Morgunblaðið - 17.09.1999, Side 54

MORGUNBLAÐIÐ
54 FÖSTUDAGUR 17. SEPTEMBER 1999
) "—,l ~ ' 1 ■■■■■'
Dýraglens
■V
LAÖÖI, MER FINNSTAÐ
m/^TTUMAÐHALÖA
SITTIHVORA ÁTTINA!

BARA FORVITNI..EN I
HVORA ÁTTINA FERÖ PÚ?
VÆRIYKKUR SAMA PÓ AB ÞI£>
KLÖPPUBUB DÁLÍTIB LENSUR?
ES ER BARA MEB EFNI SEM ER
37 SEKUNDNA VIRBI
Ljóska
BREF
TIL BLAÐSINS
Kringlunni 1 103 Reykjavík • Sírai 569 1100 • Símbréf 569 1329
„StÖð 3“
Frá Jóhannesi Proppé:
ÉG LAS í dag, 07.09. 99, grein und-
ir liðnum „Skoðanir annarra11, og er
vísað í „Frelsi. is 4. september“ með
fyrirsögninni „þögn um siðleysi
Jóns Ólafssonar".
Það er búið að skrifa mikið og
kjafta mikið, bæði í fjölmiðlum og
manna á milli, sérstaklega manna á
milli og ekki hefur FBA-málið dreg-
ið úr þeim kjaftagangi.
Hvemig er þetta annars, er ekki
nokkur leið að fá sannleikann fram,
hver svo sem hann er? Eru allir
hræddir? - Við vitum öll að þar sem
er reykur er einhvers staðar falinn
eldur.
Lögfræðingur Jóns ber marga
aðila þungum sökum og kallar þá
ýmsum miður fallegum nöfnum,
sumir þeirra segja lögfræðing Jóns
ljúga og hóta málsókn. Eins og í öll-
um góðum hryllingsmyndum hlýtur
að vera einhver endir, góður eða
vondur, er ekki kominn tími til að
höggva á hnútinn og klára þetta mál
svo allir geti farið að snúa sér að
næsta „stórmáli".
Lögfræðingur Jóns trúir betur
sínum uppljóstrurum heldur en
þeim sem hinir tefla fram, en per-
sónulega hef ég litla trú á því sem
lögfræðingurinn heldur fram og hef
ég lítilfjörlega ástæðu til að halda
svo.
Þegar Stöð 2 valtraði yfir Stöð 3,
var ég áskrifandi að Stöð 3 (hef
aldrei verið áskrifandi að Stöð 2),
þar sem ég áleit að hún væri skyn-
samlegt mótvægi við einokunartil-
burði Stöðvar 2, þar að auki virtist
Stöð 3 lofa góðu hvað efnisval
snerti.
Ég var víst einn af þeim fáu sem
borguðu mánaðarlega til stöðvar 3,
þrátt fyrir að auðvelt hefði verið að
komast hjá því og horfa samt. Þeg-
ar Stöð 2 gleypti Stöð 3 með öllu
(hún var víst farin að verða óþægur
ljár í þúfu), og útsendingum hennar
var hætt, lofuðu eigendur Stöðvar 2,
(Jón Ólafsson og lögfr. hans) að
endurgreiða þeim áskrifendum
Stöðvar 3 sem hefðu greitt sín af-
notagjöld til þeirra stöðvar, síðasta
mánuðinn, eða eins mánaðar afnota-
gjald.
Þetta var „rausnarlegt boð“ og
satt að segja kom manni þetta á
óvart úr þessari átt. Nú leið og beið,
engin greiðsla kom, þrátt fyrir
margar fyrirspurnir, svörin voru
alltaf annaðhvort loforð um greiðslu
fljótlega, stundum afsakanir vegna
anna en engin greiðsla.
Núna skil ég betur afhverju eig-
endur Stöðvar 2 hafa þurft á öllu
sínu að halda, landakaup, banka-
kostnaður, mikilvæg skíðaferðalög
til Sviss og Guð má vita hvað annað,
enda höfuðpaurinn með skitnar 79
þús. kr. laun á mánuði.
Ég sem lífeyrisþegi (73 ára) hef
álíka tekjur úr mínum lífeyrissjóði
svo ég skil mæta vel hans aðstöðu.
Hann með fjölskyldu og stórt heim-
ili, ég bara með eina konu sem fær
jú eitthvert smáræði úr sínum líf-
eyrissjóði.
Þess vegna hef ég ákveðið (konan
er mér sammála) að þessu smáræði
sem Stöð 2 hafði lofað mér megi
hann bara eiga til eigin nota og að
viðbættu því sem kemur út úr þeirri
söfnun sem fer fram meðal eldra
fólks á einhverju heimili hér í borg,
þá vona ég að honum verði auðveld-
ara að gera sér og sínum ánægju-
lega hátíð sem senn fer í hönd. Nú
svo má alltaf benda á Hjálparstarf
kirkjunnar.
P.S. Ég er oft að velta því fyrir
mér, hvaða hjálparstofnun hafí
greitt fyrir þyrluna þama úti í
Sviss?
JÓHANNES PROPPÉ,
Hæðargarði 33.
Hinn 2000 vandinn
Frá Haraldi Óla Haraldssyni:
SAMKVÆMT könnun Morgun-
blaðsins eru yfir 60% landsmanna
sem vita ekki hvenær aldamótin
verða ...
Aldamótin verða án vafa áramót-
in 2000/2001 enda miðum við tíma-
tal okkur við að fyrsta árið hafi
verið 1 eftir Krist, það vita allir
sem hafa eitthvað skoðað málið að
árið 0 hefur aldrei verið til neins
staðar í þeirri hugmyndafræði sem
liggur á bak við tímatal okkar.
Núna þurfum við að skoða fortíðina
og kannski telja smá, notum fyrst
þá kenningu að aldamótin núna
verði áramótin 1999/2000 þá getum
við heimfært það á fyrstu aldamót-
in eftir Krist og segjum að þau hafi
verið ái-amótin 99/100. Teljum nú
árin í þessari fyrstu öld og þá sjá-
um við að samkvæmt þessu eru að-
eins 99 ár í öldinni fyrstu e.kr, ég
hélt alltaf að öld þýddi 100 ár. Við
hljótum að átta okkur á því að það
eiga að vera 100 ár í öllum öldum
en ekki bara 19 af hverjum 20 öld-
um og það reikningsdæmi gengur
upp ef fyrstu aldamótin voru
100/101 og næstu aldamót verða
2000/2001. Þetta er einfalt ef mað-
ur pælir í því ...
Núna segja sumir sem ég hef
talað við að það sé best að halda
upp á aldamótin áramótin
1999/2000 1) „bara af því að“ eða
„vegna þess að það er flottara ár-
tal“, betri rök hef ég ekki rekist á
og greinilega hef ekki rekist á nein
góð rök.
Að aldamótin séu 2000/2001 er
jafnmikið grundvallaratriði í tíma-
tali okkar og það að við getum
treyst á að næsta ár sé hægt að fá
út með því að leggja einn við nú-
verandi ár (dæmi 1998+1 = 1999).
Það getur vel verið að tímatal
okkar sé heimskt en ef við ætlum
okkur að nota það þá verðum við að
fylgja reglum þess.
HARALDUR ÓLI HARALDSSON,
Stekkjargerði 6 nh, Akureyri.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.