Árbók Hins íslenzka fornleifafélags - 01.01.1978, Blaðsíða 112

Fundin mannabein í Grindavíkurhrauni
Hinn 15. júlí 1967 fundu amerískir sjóliðar beinagrind úr manni
í helli í Grindavíkurhrauni um 21/2 km norður frá Svartsengi og um
50 m austan við Grindavíkurveg, þar sem hann er einna hæstur. Sama
dag fór lögreglan í Hafnarfirði á staðinn og tók upp beinin, en taldi
að þá væri þar ekki meira að finna, enda voru hvorki fataleifar né
neinir hlutir hjá beinunum. Nokkrum dögum seinna fundu sömu dát-
ar ólarbelti, sylgju og hnífblað skammt frá því, sem beinin höfðu
legið (Þjms. 17/7 ’67), og enn síðar fundu þeir fataleifar á steini
rétt þar hjá sem beinin lágu (Þjms. 1/8 ’67).
Þann 1. ágúst fórum við Þór Magnússon að líta á staðinn þar sem
beinin fundust. Þetta er lágur skúti og þarf að skríða þangað sem
beinin lágu, en þar var aftur nokkru hærra, en þó ekki manngengt.
Ekki hafa beinin sést fyrr en að þeim var komið, þar eð framan við
þau lá stór steinn, sem skyggði á (á honum fundust fataleifarnar),
og auk þess var myrkur á staðnum. Alls ekki voru nein mannvirki
í hellinum, enda var hann mjög óvistlegur.
Svo sem 200 m nær Svartsengi er hraunrás 0g í henni eru tóftir
nokkurra hesthúsa, sem vegagerðarmenn munu hafa byggt um 1920.
Þær standa mjög vel og eru fallega hlaðnar. Eftirtektarvert er það,
að rnosinn á þessum hleðslum er næstum eins mikill og á hraunstein-
um þar í kring. Þetta sýnir að ekki er auðvelt að greina aldur hleðslu
eftir þeim gróðri sem á henni vex.
Gísli Gestsson.