Morgunblaðið - 17.06.2000, Page 10

10 LAUGARDAGUR 17. JÚNÍ 2000
MORGUNBLAÐIÐ
FRETTIR
Nýtt fyrirkomulag við greiðslu sekta fyrir umferðarlagabrot
Hægt að
borga á
staðnum
DÓMSMÁLARÁÐHERRA, Lög-
reglustjórinn í Reykjavík og Ríkis-
lögreglustjóri kynntu í gær nýtt fyrir-
komulag við greiðslu sekta vegna
umferðarlagabrota sem lögreglan í
Reykjavík mun taka í notkun í til-
raunaskyni á næstu dögum. í fjórum
lögreglubifreiðum í Reykjavík hefur
verið komið fyrir kortagreiðsluvélum
(posum) og mun ökumönnum þannig
gefast kostur á að greiða á vettvangi,
með greiðslukorti, sektir vegna tiltek-
inna umferðarlagabrota. Alls mun
verða hægt að greiða sektir vegna 22
umferðarlagabrota á þennan hátt,
m.a. vegna hraðaksturs, aksturs gegn
rauðu ljósi og þegar öryggisbelti eru
ekki notuð.
Áhersla á útlendinga
I kynningu Sólveigar Pétursdóttur
dómsmálaráðherra á nýja kerfinu
kom m.a. fram, að þessi aðferð muni
bæði gefa almenningi kost á að ljúka
óþægilegum málum á sem skjótastan
og einfaldastan hátt, og að einnig
verði öll meðferð mála hjá lögreglunni
mun skilvirkari.
Einnig kom fram að þessi aðferð
gerir lögreglunni kleift að Ijúka mál-
um gagnvart umferðariagabrotum
útlendinga, en oft er þrautin þyngri
og svarar vart kostnaði að fylgja slík-
um málum eftir þegar erlendir ferða-
menn eru famir til síns heima. Sagði
Ingimundur Einarsson, varalög-
reglustjóri í Reykjavík, að ekki væri
loku fyrir það skotið að þessum nýja
greiðslumöguleika yrði ýtt frekar að
útlendingum vegna þessa.
Hefur forvarnagildi
Auk þess að gera innheimtukerfi
lögreglunnar einfaldara og skilvirk-
ara er talið að þessi aðferð muni hafa
ákveðið forvamagildi gagnvart um-
ferðarlagabrotum. Það að sá sem
brýtur af sér borgi sekt strax í kjölfar
brots hefur án efa mun rneiri áhrif en
að fá heimsendan gíróseðil nokkrum
dögum síðar og kemur því frekar í
veg fyrir endurtekin brot. Fram kom
að af 32.000 umferðarlagabrotum sem
upp komu í Reykjavík síðastliðið ár
voru um 18.000 í þeim 22 flokkum sem
falla munu í nýja kerfið. Lögreglan
gerir sér því vonir um að fækka með
þessum breytingum verulega um-
ferðarlagabrotum í Reykjavík.
Tilraun til áramóta
Eins og áður sagði hefur greiðslu-
vélum verið komið fyrir í fjórum lög-
reglubflum í Reykjavík, en reynist
kerfið vel er mjög einfalt að setja slík-
ar vélar í fleiri bfla. Á næstkomandi
áramótum mun síðan verða metið
hvemig til hefur tekist og nánari
ákvarðanir teknar um það, hvort
brotaflokkum verði fjölgað og hvort
fleiri lögregluembætti taki upp þetta
greiðslufyrirkomulag.
Morgunblaðið/Jim Smart
Ingimundur Einarsson, varalögreglustjóri í Reykjavík, kynnir nýtt sekt-
argreiðslukerfí. Við hlið hans sitja Haraldur Johannessen ríkislög-
reglustjóri og Sólveig Pétursdóttir dómsmálaráðherra.
Alþjóðleg jarðhitaráðstefna í Japan
Nemendur Jarðhita-
skólans áberandi
ALÞJÓÐA jarðhitaráðstefnan var
haldin á dögunum í Japan og þar var
hlutur íslendinga mjög glæsilegur,
að sögn Ingvars Birgis Friðleifsson-
ar, forstöðumanns Jarðhitaskóla Há-
skóla Sameinuðu þjóðanna á Islandi.
