Skírnir - 01.12.1915, Qupperneq 41

Nýtt landnám.
377
safnað miklura fróðleik saman viðvikjandi siglingum um
Karahafið. Kiðurstaðan, sem hann kemst að, er sú, að með
þeim tækjum, sem nú standi til boða, muni vera hægt að
sigla yfir Karahafið í öllum eða nálega öllum árum. Hann
leggur til að gerðar séu út 3—4 litlar hreyfiskútur með
þráðlausum símatækjum til að rannsaka strauma lofts og
lagar og alt um áhrif þeirra á ísinn. Til að rannsaka
hvernig ísinn liggur og hvar er hægt að sigla, leggur
hann til að hafðar séu fiugvélar og flogið sé á þeim út yfir
hafið öðru hvoru, og að fréttirnar um ísinn séu símaðar með
þráðlausum skeytum til gufuskipanna. sem eru á leiðinni,
og svo til Evrópu. Hann gerir ráð fyrir, að flugvélar
geti komið að miklum notum þar, sem líkt sé ástatt og
þarna og erfitt sé að komast áfram fyrir ís.
Þetta mál ætti víst erindi til okkar, og eins gæti verzl-
un við Síberiu orðið arðvænleg. ísland liggur ekki fjærri
skipalínu frá Bandaríkjunum norður um Noreg til Síberíu, og
heldur ekki langt frá skipalínu frá Norðurlöndum til Hud-
sonsfióalandanna, en sú lína liggur yfir Hvarf á Græn-
landi. Gæti það orðið til hagsbóta fyrir þá, sem Græn-
land eiga að byggja. Ef Island ætti að verða stöð fyrir
skipalínur, þurfum við að hafa eitthvað að bjóða skipun-
um af því, sem þau þurfa, og þá fyrst og fremst kol.
Eftir því sem bygðin færist norður á bóginn beggja megin
Atlanzhafsins verður Island minna afsíðis, og skilyrðin
fyrir því, að Island geti orðið verzlunarland, vaxa. En i
allri atvinnu, og ekki sízt í verzlun, fá þeir bezta útreið,
sem fyrstir sjá leik á borði og nota hann. Svo mun og.
verða um verzlun við Síberíu og Norður-Kanada.