Morgunblaðið - 02.09.2000, Page 18

18 LAUGARDAGUR 2. SEPTEMBER 2000
HOFUÐBORGARSVÆÐIÐ
MORGUNBLAÐIÐ
Morgunblaðið/Sverrir
Lindarbyggð var valin fegursta gata Mosfellsbæjar í ár.
Fengu verðlaun
fyrir fegurð
Mosfellsbær
MOSFELLSBÆR hefur nú
tilnefnt fallegasta garð og
götu bæjarins.
Umhverfísnefnd bæjarins
telur að fegursta garð bæj-
arins sé að fínna við
Krókabyggð 5, þar sem
Klara Sigurðardóttir og
Þröstur Lýðsson ráða hús-
um.
Fegursta gatan er hins
vegar Lindarbyggð að mati
nefndarinnar.
Viðurkenningarnar verða
formlega veittar síðar í
mánuðinum.
Bæjarstjóri vill að einstaklingar fái samskonar fjármögnun
vegna byggingar leiguíbúða og sveitarfólögum býðst
Bærinn úthlutar einstakling-
um lóð undir leiguíbúðir
Garðabær
BÆJARRÁÐ Garðabæjar
hefur falið Ingimundi Sigur-
pálssyni bæjarstjóra að ræða
við Byggingu ehf. vegna út-
hlutunar lóðar undir fjölbýlis-
hús með 8-10 leiguíbúðum við
Amarás 14-16. Bæjarstjóri
sagði í samtali við Morgun-
blaðið að rekstur leiguíbúða
væri sveitarfélögum erfiður og
Garðabær hefði lengi barist
fyrir því að einkaaðilum væri
opnuð greiðari leið að bygg-
ingu og rekstri leiguíbúða. Nú
verði látið reyna á möguleika
einkaaðila til að njóta sam-
bærilegrar lánafyrirgreiðslu
vegna byggingar slíkra íbúða
og sveitarfélögin njóta.
Erfíður rekstur
fyrir sveitarfélögin
„Það er skondið að þeir aðil-
ar sem bera umhyggju fyrir
leigumarkaðnum skuli ekki
hafa með lögum opnað fyrir
greiðari leið varðandi það að
aðrir komi að þessu en sveitar-
félögin," sagði Ingimundur og
sagði að tilhneiging hefði verið
tii að hengja rekstur leigu-
íbúða eingöngu á sveitarfélög-
in. „Þetta hefur verið erfiður
rekstur íyrir sveitarfélögin.
Þess vegna vildum við prófa að
fara þessa leið líka.“
Ingimundur sagðist eiga
von á að einkaaðilamir gætu
gengið inn í sömu kjör og
sveitarfélögin njóta varðandi
fjármögnun leiguíbúða. „Það
verður látið reyna á það,“
sagði hann og sagði að af hálfú
bæjaryfirvalda lægi það skýrt
fyrir að kvöð yrði sett á húsin
um að þar ættu að verða leigu-
íbúðir.
„Eg held að rekstur svona
íbúða sé almennt betur kom-
inn í höndum einkaaðila en
sveitarfélaga. Ég sé það ekki
sem verkefni sveitarfélaga að
halda utan um fasteignarekst-
ur, auk þess sem það getur
komið upp skömn á hagsmun-
um þegar sami aðili er að leiga
íbúðir og hefur jafnframt
framfærsluskyldu," sagði
Ingimundur.
Hann kvaðst ekki þekkja
dæmi þess að sveitarfélag
hefði áður haft frumkvæði að
byggingu leiguíbúða í eigu ein-
staklinga á þennan hátt en lóð-
in við Amarás 14-16 var
auglýst með þeim skilmálum
af hálfu bæjarfélagsins. Þrjár
umsóknir bámst og fól bæjar-
ráð bæjarstjóra að ræða málið
og skilmála úthlutunarinnar
við Byggingu ehf.
Hindranir í kerfinu
Ingimundur sagði að Garða-
bær hefði í mörg ár hvatt verk-
taka til að stíga þetta skref en
fram hafi komið að þegar á eigi
að reyna varðandi fjármögnun
samkvæmt þeim reglum sem
gilda um leiguíbúðir sveitarfé-
laga hafi menn rekið sig á
mikla tregðu í íbúðalánakerf-
inu og settar hafi verið upp alls
kyns hindranir til að koma í
veg fyrir slíkt.
Ingimundur sagði erfitt
ástand á leigumarkaði og
sagðist t.d. spyrja sig hvers
vegna verkalýðshreyfingin,
sem standi fyrir umfangsmik-
illi byggingu sumarhúsa fyrir
félagsmenn sína, byggi ekki
einnig leiguhúsnæði fyrir þá.
„Það er mikill skortur á leigu-
húsnæði og ég held að þurfi að
virkja fleiri til að bæta úr því í
stað þess að henga allt á einn
aðila, sem á i erfiðleikum með
að sinna þessu,“ sagði hann.
Bæjarstjórinn sagðist að-
spurður telja að með tilkomu
þessara leiguíbúða mundu
flytjast þangað að einhverju
leyti þeir sem annars hefðu
leitað eftir félagslegu leigu-
húsnæði hjá bænum.
Þennan garð telur umhverfisnefnd Mosfellsbæjar þann fegursta í bænum í ár.
Morgunblaðið/Jón Stefáns
Verið er að reisa nýbyggingu á Dalvegi í Kópavogi þar sem
lögreglan verður til húsa.
Lögreglan í nýtt
húsnæði
Kópavogur
MÁLNING hf. er að reisa
stórhýsi á Dalvegi 18 í Kópa-
vogi. Húsið kemur meðal ann-
ars til með að hýsa sýslu-
mannsembættið í Kópavogi
ásamt lögreglu bæjarins.