Enn fremur settu útskrifaðir nem-
endur Jarðhitaskólans mikinn svip á
ráðstefnuna, en yfir 60 fyrrverandi
nemendur skólans frá 24 löndum
mættu þar til leiks. Ingvar segir að
það hafi komið greinilega fram á ráð-
stefnunni að fjölmargir nemendur,
sem stundað hafa nám við skólann,
séu nú í forystusveitum í sínum lönd-
um í uppbyggingu jarðhitanýtingar.
í lokaályktun ráðstefnunnar voru
tvö lönd, ísland og Filippseyjar,
nefnd sem dæmi um góðan árangur
þar sem að jarðhitanýting væri sett í
forgangsröð í orkumálum.
Ingvar segir að Jarðhitaskólinn
hafi komið mjög vel út á ráðstefn-
unni. Alls hafa 227 nemendur út-
skrifast úr honum frá upphafi 1979
og af þeim mættu 61 frá 24 löndum,
margir talsmenn sinna landa. Að
auki var sex nemendum boðinn
styrkur til að sækja ráðstefnuna en
þeir áttu ekki heimangengt.
Vaxandi lífsmark
ÞAÐ bendir eitt og annað til þess
að einhver hreyfing sé á laxi,
a.m.k. voru 18 laxar dregnir í einu
holli í Norðurá sem er hátíð hjá því
sem á undan var gengið. Allt var
það sagður grálúsugur lax. Þá
veiddust átta laxar á tveimur vökt-
um í Laxá í Aðaldal nú í vikulokin.
Þar er farinn að veiðast lax uppi
um alla á. Þá sáu menn nokkurt líf,
bæði í Miðfjarðará sem var opnuð
síðdegis á fimmtudag og menn sjá
fiska vera að ganga inn í Hauka-
dalsá í Dölum sem var opnuð 12.
júní.
Líf í Miðfirðinum
Hákon Örvarsson, kokkin- í
Laxahvammi við Miðfjarðará,
sagði í samtali við Morgunblaðið í
gærdag að fimm laxar væru í kæl-
inum eftir tvær fyrstu vaktirnar,
þrír veiddust fyrsta daginn og
tveir í gærmorgun. „Þeir sjá nokk-
uð af laxi, mest í Vesturánni, en
laxarnir komu víða á land, þó ekki
úr Núpsá,“ sagði Hákon.
Að byija að
vera gaman
Torfi Ásgeirsson, umsjónarmað-
ur Haukadalsár, sagði veiðina hafa
byrjað 12. júní og veiddust þá þrír
laxar. í gærdag voru þeir orðnir
sex, en Torfi sagði lax greinilega
vera farinn að ganga, „það er að
byija að vera gaman hérna enda
Úlfar Reynisson fékk þennan fallega 14 punda lax á veiðistaðnum
Runka í Kjarrá fyrir fáum dögum.
byrjaður að skríða inn fiskur,“
sagði Torfi. Laxamir sem veiðst
hafa hafa verið 8 til 11 pund.
Smáskot í Laxá í Þing.
Að sögn Orra Vigfússonar, sem
var að koma að norðan, veiddust
fimm laxar í Laxá í Aðaldal á
fimmtudag og í gærmorgun komu
þrír í viðbót á þurrt. Á fimmtudag-
inn veiddi Sigurður Bjamason
fjóra fyrir neðan Æðarfossa og sá
nokkuð af fiski á fleygiferð í
göngu. „Þegar svona lítið vatn er í
ánni gengur fiskurinn mjög hratt
og dreifir sér. Þegar þetta er ekki
meira magn á hann það til að týn-
ast frammi í á en menn hafa verið
að hitta aðeins á ’ann síðustu vakt-
irnar, þannig komu tveir af Óseyri
á fimmtudaginn og það hafa einnig
veiðst laxar í Heiðarenda og á
Núpum,“ sagði Orri.
14 pundari úr Langá
Þrír laxar vom komnir úr Langá
á hádegi í gær og var þá búið að
veiða í tvær vaktir. „Það er komin
rigning og við emm farin að sjá
talsvert af laxi. Hann hefur gengið
hratt upp ána, þannig veiddist einn
af þessum þremur, 10 punda
hrygna, í Glanna. Stærsti fiskurinn
var 14 punda hængur sem veiddist
á Breiðunni í morgun,“ sagði Haf-
steinn Orri staðarleiðsögumaður í
samtali við Morgunblaðið í gær-
dag. Langá er ekki vatnslítil eins
og margar ár um þessar mundir,
vatnsmiðlunin í Langavatni er
sneisafull og er útlit fyrir mátulegt
vatn í Langá langt fram á sumar.
