Árbók Hins íslenzka fornleifafélags - 01.01.1978, Blaðsíða 16
18
ÁRBÓK FORNLEIFAFÉLAGSINS
lenda samanburðardæmið sem ég hef rekist á er úr Ásubergshaugi á
skipsár. Þrettán súðborð eru með þessu striki í bæjardyralofti ásamt
nokkrum þilborðum og tvær skakkslár, a.m.k. 15 tré.
7. Kílstrik og laggar. Þetta strik er mjög slitið og grunnt en er að
því er virðist myndað af kíl og lögg með bili á milli hvorstveggja.
Enga hliðstæðu við þetta strik þekki ég. Það er á einu súðborði í
stofulofti. Alls 1 tré.
8. Barokkstrik I. Eg legg til að strikið á skálagrindinni efri verði
kallað barokk-strik. Það er myndað af ósamhverfum ess-laga sveig
sem minnir á barokksveiflu og er trúlega vart eldra 17. öldinni. Það
er á syllum, bitum, sperrum og langböndum skála. Auk þess er
þetta strik á einni áfellu í skála, langbandsbútum þrem, einum í
göngum, einum í innra ræfri bæjardyraloftsins og einum í búri,
tveim lausholtum í innri bæjardyrum og einni súðfjöl í stofulofti.
Alls 28 tré.
9. Barokkstrik II. Þetta strik minnir með sveigju sinni á skála-
strikið. Sá er þó munur á að hér endar sveigjan aðeins öðrumegin
í skoru en hinumegin teygir hún sig upp á hliðflötinn, sem endar
í fláa. Þetta strik er á bita í eldhúsi og minnir óneitanlega á strikið
úr stofunni á Stóru-Ökrum, en það er sannanlega frá miðri 18. öld.
Alls 1 tré.
10. Barokkstrik III. Vafasamt er hvort kenna á þessa gerð til bar-
okks. Hún er með sama fláanum neðst og ofannefnda gerðin, en fyrir
ofan liann er sveigjan u-laga og rétt ofan við hann er lítil lögg. Þetta
strik er á langbandsbút í búri, sem gæti verið gömul sperra. Alls 1 tré.
Til samans eru þetta þá 88 tré.
Sé gert ráð fyrir að hver strikgerð sé fulltrúi fyrir eitt hús þá
ættu viðirnir fornu í Hólum að vera leifar tíu húsa. Er þá skálinn
tekinn með, enda þótt hann hafi sérstöðu. Þetta er kannski fullmikið
sagt. Öllu heldur ætti að orða það svo, að viðarleifarnar beri vott um
tíu byggingarstig. Dæmið má hugsa þannig að eitthvert hús, sem
hrörlegt er orðið, sé tekið til viðgerðar. Heillegir viðir þess eru end-
urnotaðir og nýjum bætt við eftir þörfum. Strikun þeirra síðar-
nefndu gæti verið öðruvísi háttað, tekið mið af smekk viðkomandi
smiðs eða tíðaranda.