Morgunblaðið - 03.10.1999, Blaðsíða 8

8 SUNNUDAGUR 3. OKTÓBER 1999
MORGUNBLAÐIÐ
FRÉTTIR
Ég er alveg bergnumin af ykkur, þið skuluð sko fara í umhverfismat svínin ykkar.
Morgunblaðið/Sigurður Jónsson
Guðmundur Signrðsson framkvæmdastjóri á Selfossi veiddi 20,2
punda hæng á Snældu í Móbakka á svæði 8 í Eystri-Rangá 20. septem-
ber síðastliðinn. Viðureignin var stutt en snörp og reyndist hængurinn
mikli þungur í taumi.
Kroppast
upp úr
Rangánum
ENN eru veiðimenn að berja á
Rangánum og Hólsá, sjóbirtings-
veiðar hafa verið þokkalegar á
svæðinu að undanförnu og góður
birtingstími fer nú í hönd. Hins veg-
ar er laxveiðin orðin máttlítil þótt
menn séu alltaf að kroppa einhverja
laxa á þun't.
Rétt tæplega 1.700 laxar hafa
veiðst í Eystri-Rangá það sem af er.
Það dugar henni í þriðja sætið á
landsvísu á eftir Þverá/Kjarrá og
Grímsá. Veitt verður eitthvað fram í
október, undanþága er til veiða svo
lengi þar eð laxinn í ánni er hafbeit-
arlax og áin fóstrar tæplega villtan
laxastofn. Sömu sögu er að segja um
Ytri-Rangá, en hún er komin hátt í
800 laxa ásamt Hólsá. í báðum
Rangánum er nú að mestu tekið fyr-
ir göngur þó menn séu að veiða einn
og einn ný- eða nýlega genginn lax.
Allur þorrinn er leginn og tekur
fremur illa. Sjóbirtingur hefur verið
að veiðast nokkuð á báðum bökkum
Hólsár og í Ytri-Rangá neðan Ægis-
síðufoss að undanförnu. Góðir fískar
innan um.
Fréttir úr ýmsum áttum
í veiðipistli fyrir fáum dögum
sögðum við veiðina í Selá hafa verið
„vel yfír þúsund laxa“. Það er held-
ur oftalið, því aflinn nam rétt tæp-
um þúsund fiskum. Er það nú leið-
rétt.
Lokatala úr Laxá á Asum var 428
laxar og er það einhver minnsta
veiði sem um getur í ánni. Laxá hef-
ur sveiflast upp og niður eins og aðr-
ar ár í gegn um tíðina, en síðan 1974
hefur áin þar til nú aldrei gefíð færri
en 625 laxa, árið 1984, og tveimur
löxum meira árið 1996. Meðalveiði í
Laxá á þessu tímabili er 1.203 laxar
og mesta veiði 1.881 lax. Það er því
áhyggjuefni fyrir Laxárbændur að
skoða afraksturinn síðustu árin, 627
laxar 1996, 715 laxar 1997,1.136 lax-
ar 1998 og svo skellurinn nú. Öll árin
undir meðalveiði og öll nema eitt
langt undir. En þrátt fyrir afleita út-
komu er Laxá í öðru sæti yfir bestu
ár landsins þegar reiknaður er út
meðalafli á dagstöng. Leirvogsá,
sem lengi hefur vermt annað sætið á
þeim lista, skaust nú fram fyrir
Laxá á Asum.
Alþjóðadagur kennara 5. október
„Mikilvægasta
starf í heimi!“
Auður Stefánsdóttir
ÞRIÐJUDAG
verður haldið upp
á alþjóðlegan dag
kennara með skemmti-
kvöldi í Þjóðleikhúskjall-
aranum sem Kennara-
samband Islands, Hið ís-
lenska kennarafélag og
Félag íslenskra leikskóla-
kennara standa fyrir.
Auður Stefánsdóttir
kennari á sæti í undirbún-
ingsnefnd Alþjóðadags
kennara f.h. Kennara-
sambands Islands. Hún
var innt eftir markmiði og
inntaki umrædds alþjóða-
dags.
„Markmiðið er að
vekja athygli á störfum
kennara „mikilvægasta
starfi í heimi“, eins og
það er orðað í bréfí frá
UNESCO (United
Nations Educational Sci-
entific end Cultural Organ-
isaton) til samtaka kennara
hvarvetna í heiminum. Þema al-
þjóðadagsins í ár, sem nú er
haldinn hátíðlegur I þriðja sinn
hér á landi en í sjötta sinn er-
lendis, er; Kennarar, afl til sam-
félagsbreytinga. I tilefni af
þessu hefur UNESCO gefíð út
bækling með viðtölum við kenn-
ara víðsvegar um heiminn sem
hafa á einhvern hátt farið óhefð-
bundnar leiðir í kennslu.
