Morgunblaðið - 04.04.2000, Blaðsíða 33
MORGUNBLAÐIÐ
ÞRIÐJUDAGUR 4. APRÍL 2000 33
LISTIR
Höggmynd Hirst
sögö eftirlíking
á barnaleikfangi
London. Morgunblaðið.
MANNSBÚKURINN, sex
metra há höggmynd Damien
Hirst, sem hann seldi fyrir 117
milljónir króna, er samkvæmt
The Sunday Times, stækkuð
eftirmynd af líffræðileikfangi
fyrir börn, sem fá má fyrir um
1.700 krónur
The Sunday Times birti um
fyrri helgi fréttina um högg-
mynd Damien Hirst og að Char-
les Saatchi hefði fest kaup á
henni fyrir milljón pund. Nú á
sunnudaginn hefur blaðið eftir
Simon Pilkington, markaðs-
stjóra Humbrolfyrirtækisins,
sem framleiðir leikföng fyrir
börn, að Hirst hafi einfaldlega
stolið hugmyndinni á bak við
eitt líffræðileikfang þeirra;
plastbúk, sem taka má í sundur
svo að líffærin sjást.
Pilkington segir ólíklegt að
fyrirtækið höfði mál á hendur
listamanninum en segir, að
mönnum þar á bæ þyki verra,
að hann skuli ekki einu sinni
hafa sótt um leyfi fyrir eftir-
líkingunni.
Charles Saatchi segist ekki
hafa haft hugmynd um, hvert
Hirst sótti hugmyndina að
höggmyndinni, en hefur boðizt
til þess að selja leikfang
Humbrolfyrirtækisins í verzlun
gallerísins, þegar höggmynd
Hirst verður þar til sýnis. Lista-
maðurinn sjálfur lætur þó eng-
an bilbug á sér finna. Eg sæki
hugmyndir að höggmyndum
mínum í alls kyns hversdagslega
hluti, hefur blaðið eftir honum.
Hann segist ekki hafa sótt um
leyfi til leikfangafyrirtækisins,
enda sé höggmynd hans sjálf-
stætt listaverk, sem eigi að skil-
greina forvitni mannsins.
Hann segist vona, að lista-
verkið veiti fólki bernska gleði,
því þegar við hættum að vera
börn, þá sé dauðinn í okkur
kominn.
Vox academica, kammerkór Háskóla Islands, heldur vortónleika f Salnum.
Vortónleikar Vox academica
VOX academica, kammerkór Há-
skóla íslands, heldur vortónleika í
Salnum á morgun, miðvikudags-
kvöldkl. 20:30.
Kórinn var stofnaður árið 1996 af
Hákoni Leifssyni og er kórnum ætl-
að að vera vettvangur fyrir fóik
sem vill halda áfram að þróa söng-
hæfni sína eftir að eiginlegu há-
skólanámi lýkur. Kórinn stóð fyrir
íslenskri sönghátíð ásamt Háskóla-
kórnum sl. vor. Að auki hefur kór-
inn haldið jólatónleika, sungið á
vegum Hollvinasamtaka Háskóla
Islands, séð um aftansöng í Selja-
kirkju sl. tvö ár og tekið þátt í ýms-
um minni uppákomum innanbæjar
og utan. Framundan hjá Vox aca-
demica er þátttaka á kirkjul-
istahátíð í Seltjarnarneskirkju í ap-
ríl og ferð á norrænt-baltneskt
kóramót í Noregi í júní.
Egill Gunnarsson tók við stjórn
Vox academica árið 1998 og er
stjórnandi Háskólakórsins frá 1997.
Flutt verða lög eftir Victor Ur-
bancic, Egil Gunnarsson, Orlando
di Lasso, Jacob Arcadelt, Claudio
Monteverdi, Don Carlos Gesualdo
da Venosa, Mátyás Seiber, Báru
Grímsdóttur, Johannes Brahms,
Jónas Tómasson og Jón Leifs.
Hjörvar Pétursson og Jóna Valdís
Ólafsdóttir syngja einsöng í tveim-
ur laganna.
AP
Dætur
faraós?
ÞESSI skúlptúr úr kalksteini, þar
sem sjá má barnfóstru með fjórar
prinsessur í fangi sér, er meðal
þeirra gripa sem nú eru til sýnis í
þjóðminjasafninu í Kaíró.
Fjöldi gripanna hefur aldrei
komið almenningi í Egyptalandi
fyrir sjónir áður endá stutt síðan
þeir komust í eigu safnsins. Sýning-
in er tileinkuð munum frá tímum
faraóanna og var sett upp í tilefni
að þjóðfræði ráðstefnu um Egypta-
land sem hófst í Kaíró sl. þriðjudag.
---------------------
Málþing og nám-
skeið í flkonagerð
YURI Bobrov prófessor í íkonafræð-
um við Listaháskólann í Pétursborg
leiðh’ málþing um rússneska íkona-
hefð við guðfræðideild Hákóla ís-
lands í dag, þriðjudag kl. 15.15 í stofu
V í aðalbyggingu Háskóla Islands.
Hann heldur námskeið í íkonagerð í
Skálholtsskóla sem hefst á morgun,
miðvikudag. Námskeiðið fer fram á
ensku og er ætlað fólki sem á að baki
nám eða reynslu í myndlist.
Tveir fyrirlestrar
Þá heldur hann opinbera fyrir-
lestra í Skálholtsskóla föstudaginn 7.
apríl. kl. 20.00 „Symbolism of an
Icon and orthodox Icon icono-
graphy" og þriðjudaginn 11. apríl kl.
20.00,_ „Icon and Russian modern
art“. í framhaldi af seinni fyrirlestr-
inum verður opnuð sýningin Ikonar
úr ýmsum áttum í Skálholtsskóla.
Yuri Bobrov mun gefa fólki ráð og
meta og aldursgreina íkona á meðan
hann dvelur hér á landi.
Grand Vhara hefur margt fram yfir
a&ra jeppa í sínum verðflokki
Það fyrsta sem þú tekur eftir þegar þú Grand Vitara er grii
sest inn i Grand Vitara eru vel bólstruð eykur styrk hans ve
sætin og hve góðan bakstuðning þau að hækka hann ef |
veita. Fjórhjóladrifið stóreykur notagildi hann jafn auðveldu
bílsins en háa og lága drifið gerir hann gengni og venjuleg
að ekta hálendisbíl. svipuðu verði!
Grand Vitara - Þægilegi jeppinn
TEGUND: VERÐ:
GR. VITARA 3 dyra 1.789.000 KR.
GR. VITARA 2,0 L 2.199.000 KR.
GR. VITARA 2,5 LV6 2.449.000 KR.
Sjálfskipting 150.000 KR.
SUZUKI BILAR HF
Skeifunni 17. Sími 568 51 00.
www.suzukibilar.is
SUZUKI SÖLUUMBOÐ: Akranes: Ólafur G. Ólafsson, Garðabraut 2, sími 431 28 00. Akureyri: BSA hf„ Laufásgötu 9, simi 462 63 00. Hafnarfjörður: Guðvarður Elíasson,
Grænukinn 20, simi 5S5 15 50. Hvammstangi: Bíla- og búvélasalan, Melavegi 17, simi 451 26 17. (safjðrður: Bilagarður ehf., Grænagarði, sími 456 30 95.
Keflavik: BG bflakringlan, Grófinni 8, simi 421 12 00. Selfoss: Bflasala Suðurlands, Hrísmýri 5, slmi 482 37 00.