Árbók Hins íslenzka fornleifafélags - 01.01.1995, Side 149

ÁRSSKÝRSLA 1995
153
I safnið koma öll 10 ára skólabörn úr héraðinu og að auki nemendur úr fjarlægum skólum,
svo sem frá Hofsósi og Sauðárkróki. Eru þá sýnd gömul vinnubrögð og fá börn að spreyta sig
við þau. Er safnið þá kynnt sérstaklega og haldinn fyrirlestur um það.
Forstöðumaður safnsins er Elísabet Sigurgeirsdóttir.
Byggöasafn Skagfirðinga. Safnið hafði sýningar á þremur stöðum á árinu, fastasýningar í
gamla bænum í Glaumbæ og húsinu frá Asi svo og í pakkhúsinu á Hofsósi, einnig skamm-
tímasýningu á gömlum reiðverum á Vindheimamelum í sambandi við hestamannamót þar.
Um 21.000 gestir komu í Glaumbæ, um 4.000 í pakkhúsið á Hofsósi og um 3.000 sáu sýn-
inguna á Vindheimamelum. - Þá komu um 11.000 gestir í Víðimýrarkirkju, um 400 í Grafar-
kirkju, um 200 í Sjávarborgarkirkju og um 20 í gömlu húsin á Ökrum, en þeim er þó ekki hald-
ið fram til sýnis.
156 nýjar færslur safnmuna voru í aðfangabók. Meðal nýfenginna gripa má nefna silfur-
staup frá 1781 úr eigu Jóns prófasts Hallssonar í Glaumbæ, smjöröskjur skornar af Stefáni Jóns-
syni á Mallandi og saumaða veggmynd eftir Moniku Helgadóttur á Merkigili.
Húsið frá Asi var tekið í notkun með viðhöfn 1. júní og var þá búið að gera við brunaskemmd-
ir sem urðu árið áður og frestuðu opnun þess um ár. I húsinu eru skrifstofa safnstjóra og kaffi-
stofa á hæðinni, sýningar í rishæð og geymsla í kjallara. Á þjóðminjadaginn var mikil aðsókn
heimamanna í Glaumbæ en þá var heyjað þar með gamla laginu og konur unnu ull og hross-
hár í baðstofu.
Gerður var bæklingur um safnið á dönsku og eru nú bæklingar um það á sex tungumálum.
Samningur var gerður við Þjóðminjasafn um að byggðasafnið tæki að sér rekstur og við-
hald gamla bæjarins og fengi á móti allan aðgangseyri að honum. Hafizt var handa um að
hlaða garð umhverfis safnsvæðið í Glaumbæ.
Safnið var allt sett á spjaldskrá á árinu og tölvuskráning hafin á ný, en eldri tölvuskrár fór-
ust í eldsvoðanum árið áður.
Unnið var að stefnumörkun fyrir safnið og söfnunarstefna samþykkt. Lögð er einkum
áherzla á að safna og sýna muni, sem tengjast skagfirzkri menningu í sveit og þéttbýli fyrir vél-
væðingu og í upphafi hennar.
Hafinn var undirbúningur að svonefndu Vesturfarasafni á Hofsósi, sem skýra á vesturferðir
íslendinga á árunum 1870-1920. Það verður í gamla kaupfélagshúsinu á Hofsósi, „Húsinu á
Sandi", sem verið er að gera við. Sér ferðaþjónustufyrirtækið Snorri Þorfinnsson um þjónustu
þar og rekstur sýningarinnar, en þar er ætlað að verði jafnframt fræðamiðstöð.
Safnstjóri byggðasafnsins er Sigríður Sigurðardóttir.
Síldarminjasafnið á Siglufirði. Yfir 5.000 gestir komu í safnið á árinu þar af 700 útlendir. Allar
hæðir Roaldsbrakka voru þá teknar í notkun og þrir bátar bættust í safnið. Lokið var við að
einangra aðra hæð brakkans og nýtt gólf lagt. Er nú eftir að smíða innréttingar þar og setja upp
rafbúnað.
Tveir bátar liggja við síldarbryggjuna. Annar þeirra, Draupnir EA 70, 14 smál. dekkbátur
smíðaður 1954 í Hauganesi, er útbúinn sem reknetabátur.
Forsöðumaður safnsins er Örlygur Kristfinnsson.
Minjasafnið á Akureyri. Safngestir voru alls 3.813 á árinu, meiri hlutinn útlendingar. Þá sóttu
skólanemar safnið reglulega.
Meðal safnauka má nefna smíðaáhöld og bókbandsverkfæri úr eigu Guðmundar Björgvins
Gunnarssonar trésmíðameistara, glasaþurrkofn úr Akureyrarapóteki, borðstofuhúsgögn frá Val-
björk á Akureyri og kistu, sem talin er úr Ljósavatnskirkju. Þá barst talsvert af ljósmyndum, svo
sem sem stækkanir af myndum Vigfúsar Sigurgeirssonar og ljósmyndir frá Sambandsverk-
smiðjunum á Akureyri.
Skráningu muna úr safnaukum síðustu ára var haldið áfram og textílar endurskráðir. Einn-
ig var haldið áfram skráningu mannamynda og er lokið að skrá um 66.000 nöfn fólks á mynd-
um.
Unnið var að endurbótum á safnhúsinu svo og geymslunum á Naustum, sem nú mega
heita fullnýttar.