UNESCO hefur af þessu tilefni
farið fram við þjóðir heims að
þær gefi út frímerki í tilefni al-
þjóðadags kennara. Von samtak-
anna er sú að þegar þessi dagur
verður haldinn hátíðlegur í tí-
unda sinn árið 2003 verði frí-
merkjaútgáfa þessi orðin að
veruleika. Islenskir kennarar
skora á yfírvöld hér að taka þátt
í þessu verkefni."
- Hvað kom til að þessi dagur,
5. október, varð fyrir valinu?
„Það var vegna þess að þann
dag árið 1966 samþykkti
UNESCO og Alþjóðavinnumála-
stofnunin (ILO) að ræða í fyrsta
sinn á alþjóðagrundvelli um
stöðu kennarans. Þess má geta
að alþjóðlegu kennarasamtökin
Education International, sem
staðsett eru í Brussel í Belgíu
hafa frá upphafi unnið að undir-
búningi þessa dags í samvinnu
við UNESCO. Nú er þessi dagur
haldinn hátíðlegur í meira en
hundrað löndum heims.“
- Hvað ætla íslenskir kennarar
að gera sér til hátíðabrigða þenn-
an hátíðisdag sinn?
„Við ætlum að vera með há-
tíðadagskrá í Þjóðleikhúskjallar-
anum og þar koma eingöngu
fram kennarar. Dagskráin verð-
ur fjölbreytt, þar verður upp-
lestur, söngur, djass-
tónlist, erindi - sem
sagt; eitthvað við allra
hæfi. Ræðu kvöldsins
heldur Örlygur Richt-
er, skólastjóri í Fella-
skóla. Kennararar úr
Fjölbrautaskólanum í Breiðholti
og Menntaskólanum við Hamra-
hlíð verða með tónlistaratriði,
einnig tónlistarkennarar úr Tón-
listarskóla Akraness. Leikskóla-
kennarar verða með upplestur.
Ingibjörg Kr. Jónsdóttir, fyrr-
verandi formaður FÍL, setur há-
tíðina. Síðasta atriði á hátíðinni
er djassleikur kennara úr
Menntaskólanum við Hamra-
hlíð.“
- Hefur þessi alþjóðadagur
kennara haft eitthvað að segja
fyrir íslenska kennara?
„Nei, ekki ennþá, en við von-
umst eftir að í framtíðinni verði
þetta opinberlega viðurkenndur
►Auður Stefánsdóttir fæddist
íReykjavík 1951. Hún lauk
kennaraprófi frá Kennara-
skóla íslands 1972 og prófi úr
hagnýtri fjölmiðlun frá Há-
skóla íslands 1996. Einnig
lauk hún Exampæd. prófi í
media-informationkundskab
frá Kennaraháskólanum í
Kaupmannahöfn 1997. Hún
hefur starfað sem kennari í
Reykjavík og á Akureyri og
við grunnskóla í Danmörku
veturinn 1975 til ‘76. Auður á
sæti í stjórn Kennarasam-
bands íslands. Maður hennar
er Sigurður Guðmundsson
trésmíðameistari og eiga þau
eina telpu.
dagur og kennarar alls staðar að
á landinu sameinist um að vekja
athygli á stai'fi sínu. Þetta hefur
óneitanlega farið hægt af stað og
fyrri skiptin þrjú var dagsins að-
eins minnst í Reykjavík. Núna
sendum við áskorun til kennara
úti um landið að vera með í há-
tíðahöldunum. Við hér höfum
hins vegar ekkert heyrt í lands-
byggðarkennurum í sambandi við
þessi hátíðahöld en vonumst tO
að þeir geri eitthvað til að halda
hátíðlegan alþjóðadag kennara.
Einnig vonumst við til að
menntamálayfirvöld sjái sér fært
að minnast þessa dags á einhvern
hátt í framtíðinni."
-Eru kennarar afl til samfé-
lagsbreytinga eins og segir í
þema þessa dags núna?
„Já, tvímælalaust. Þrjú pró-
sent af vinnandi fólki í heiminum
eru kennarar eða um 55 milljónir
manns. Þeir kenna einni bOljón
nemenda, eða um það bO 20%
jarðarbúa. Þema dagsins 5. októ-
ber nk. vísar tO þess
að um allan heim eru
kennarar að vinna sitt
starf, oft við mjög erf-
iðai' aðstæður og
margir þeirra ná ár-
angri með óvenjuleg-
um aðferðum, umrætt þema er
þeim til heiðurs. UNESCO vill
með þessum hætti leggja sitt af
mörkum til að kennarar fái þá al-
þjóðaviðurkenningu sem þeir
eiga skilið að mati samtakanna
og benda á að við getum ekki far-
ið inn í nýja öld án þess að veita
kennurum þá viðurkenningu sem
þeir verðskulda."
- Telur þú að íslenskir kennar-
ar njóti þeiirar virðingar sem
þeir verðskulda?
„Nei, ég tel að svo sé ekki.
Kennarar nutu mikillar virðingai'
í íslensku samfélagi en hún er því
miður ekki söm í dag. Ég vonast
til að það breytist á nýrri öld.“
Ná árangri
með óvenju-
legum að-
ferðum