Þorleifur Pálsson, sýslu-
maður í Kópavogi, segir að
embættið hafi verið í Auð-
brekku 10 síðan um áramótin
1977-1978. Embættið hafi
einnig verið með leiguhús-
næði í Hamraborg fyrir
tryggingaumboð fyrir Trygg-
ingastofnun ríkisins. Hús-
næðið allt hafi verið orðið of
þröngt og fólksfjölgun og
fjölgun fyrirtækja hafi verið
stöðug í bænum með auknum
verkefnum fyrirtækisins.
Sýslumannsembættið tek-
ur til leigu til 25 ára rúma
1.900 fermetra á þremur hæð-
um að hluta. Ráðgert er að
embættið flytji í nýja húsnæð-
ið á fyrri hluta næsta árs.
Móttökustöðvum sorps stórfjölgað í Hafnarfírði og hvatt til aukinnar flokkunar
Sorphirðumenn
fækka ferðum
Hafnarfjörður
FRÁ og með deginum í gær
var fyrirkomulagi sorphirðu í
Hafnarfirði breytt á þann veg
að framvegis verða sorptunn-
ur bæjarbúa tæmdar á tíu en
ekki sjö daga fresti. Markmið
bæjarins með þessu er að
draga úr því magni sorps sem
fer til urðunar en auka hlut
þess sem fer til endurvinnslu.
Svanlaugur Sveinsson hjá
umhverfis- og tæknisviði bæj-
arins segir stefnt að því að
fara að vigta sorp frá einstök-
um húsum og innheimta gjald
eftir magni á síðari hluta
næsta árs og kveðst ekki telja
óraunhæft að stefna að því að
draga úr sorpmagni um 25-
30% fyrir árið 2004.
Svanlaugur segir að bæjar-
búar séu hvattir til að flokka
sorp þannig að minna fari í
tunnuna en áður og skilja frá
pappír, drykkjarfemur,
bylgjupappa, málma og ýmis-
legt fleira en þessi efni séu að
meðaltali um 30% þess sorps
sem fer til urðunar frá heimil-
um.
Níu nýjar
móttökustöðvar
Hann segir að jafnframt því
að sorp verði hirt sjaldnar en
áður verði fjölgað úr 6 í 15
þeim stöðum í bænum þar
sem hægt er að fara með
pappír og fernur til losunar en
þeir sem ekki treysti sér til að
draga úr sorpi frá heimilum
sínum og telji að ein tunna
nægi sér ekki fyrir 10 daga
geti hins vegar fengið fleiri
tunnur keyptar í áhaldahúsi
bæjarins.
„Þetta er okkar aðferð við
að reyna að fá fólk aðeins til
að spyrja sig: Hvað get ég
gert til að minnka sorpið mitt?
Næsta skref er að vigta sorpið
en það verður tæplega gert
fyrr en seinnipart næsta árs.“
Svanlaugur sagði að bæjar-
búum ættu ekki að koma
breytingarnar á óvart því
bæklingur hefði verið sendur í
hvert hús og málið auglýst í
ýmsum miðlum. Hann sagði
að nokkuð hefði verið um að
fólk hefði hringt. „Fólk hefur
tekið þessu vel og litist mjög
vel á,“ sagði Svanlaugur, sem
taldi greinilegt að þau sjónar-
mið ættu mikinn hljómgrunn
að láta ekki urða að óþörfu
það sem hægt er að endur-
nýta.
Vissulega kvaðst hann hafa
heyrt gagnrýniraddir og
kvartanir, en þegar málin
væru rædd við þá aðila breytt-
ist yfirleitt hljóðið. „Fólk er
almennt inni á því að taka þátt
í að fiokka," segir hann.
Hann segir að fólk átti sig á
að þegar t.d. mjólkurfemum
sé hent beint í tunnuna taki
þær margfalt það pláss sem
nauðsynlegt er, tunna geti
virst troðfull þótt í henni sé að
miklu leyti loft.
Að meðaltali hirða sorp-
hreinsunarmenn árlega um
240 kg af sorpi til urðunar frá
hverjum einstaklingi hér á
landi. „Markmiðið hjá okkur
er að minnka þetta og ég hef
sagt að ef við náum að draga
úr þessu um 25-30% séum við
í mjög góðum málum,“ sagði
Svanlaugur og kvaðst ekki
telja óraunhæft að ætla að það
markmið gæti náðst fyrir
2004.
Gámaþjónustan sér um
sorphirðu í Hafnarfirði og í
kjölfar þess að sorp verður nú
hirt sjaldnar en áður hefur
bærinn gert nýjan samning
við fyrirtækið, sem sparar
bæjarsjóði um 7 m.kr. á ári, að
sögn Svanlaugs.
Hann sagði að sorphirðu-
gjöldin, sem eru 4-5.000 krón-
ur á ári á hverja tunnu, stæðu
aðeins undir broti af heildar-
kostnaði við sorphirðu. Ætti
gjaldið að standa undir kostn-
aði þyrfti það að vera um 17-
18.000 krónur á ári á hverja
tunnu.
Hingað til hafa flestir hús-
eigendur getað nánast stillt
klukkuna sína eftir því hve-
nær von er á sorphirðumönn-
um en nú raskast þær tíma-
setningar þegar komið verður
á 10 daga fresti en ekki viku-
lega.
Svanlaugur sagði stefnt að
því í október að birta nýjan
lista með nákvæmum áætlun-
um um losunardaga og -tíma í
einstökum hverfum.
Reykjavíkurborg er nú
þegar með svipað tilrauna-
verkefni í gangi í Breiðholts-
og Árbæjarhverfi þar sem
annars vegar er tæmt á tíu
daga fresti og hins vegar vigt-
að sorp frá notendum.