Skírnir - 01.04.1916, Page 33

‘Skirnir]
Um Þorleif Gnðmundsson Repp.
145
um þóttu eigi hafa manndóm til að vera það, er þeir létust
vera. Og af skoðun sinni lét hann aldrei við hvern sem
hann átti skipti, ef hann hugðist hafa á réttu að standa.
Slíkir menn verða sjaldan vinsælir.
En nú er að segja frá starfsemi Þorleifs við bóka-
safnið. Safn þetta (The Advocates Library) er aðalbóka-
safnið í Edinborg, bókasafn háskólans þar; þótt það sé
aðallega ætlað lögfræðingum og sé stjórnað af lögfræða-
deild háskólans, þá er mönnum almennt þó mjög greitt
um að fá rit þaðan, og á safnið bækur í öllum greinum,
þótt það heiti þessu nafni. Safnið er allgamalt og fjöl-
skrúðugt. Þegar Þorleifur kom að því, hafði það að
geyma 150000 binda, að þvi er talið var. Þorleifur hafði
búizt við því, er hann kom að safninu, að hann yrði
settur til hinna meiri háttar bókasafnsstarfa, einkum
skrásetningar, því að til hinnar einfaldari bókasafnsstarf-
semi, afgreiðslu og þess háttar, var lítil þörf að sækja
mann til safnsins í önnur lönd. En þessi von brást Þor-
leifi algerlega. Hann var fyrst settur í það verk að skrifa
upp bókaskrá safnsins, og það oftar en einu sinni, og af-
greiðslu var hann látinn hafa á hendi, þegar einhvern af-
greiðslumannanna vantaði. Síðar var honum falin afgreiðsla
og umsjá með sögudeild safnsins og enn þar við aukið
lagadeildinni. Var Þorleifur allóánægður yfir því að sinna
svo óveglegum störfum, er honum þóttu, og ritaði yfir-
stjórn bókasafnsins bréf um það. Var honum þá fyrst
falið á hendur að skrásetja bókasafn þýzks manns nokk-
urs, er safnið hafði keypt, og síðar sams konar safn spán-
verskt, og raða þeim viðaukum upp i hillur. Þá gerði
■ og Þorleifur skrá yfir Norðurlandahandrit þau, er safnið
átti, sem flest munu hafa verið komin frá Finni prófessor
Magnússyni.
En eigi hafði Þorleifur lengi verið við safnið, áður
en greinir urðu með honum og yfirmanni þess, dr. David
Irving. Þorleifur þóttist vera settur til minni háttar starfa
■ en um var samið, en dr. Irving kvað hann illa gegna
þeim störfum, er honum var trúað fyrir, og óhlýðnast
10