Helgi
Hjörvar
endur-
kjörinn
HELGI Hjörvar var endur-
kjörinn forseti borgarstjórnar
á fundi stjórnarinnar á
fimmtudag. Fyrsti varaforseti
er Helgi Pétursson og annar
varaforseti Steinunn V. Ósk-
arsdóttir.
Sjö borgarráðsfulltrúar
voru kjörnir á fundinum, Ingi-
björg Sólrún Gísladóttir, Sig-
rún Magnúsdóttir, Steinunn
V. Óskarsdóttir, Hrannar B.
Arnarsson, Inga Jóna Þórðar-
dóttir, Vilhjálmur Þ. Vil-
hjálmsson og Júlíus Vífill
Ingvarsson. Breytingamar
em því þær, að í stað Helga
Hjörvars og Helga Pétursson-
ar, sem nú em varafulltrúar,
koma Steinunn V. Óskarsdótt-
ir og Hrannar B. Arnarsson.
Harður
árekstur við
Heiðmörk
TVEIR fólksbílar skullu sam-
an á Elliðavatnsvegi við Heið-
merkurafleggjara um klukkan
hálfníu í gærkvöldi.
Ökumaður annarrar bifreið-
arinnar var að sögn lögreglu
fluttur meðvitundarlaus á
slysadeild en hann reyndist
lítið meiddur og slapp með
skrámur á höfði. Þar sem
slysið varð er bæði blindhæð
og beygja. Talsverðar
skemmdir urðu á bílunum og
varð að flytja þá báða af vett-
vangi með kranabíl. Öku-
maður hinnar bifreiðarinnar
slapp ómeiddur.
Fylgi stjórnmálaflokka samkvæmt
nýrri könnun Gallups
Samfylk-
ingin nær
28% fylgi
SAMFYLKINGIN hefur nú í
fyrsta sinn náð kjörfylgi sínu á
nýjan leik skv. nýrri skoðanakönn-
un Gallups en flokkurinn hefur nú
28% fylgi. Ríkisstjórnin nýtur enn
öraggs stuðnings, eða 62% fylgis,
þó að aðeins færri segist styðja
hana nú en í síðasta mánuði.
Þetta er þriðji mánuðurinn í röð
sem Samfylking eykur fylgi sitt og
hefur hún bætt við sig ellefu pró-
sentustigum á síðustu þremur
mánuðum. Framsóknarflokkurinn
bætir einnig lítillega við fylgi sitt,
hefur nú 15% samanborið við 13%,
en Vinstrihreyfingin - grænt
framboð tapar mestu, fengi 13%
atkvæða ef kosið yrði nú og hefur
fylgi flokksins ekki verið minna
síðan í september á síðasta ári. Er
fylgið þrátt fyrir það enn yfir kjör-
fylgi flokksins í síðustu kosning-
um.
Sjálfstæðisflokkurinn tapar
lítillega, hefur 42% fylgi, sem þó
er nálægt kjörfylgi flokksins.
Frjálslyndi flokkurinn fær 2,3%
fylgi skv. könnuninni, sem er
svipað og áður. Rúmlega 17%
sögðust vera óákveðin eða neit-
uðu að svara og rösklega 6%
myndu ekki kjósa eða skila auðu
ef kosningar færu fram nú.
Úrtak könnunarinnar, sem var
gerð dagana 5.-21. maí, var 1149
manns og af þeim svömðu um
69%.
57% teUa járnbraut til
Keflavíkur góða hugmynd
Gallup kannaði einnig afstöðu
fólks til þeirrar hugmyndar að
leggja járnbraut milli Reykjavíkur
og Keflavíkur. 57% segja hug-
myndina góða en næstum 37%
telja hana slæma. Er minnst fylgi
við hugmyndina í elstu aldurshóp-
unum en fram kemur einnig að
málið virðist ekki flokkspólitískt
því ekki var marktækur munur á
afstöðu stuðningsmanna flokk-
anna.
Að síðustu má nefna að skv.
könnun Gallups líst 49% lands-
manna vel á jarðgangaáætlun rík-
isstjórnarinnar, sem kynnt var
nýlega, en 40% landsmanna líst
illa á hana. Er stuðningurinn um-
talsvert meiri úti á landsbyggðinni
því 59% landsbyggðarbúa líst vel á
áætlunina en aðeins rúmlega 41%
höfuðborgarbúa.