Norðurljósið - 01.01.1986, Side 13

NORÐURIJÓSIÐ
13
gaman. Einu sinni komu mamma og pabbi í heimsókn. Þau
tjölduðu á fótboltavellinum og ég var með þeim alveg í
heilan dag. Pabbi kom og skoðaði öll húsin, því hann hafði
verið þarna sem strákur.
Aðalbjörn S. Filippusson, Siglufirði.
Ungir menn með æskublóma
Ástjörn gista sumar hvert.
Eftir vetrar rökkrið róma
ríki lífs svo andlit ljóma,
margt er þar til gamans gert.
Fertugt starf í stuttu kvæði
strákar þakka, bræður tveir
er áttu saman sumarnæði
við sveitarinnar mildu gæði,
Hjalti Már og Atli Freyr.
Við sendum afmæliskveðjur að Ástjörn með hjálp afa.
Atli Freyr og Hjalti Már Einarssynir, Reykjavík.
Forréttindi og ábyrgð
safnaðar Guðs
Mestu forréttindi trúaðs manns er að hafa tækifæri til þess,
með systkinum sínum í Kristi, að safnast kringum borð
Drottins, hvem fyrsta dag vikunnar, til þess, með brauðinu
og víninu, að boða dauða Krists. Jafnframt verður þessi
athöfn til að staðfesta það, að Hann er höfuð og Drottinn
safnaðarins — hinn upprisni Jesús Kristur.
Þessa ósk Drottins vors má enginn trúaður maður lítils-
virða: „Gjörið þetta í mína minningu.“