Morgunblaðið - 29.12.2000, Blaðsíða 64

MORGUNBLAÐIÐ
,34 FÖSTUDAGUR 29. DESEMBER 2000
Dýraglens
Grettir
Ljóska
Ferdinand
Smáfólk
VE5TERPAY U)A5 MY GRAMPAS BIRTI4PAY..
I ASKEP HIM U)MAT THE MOST IMPORTAKT THINé
U)A5 THAT HE HA5 LEARNEP IN HI5 LIFE...
f WE 5AID,' I VE LEARNEPTHAT EVEN
U)HEN PEOPLE ASK ME THAT QUESTION,/
JTHEY AREN'T 60IN6 TO LISTEN ! "

Afi minn átti afrnæli í gær.. Ég spurði hann
hvað væri það mikilvægasta sem hann hefði
lært í lífshlaupi sínu..
Hann sagði, “Ég hef lært að jafnvel þó
fðlk spyrji mig þessarar spumingar mun
það ekki hlusta!”

BREF
TIL BLAÐSINS
Kringlunni 1103 Reykjavfk • Sími 569 1100 • Símbréf 569 1329
Hóflega drukkið vín kann að gleðja mannsins hjarta, segir höfundur, en
það á ekkert erindi til barna og unglinga. (Myndin er sviðsett.)
Kemur barnið þitt
niður með prikinu?
Frá Jóhanni Guðna Reynissyni:
ÁRAMÓTIN nálgast nú óðum. Á
þeim tímamótum eykst neysla áfeng-
is til muna og verður almenn. Jafnvel
barnungir unglingar fá áfengisglös í
hendur. Við hvetjum forráðamenn
bama og unglinga til þess að hafa
ávallt aðgát í áfengismálum þegar
börn og unglingar eru annars vegar,
ekki síst yfir hátíðamar.
Rannsóknir hafa sýnt að fyrsti
áfengissopinn eða fyrsta sígarettan
eru gjarnan vísir að harðari vímu-
efnaneyslu. Flestir byrja á að fikta
við þessi efni enda virðast þau sak-
leysisleg fyrst mamma, pabbi, afi eða
amma, og aðrir góðir ættingjar og
vinir, nota þau alltaf þegar þau eru að
koma sér í gott skap! Jafnvel líka á
jóíunum og þá ekki síður um áramót-
in. Hóflega drukkið vín kann að
gleðja mannsins hjarta en það á ekk-
ert erindi til barna og unglinga.
Eftir þvi sem bamið er yngra þeg-
ar það prófar - því meiri er hættan á
misnotkun á síðari stigum. Hafnar-
fjarðarbær, æskulýðs- og tóm-
stundaráð og lögreglan í Hafnarfirði
hvetja forráðamenn bama og ung-
linga til þess að vera vakandi yfir vel-
ferð þeirra öllum stundum. Fátt er
verra en að vakna upp við þann
vonda draum í timburmönnum fagn-
aðarláta eftir áramót eða annað
skrall og standa frammi fyrir vanda-
málum sem urðu til fyrir andartaks
vangá.
Látum ekki börnin okkar „koma
niður með prikinu" eins og þmmur
úr reykmettuðu lofti þegar gleðin er
um garð gengin. Verjum áramótum í
faðmi fjölskyldunnar og veitum
bömum og unglingum sérstaka at-
hygli á slíkum tímamótum.
Veist þú hvar barnið þitt er á ný-
ársnótt?
JÓHANN GUÐNI
REYNISSON,
upplýsingastjóri hjá
Hafnarfjarðarbæ.
KN var enginn
bögubósi
Frá Kristjáni Bersa Ólafssyni:
Á JÓLADAGSKVÖLD var fluttur í
sjónvarpinu þáttur um Klettafjalla-
skáldið Stephan G. Stephansson,
eitthvert besta skáld á íslenska
tungu fyrr og síðar. Þar var með
ágætum fjallað um ævi hans og sum-
um ljóðum hans líka gerð nokkur
skil.
En í þessum þætti var farið með
vísu eftir annan vesturíslenskan höf-
und, KN, og það var því miður gert á
þann veg að skáldæm KNs er stefnt í
voða, ef ekki verður leiðrétt. Þó mun-
ar ekki nema einu orði á því sem rétt
er og því sem flutt var - en það eina
orð er orðið sem öllu máli skiptir.
Vísan sem um er að ræða er birt í
kvæðasafni KNs á bls. 136 í útgáfu
Richards Becks og Bókfellsútgáf-
unnar frá 1945 og er þar á þessa leið:
Allterhirtogallterbirt,
aldrei hlé á leirburðe,
kveður myrkt og stundum stirt
Stephán G. í „Kringlunne".
Eins og sjá má er þessi vísa ort
undir alldýmm bragarhætti, kol-
beinslagi nánar tiltekið, og svo sam-
annjörvuð af rími að það nálgast að
vera afrek að afbaka hana á þann
hátt sem gert var í sjónvarpsþætt-
inum. En þar var orðið „lát“ sett í
staðinn fyrir „hlé“ í annarri hend-
ingu vísunnar; og þar með var brag-
arhættinum ekki aðeins spillt, oddh-
endurímið fellt niður, heldur líka
búin til ofstuðlun eða ný stuðlasetn-
ing í Ijóðlínunni (aldrei lát á leir-
burðe). Þannig hefði KN aldrei ort,
svo mikið er víst, og mér finnst að
þáttarhöfundurinn og sjónvarpið
ættu að sjá sóma sinn í að leiðrétta
þetta. Þó að KN hafi kannski ekki
verið skáld á borð við Stephán G„ þá
var hann samt enginn bögubósi, „og
það er í sannleika helvíti hart“ (svo
vitnað sé í einhverja þekktustu ljóð-
línu KNs) að fá það framan i sig á
jóladag í annars ágætum sjónvarps-
þætti, að KN hafi ekki kunnað ís-
lenskar bragreglur.
KRISTJÁN BERSIÓLAFSSON,
Tjarnarbraut 11, Hafnarfirði.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.