Skírnir - 01.08.1913, Síða 44

236
Josef Calasanz Poestion.
(Um sögu leikrita og leikhúsa á íslandi) 1903, Eisland-
blúten (Islandsblóm. Nýíslenzkt ljóðasafn, með inngangi
um menningu landsins og bókmentir, og með skýringum)
1904, og 1912 bókin um Steingrím Thorsteinsson, sem nú
er mikið og lofsamlega ritað um á þýzku. Auk alls þessa
hefir Poestion skrifað ýmsar greinir í blöð og tímarit.
Um flest þessi rit Poestions hefir verið skrifað all-
ítarlega í íslenzkum blöðum og tímaritum, og skal því eigi
hér lýsa hverju þeirra um sig. En öll eru þau höfundin-
um og þjóð vorri til sóma. öll bera þau vott um ást
hans á viðfangsefninu og óþreytandi elju hans og sam-
vizkusemi. Hefir það vakið aðdáun allra. sem vit hafa á,
hve víðtæk og nákvæm þekking Poestions er, svo örðugt
sem það hlýtur þó að vera í fjarlægu landi að ná í allan
þann fróðleik sem saman er kominn í ritum hans, og það
þótt hana hafi átt ýmsa góða menn að hér heima. Bækur
hans eru allar vel samdar, efnisskipunin ljós og eðlileg
og dómar hans sanngjarnir og heilbrigðir. Hann varast
ofiof og tildur í rithætti, og er það raikilsvert, að ekki séu
gefnar út ávísanir á meira gull en fyrir er, þegar verið er
að ryðja áður óþektum bókmentum veg til álits meðal er-
lendra þjóða. En í öllu sem Poestion ritar um íslenzk efni
andar virðingu og aðdáun fyrir íslenzkri þjóð, sem þrátt fyr-
ir fámenni og fátækt hefir lagt slikan skerf á altari menn-
ingarinnar, og er auðfundið bróðurþelið sem undir býr.
Þýðandi er Poestion svo snjall, að fáir mega við hann
keppa. Er það viðurkent jafnt af skáldum þeim sem hann
hefir þýtt, sem af öðrum. Mun hann vera skáld, þó hann
yrki ekki að jafnaði frá eigin brjósti svo að kunnugt sé.
Að maklegleikum hefir Poestion fengið allmikla viður-
kenningu fyrir störf sín. Hann er hirðráð að nafnbót og
hefir verið sæmdur heiðursmerkjum margra þjóða. Hann
er heiðursfélagi Hins íslenzka Bókmentafélags.
Þegar Islendingar minnast þeirra manna sem hafa
rétt þeim bróðurhönd og beðið þeim hljóðs á skáldaþingir
verður Poestions jafnan getið.
Guðm. Finnbogason.