Árbók Hins íslenzka fornleifafélags - 01.01.1978, Blaðsíða 6
FORNIR HÚSAVIÐIR í HÓLUM
9
tvískorustrikinu og skakkslárnar niðri, en þær eru með grópum á
hlið, önnur tveim, hin með einu (31., 36., 39., 41. og 43. mynd).
I árefti innri bæjardyra eru tveir strikaðir bútar, augljóslega lang-
bandsbrot úr skála.
Stofa. Úr innri bæjardyrum er gengið til norðurs um stutt en
breið göng og þaðan til stofu upp skásettan timburpall sem ligg-
ur að tvennum dyrum. Þær vestari (fremri) liggja til sjálfrar stof-
unnar en þær eystri (innri) til bils, sem verður milli þils og veggjar.
Þar er stigi upp á stofuloftið, steinlagðar tröppur til kjallara undir
stofugólfinu og gluggi á bjór. Stofan sjálf er fjögur stafgólf, 4.20 x
4.75 m, þiljuð í upphafi í hólf og gólf en nú hefur þilið norðanmeg-
in verið tekið niður vegna sigs í grindinni þeim megin. Hún er blá-
máluð, klædd plægðum þiljum sem ganga í syllur efst og neðst. Á
stafni eru tveir sex rúðu gluggar niðri en einn uppi. Utanþiljur eru
með allsérstæðum hætti gerðar, settar saman með gróp og fleygfjöl
á víxl, þar sem grópfjölin er breiðari og þykkari en fleygfjölin
mjórri og' þynnri. Efst eru listaðar og útsniðnar vindskeiðar. Sjálf
tóftin er um 6.70x4.60 m (2., 3. og 38. mynd).
Pallurinn úr hliðargöngum að stofu er allur settur saman með
gróp- og fleygfjölum (35. mynd), þar sem grópþiljan er strikuð á
brúnum tvöföldu kílstriki samskonar og áður er minnst á. Þetta sést
ekki fyrr en listunum ofan á samskeytunum hefur verið svipt burt.
Varla fer milli mála að þarna í gólfinu eru fornar þilleifar. Grópfjöl
af samskonar gerð er í stofuloftinu sem súðfjöl. Auk hennar eru
þar einnig strikuð súðborð, eitt með skálastriki, eitt með tilbrigði
við rómanska kílstrikið, sem aðallega er að finna í viðarleifum 1
skemmu, og eitt með striksniði sem hvergi er annars staðar að finna
í Hólabæ, grunnt og óljóst (29., 30., 35., 40. og 41. mynd).
Búr og eldhús. Úr suðausturhorni bæjardyranna innri liggja göng
til búrs og eldhúss. Á leiðinni eru dyr með hurð og þar eitt stein-
þrep upp að ganga. Tóftin, sem þessi tvö hús eru í, ásamt gangabil-
inu rnilli þeirra, er um 10.85 m að lengd, 3.20 m á breidd og 3.25 m á
hæð. Búrið er fjögur stafgólf eða um 6.30 m að lengd, göngin eitt
stafgólf eða um 0.80 m og eldhúsið þrjú stafgólf eða um 3.60 m.
Fremsta stafgólfið í búri er töluvert lengra en hin. Sama er að segja
um innsta stafgólfið í eldhúsi (3. mynd).
Búrið er byggt upp með sperrum, bitum, lausholtum og stöfum
og þiljað á þrjá vegu utan innsta stafgólf vestan. Á þekju þess beggja