Árbók Hins íslenzka fornleifafélags - 01.01.1995, Side 142

146
ÁRBÓK FORNLEIFAFÉLAGSINS
Gert var við hleðslur undir suðurhlið Kirkjuhvammskirkju um haustið og steyptar undir-
stöður þeirra. Gluggar á suðurhlið og hurð voru tekin úr til viðgerðar. Bragi Skúlason hjá Tré-
smiðjunni Borg á Sauðárkróki vann smíðaverk en Helgi Sigurðsson og Jón Arnar Magnússon
hlóðu sökkul. Orn Guðjónsson málaði kirkjuna að utan og greiddi sóknarnefnd Hvammstanga-
kirkju það verk, 400 þús. kr.
Minni háttar viðgerðir voru í Glaumbæ, einkum á suðurdyragangi og veggjum í bæjargöng-
um. Helgi Sigurðsson hleðslumaður vann það verk.
Á Stóru-Ökrum voru grind í stofu og torfhleðslur lagfærð.
í Nýja bæ á Hólum voru veggir og þekja lagfærð.
Smíöahúsið á Skipalóni var tjargað og gluggar málaðir. Kristján Pétursson annaðist verkið.
í Laufási var lokið viðgerð skemmu, gert við grind og þil og húsið tyrft, og gert við veggi
milli dúnhúss og skemmu. Kristinn Pétursson og samstarfsmenn unnu smíðaverkið en Helgi
Sigurðsson torfverk.
Á Þverá í Laxárdal var mjólkurhús endurhlaðið frá grunni og þakið að nýju. Lækurinn um
húsið var lagður í rör en rennur sem áður opinn í gegn. Verkið var unnið undir stjórn þeirra
Áskels Jónassonar og Bergsteins Gunnarssonar. Einnig var unnið áfram að viðgerð fjárhúss og
hlöðu vestan bæjarins. Búnaðarsamband Suður-Þingeyinga og Húsafriðunarnefnd styrktu
það verk.
Á Grenjaðarstað var umfangsmikil viðgerð á búri. Þekjan var tekin ofan, vegghleðslur lag-
færðar og grind rétt og löguð. Þakljórar voru endursmíðaðir og dúkur settur undir torf á þekju.
Dúkur var einnig settur á göng og suður fyrir þau til varnar vatnsleka. Verkið var unnið undir
stjórn Bergsteins Gunnarssonar.
Á Sauðanesi á Langanesi var lokið smíði glugga og þeir settir í ásamt hurðakörmum. Kjall-
aratröppur voru lagaðar og gengið frá múr við glugga. Dregið var í hleðslur að innan og er því
verkið nær lokið. Yfirsmiður er Jóhannes Jónsson á Brúarlandi, en múrverk unnu Aðalsteinn
Maríusson og Björn Ottósson. Héraðsnefnd Norður-Þingeyinga lagði 500.000 kr. til fram-
kvæmda eins og undanfarin ár og heimamenn unnu í sjálfboðavinnu við húsið.
Á Burstarfelli var unnið að endurhleðslu fjósveggjar og þekjur allar voru lagfærðar. Þurrk-
lögn var lögð út fyrir bæjarhúsin. Hallgrímur Helgason á Vopnafirði hafði umsjón með verk-
inu.
Á Sðmastöðum við Reyðarfjörð var þakið á gamla húsinu tjargað en öðrum framkvæmdum
frestað að sinni.
Á Teigarhorni var gert við þakklæðningu gamla íbúðarhússins og það síðan klætt pappa.
Upphaflegur þakgluggi var settur á sinn stað. Magnús Sveinbjörnsson hlóð skorstein en
Gunnar Bjarnason sá um smíðaverk með sínum mönnum.
Umfangsmikilli viðgerð lauk á austurstafni Hofskirkju í Öræfum og voru grind, gluggar og
klæðning endurnýjuð. Gunnar Bjarnason og hans menn unnu verkið. Sóknarnefnd Hofs-
kirkju lagði fram 170.400 kr. til viðgerðarinnar.
Á Keldum var gert við lambhús sunnan við Læk. Þekja annars hússins hafði fallið um vetur-
inn og veggir skemmzt og hitt var einnig þakið á ný. Víglundur Kristjánsson hleðslumaður
annaðist verkið.
Unnið var við að klæða innan á veggi yfirgerðar rústarinnar í Stöng í Þjórsárdal til að mold
hryndi ekki inn á vegghleðslurnar. Jón Karl Ragnarsson vann verkið ásamt starfsmönnum sín-
um. Naut safnið þar mikillar fyrirgreiðslu Landsvirkjunar i Búrfelli, sem ávallt hefur sýnt
viðgerðum í Stöng mikla velvild.
Lokið var viðgerð á gluggum Tungufellskirkju, gert við laus fög og þau sett í. Unnu Jón Karl
Ragnarsson og starfsmenn hans það verk.
Að mestu var lokið vinnu við Húsið og Assistentahúsið á Eyrarbakka en ýmis frágangsvinna
þó ókláruð við afhendingu húsanna 3. ágúst. Trésmíðavinnu annaðist Jón Karl Ragnarsson
ásamt starfsmönnum sínum Gísla og Guðmundi Kristjánssonum. Árvirkinn á Selfossi sá um
raflagnir en Reynir Valgeirsson um pípulagnir. Örn Lárusson annaðist málun húsanna og
Magnús Sveinbjörnsson vann múrverk.