Morgunblaðið - 29.12.2000, Síða 35

MORGUNBLAÐIÐ
FÖSTUDAGUR 29. DESEMBER 2000 35
LISTIR
Morgunblaðið/Jón Svavarsson
„Það verður þd að segjast að þau Sigurður Sigurjónsson og Tinna Gunn-
laugsdóttir fara vel með hlutverk sín, nú sem fyrr, og samleikur þeirra
var ágætur en textinn og efniviðurinn býður þó ekki upp á mikil tilþrif
að þessu sinni,“ segir í dómi Soffíu Auðar Birgisdóttur.
Stiklað á stóru
málunum
LEIKLIST
Leikfélag íslands
og llekla
Á SAMA TÍMA SÍÐAR
Höfundur: Bernard Slade. íslensk
þýðing og aðlögun: Tinna Gunn-
laugsdóttir. Leikstjóri: Hallur
Helgason. Leikarar: Sigurður Sig-
uijdnsson og Tinna Gunnlaugs-
dóttir. Leikmynd og búningar:
Hlín Gunnarsdóttir. Lýsing: Sig-
urvald Ivar Helgason.
Loftkastalinn 28. desember
EKKI ER þess látið getið í leik-
skrá hvenær Bemard Slade skrifaði
þetta framhald af hinu geysivinsæla
verki sínu A sama tíma að ári sem
hefur í bæði skiptin sem það hefur
verið fært á íslenskt leiksvið slegið
rækilega í gegn; fyrst með þeim
Bessa Bjamasyni og Margréti Guð-
mundsdóttur í hlutverkum parsins
sem hittist einu sinni á ári í rúma tvo
áratugi, síðan með þeim Sigurði Sig-
uijónssyni og Tinnu Gunnlaugsdótt-
ur sem einnig fara með hlutverk
parsins að þessu srnni. Fyrra verkið
er skrifað á áttunda áratugnum og
líklega hefur höfundur freistast til
þess að skrifa framhald í kjölfarið á
vinsældum þess. Framhaldið ber þó
því miður flest þau einkenni sem oft
vilja hrjá slík framhöld; efnið er út-
þynnt og léleg útgáfa af hinu fyrra.
Verkið er byggt upp nákvæmlega
eins og hið íyrra. Hér er um tvo þætti
að ræða sem hvor um sig skiptist í
þrjú atriði og líða nokkur ár á milli at-
riða. Fyrra verkið spannaði tímabilið
írá 1958-1982, síðara verkið gerist á
áranum 1983-1999. Sviðsmynd og
búningar eru í höndum Hlínar Gunn-
arsdóttur sem einnig sá um þessa
þætti fyrri sýningarinnar og heldur
hún sama stíl og er það vafalaust gert
vísvitandi, síðari sýningin virkar sem
beint framhald þeirrar fyrri - sem
hún auðvitað er. Sami háttur er einn-
ig hafður á með að staðsetja verkið í
tíma; á stórt tjald er bragðið upp
fréttamyndum og auglýsingum sem
gefa tímann til kynna.
En það er eins og krafturinn sé
farinn úr verkinu; textinn virkar
hvorki eins spennandi og innihalds-
ríkur og í fyrra verkinu og það sem
verra er, svo virðist sem neistinn sé
að mestu leyti horfinn úr sambandi
parsins, Dóra og Georgs. Ef til vill er
það raunsætt - kannski hverfur
neistinn úr ástarsambandi, jafnvel
þótt um stopula fundi og framhjáhald
sé að ræða, þegar árin og áratugirnir
líða. En það sem gerir þó útslagið er
að höfundur virðist fallinn ofan í
klisjumar, en svo var alls ekki um
fyrra verkið. Hér er skautað yfir-
borðslega á stóra málunum: samkyn-
hneigð, eiturlyfjaneysla, krabba-
mein, o.s.frv., allt er þetta dregið
fram og afgreitt hratt og á fremur
ódýran máta.
Það verður þó að segjast að þau
Sigurður Sigurjónsson og Tinna
Gunnlaugsdóttir fara vel með hlut-
verk sín, nú sem fyrr, og samleikur
þeirra var ágætur en textinn og efni-
viðurinn býður þó ekki upp á mikil
tilþrif að þessu sinni. Eg á von á því
að þeir sem skemmtu sér konunglega
á fyrri sýningunni verði flestir fyrir
allnokkram vonbrigðum með þetta
verk - og er þar fremur við höfund-
inn að sakast en aðstandendur þess-
arar sýningar.
