á
margmiðlunarsviði,“ segir Helgi.
Hann segir langtímastefnu að
setja upp jafnvítt samband til Evt-
ópu og Bandaríkjanna. „Við höfum
áætlað að 45 Mbita netsamband til
Norður-Ameríku dugi í átján mán-
uði héðan í frá. Þá verði þörf á upp-
færslu í hraðvirkara samband."
I ávarpi sínu sagði Helgi stefnt að
því að lækka gjaldskrá INTÍS inn-
an skamms. „Þetta er mál sem við
komum til með að skoða strax og
við sjáum hvert stefnir. Við von-
umst eftir því að með aukinni notk-
un verði hægt að bjóða hagstæðari
kjör. Eg býst við að lækkun verði á
allra næstu mánuðum," sagði Helgi
í samtali við Morgunblaðið.
Eins og er reka tveir aðilar net-
samband til útlanda, INTÍS hf. og
Landssíminn. Aðspurður segir
Helgi samkeppni hafa ríkt á þessu
sviði í nokkur ár. „Við sjáum fleiri
fyrirtæki eins og Islandssíma hugs-
anlega koma þarna inn í framtíð-
inni. Við vitum þó ekki enn hvaða
samkeppni það fyrirtæki kemur til
með að veita.“
Þórður Kristinsson, stjórnarfor-
maður INTIS, sagði í ávarpi sínu að
hugmynd að 45 Mbita sambandi til
Norður-Ameríku hafi fyrst verið
reifuð við fulltrúa Pósts og síma ár-
ið 1997, samningar hafi tekist í júní
í sumar við Landssímann hf. og
Teleglobe í Kanada.
Samgönguráðheira gat þess í
ávarpi sínu að unnið væri að gerð
frumvarps til breytinga á núgild-
andi fjarskiptalöggjöf. „Samgöngu-
ráðuneytið leggur ríka áherslu á að
staðið sé þannig að lagabreytingum
að þær efli þau fyrirtæki sem vinna
á þessum vettvangi."
Stefnt að auknu frjálsræði
I samtali við Morgunblaðið sagð-
ist Sturla ekki geta tilgreint inni-
hald frumvarps til breytinga á fjar-
skiptalöggjöf nánar en að því leyti
að stefnt væri að auknu frjálsræði í
takt við það sem er að gerast í Evr-
ópu. „Hugmynd okkar með breyt-
ingum á löggjöfinni er að stuðla að
því að símafyrirtækin geti nýtt sér
betur gagnaflutninga sem eru til
staðar nú þegar. Eitt mikilvægasta
verkefni við breytingar á fjarskipta-
löggjöfínni er að tryggja að það
verði ekki bara hér í Kvosinni sem
hægt verður að nýta sér tæknina,
heldur um land allt,“ segir Sturla
Böðvarsson.
Sparnað-
araðgerð-
ir hjá
Raytheon
Lexington. Reuters.
ÞRIÐJA stærsta íyrirtæki
Bandaríkjanna á sviði loftvarna,
Raytheon, hefur tilkynnt um
endurskipulagningu á rekstri
sem mun leiða til 350 milljóna
dollara útgjalda og minnkunar
á fyrirhuguðum hagnaði á ár-
inu. Raytheon hefur starfað
með íslenska fyrirtældnu Kög-
un hf., m.a. að hönnun loft-
vamakerfis á íslandi. Fyrir-
tækið framleiðir ratsjár, ómsjár
og ýmiss konar eftirlits- og loft-
vamai-kerfi eins og Tomahawk,
Patriot og Maverick en sala á
slíkum búnaði skapar um 60%
af tekjum félagsins.
Sérfræðingar höfðu gert ráð
fyrir 3,69 dollara hagnaði á
hlut á árinu 1999 en hagnaður-
inn var 3,34 dollarar á hlut á
síðasta ári. Talsmaður Raythe-
on segir enn ekki komið í Ijós
hver hagnaðurinn verði fyrir
þriðja fjórðung fjárhagsársins
en upplýsingar muni liggja fyr-
ir 21. október.
Spamaðaraðgerðir Raythe-
on hafa falist í uppsögnum
starfsfólks og í lok júní voru
11.300 stöður lagðar niður.
Frekari uppsagnir eru fyrir-
hugaðar en starfsmenn fyrir-
tækisins eru 115.000 talsins.
Gengi hlutabréfa Raytheon
lækkaði nokkuð í kjölfar yfir-
lýsingarinnar en félagið er
skráð hjá Kauphöllinni í New
York, NYSE.
Minnkandi hagn-
aður hjá Diageo
Reuters.
BRESKA mat- og drykkjarvöru-
samsteypan Diageo Plc greindi í
gær frá því að hagnaður félagsins á
fyrri hluta ársins hefði dregist
saman um 4,5% á milli ára. Tals-
menn fyrirtækisins sögðu einnig
ljóst að reksturinn hefði verið að
rétta sig af síðustu mánuði og að
búast mætti við afkomubata á
seinni hluta ársins. Samsteypan,
sem framleiðir m.a. Smirnoff-
vodka, Pillsbury-afurðirnar, Gu-
inness-bjór auk þess að reka Bur-
ger King-hamborgarakeðjuna,
greindi frá því að hagnaður fyrir
skatta hefði numið 1.767 milljónum
punda.
Talið er að stærstu áhrifavaldar
á versnandi afkomu félagsins á ár-
inu séu m.a. kreppan í Asíu, styrk-
ur breska pundsins og harðnandi
samkeppni.
Morgunblaðið/Golli
Endursöluaðilar Kodak
funda á Islandi
ÁRLEGUR fundur endursöluað-
ila á Kodak Professional-vörum á
Norðurlöndum fer fram hér á
landi um helgina. Á fundinum
eru jafnframt endursöluaðilar á
Kodak-vörum frá Eystrasalts-
löndunum, Eistlandi, Lettlandi
og Litháen. Á meðfylgjandi mynd
gefur að líta hluta hépsins sem
mun dvelja á Islandi fram á
sunnudag. Fyrir utan ráðstefnu-
haldið verður m.a. farið með
þáttakendur á sýningar á Kjar-
valsstöðum og einnig ljósmynda-
sýningu í ljósmyndasafni Reykja-
víkur.
TNT býður betri
þjónustu
HjáTNT Hraðflutningum
snýst allt um að ná sem
mestum hraða og öryggi í
flutningum. Með næturflugi
til Liege í Belgíu komum við
sendingum til skila innan
sólarhrings til og frá helstu
viðskiptalöndum okkar.
Við höfum bætt þjónustuna
enn frekar og tökum við
sendingum til kl. 18 þriðju-
daga til föstudaga og 15.30
mánudaga.
TNT er með fullkominn
leitarvef sem gerir kleift að
fylgjast með hvar sendingin
er stödd á hverjum tíma.
Skoðaðu heimasíðuna okkar,
www.postur.is/tnt
Nánari upplýsingar:
TNT Hraðflutningar,
Suðurlandsbraut 26,
108 Reykjavík.
Sími 580 1010.
UmboðsaðiliTNT á íslandi.
Hraðflutningar
Sími 580 1010 • www.postur.is/tnt