Soffía Auður Birgisdóttir
Sonur satans
KVIKMYNDIR
Laugarásbíó, Regn-
boginn, Stjörnubíð og
Borgarbíð Akureyri
NIKKI LITLI ★
„Little Nicky“. Leikstjóri: Steven
Brill. Handrit: Steven Brill, Sandler
og Tim Herlihy. Aðalhlutverk:
Adam Sandler, Harvey Keitel, Rhys
Ifans, Patricia Arquette og Rodney
Dangerfield. New Line
Cinema 2000.
í NÝJUSTU gamanmynd Adam
Sandlers, „Little Nicky“, leikur
gamanleikarinn son satans, ein-
hvers konar þungarokksidíjót með
einstaklega lága greindarvísitölu,
skaddaðan í andliti eftir skóflu-
högg. Harvey Keitel leikur satan,
sem er við það að missa völdin í
helvíti til tveggja annarra sona
sinna og getur enginn bjargað hon-
um nema Nikki litli. Hann eltir
bræður sína upp til jarðar og reyn-
ir að góma þá en það reynist þraut-
in þyngri svo ekki sé meira sagt.
„Little Nicky“ er delluverk sem
hefði ekki getað orðið til nema í
Hollywood þar sem mestu andans
menn kvikmyndagerðarinnar virð-
ast í mörgum tilvikum ekki hafa
náð sjö ára aldri. Sandler er einn af
þeim. Hann hefur sérhæft sig í því
að leika einhvers konar bjána í
myndum sínum en verður sífellt
aumlegri og ófyndnari. Hann hefur
ekki leikræna burði til þess að vera
neitt nema hann sjálfur eins og
honum hefur reyndar tekist ágæt-
lega í mynd eins og Happy Gil-
more. Þegar hann þarf að leika
eitthvað annað, jafnvel eitthvað
eins ómerkilegt og Nikka litla í
þessari mynd, vefst honum tunga
um höfuð svo óþægilegt getur
reynst að horfa á hæfileikaleysið.
Það er nóg af ágætum leikurum í
myndinni en því miður eru þeir
vannýttir. Harvey Keitel hefur lát-
ið plata sig í delluna og er furðu-
lega máttlaus satan nema þegar
hann treður ananas upp í rassinn á
Hitler, sem gerist klukkan fjögur á
hverjum degi. Þannig er húmorinn
í myndinni. Talandi hundur á að
skila af sér nokkrum bröndurum
og taugaveiklaður hommi líka og
svo er ömurlega hallærisleg ást-
arsaga þarna á milli Nikka og
stelpu sem Patricia Arquette leik-
ur. Velski leikarinn Rhys Ifans er
talsvert ábúðarmikill sem væntan-
legur arftaki satans og Reese
Witherspoon er engill á himnum.
Brandararnir eru klúrir sem
væri í lagi ef þeir bara væra fyndn-
ir. Talsvert mikið er af sæmileg-
ustu tæknibrellum 1 myndinni sem
gætu fengið fólk til þess að gleyma
allri vitleysunni. Það er þó hæpið.
Dellan ríkir svo um munar í
Sandler-landi og er orðin veralega
afleit.
Arnaldur Indriðason
Sorgar og
samúðarmerki
Borið við minningaralhafnir
og jarðarfaiir.
AUur ágóði rennur til
líknarmála.
Fæst á bensínstöðvum,
í Kirkjuhúsinu og í
blómaverslunum.
H KRABBAMEINSSJÚK BÖRN
dJíT H)ÁLPARSTOFNUN
V!!D/ KIRKIUNNAR
Hágæða vogir á góðu verði
Með prentara og án prentara
Fyrir rafhlöðu og 220 V AC
RÖKRÁS EHF.
Kirkjulundi 19, sími 565 9393
Samlokubakkar
við öll tækifæri
W§,,§MJl
IÉMJ1ML
' í
3 mismunandi gerðir bakka, fylltir gimilegum samlokum
Pöntunarsími er 5656000, alla virka daga milli kl. 8 - 16
Auglýsing um innlausnarverð
verðtryggðra spariskírteina ríkissjóðs
Flokkur Innlausnartímabil Innlausnarverð* á kr. 10.000,00
1981-1.fl. 25.10.2001-25.01.2002 kr. 342.970,20
1989-l.fl.A 2,5 ár 10.01.2001-10.01.2002 kr. 29.076,70
1989-2.fl.A lOár 15.01.2001-15.01.2002 kr. 26.184,40
* Innlausnarverð er höfuðstóll, vextir, vaxtavextir og verðbætur.
Innlausn spariskírteina ríkissjóðs fer fram í afgreiðslu
Seðlabanka íslands, Kalkofnsvegi 1, Reykjavík.
Reykjavík, 29. desember 2000
SEÐLABANKIÍSLANDS
Hvernig væri að fjárfesta í myndlist?
Rauðarárstíg 14-16
sími 551 0400
og Kringlunni
sími 568 0400
www.myndlist.is