Norðurljósið - 01.01.1986, Qupperneq 32

32
NORÐURIJÓSIÐ
Það getur ekki verið Satan, hann á enga hvíld að bjóða.
Sjálfur er hann á flótta, vel vitandi að honum mun bráðum
verða varpað í hinn óslökkvandi eld, sem lýst er í Opinber-
unarbókinni (20.10).
Nei, raust þess sem hér heyrist er raust hins elskandi
Frelsara vors. Hér er Jesús Kristur, sonur hins lifanda Guðs
að bjóða mönnum frið. Sjálfur er hann Guð, en Hann er líka
maður. Það er eingöngu í Honum sem við menn getum skilið
eitthvað af ystu takmörkum hins himneska. En hvort sem við
skiljum lítið eða mikið þá höfum við ritningarnar, sem lýsa
fyrir okkur alveldi Hans á himni og jörðu. Hinn eilífi Guð,
Faðirinn, hefur falið Honum allt vald í hendur.
Þegar við minnumst á Jesúm Krist í dag gerum við það
sem frelsara mannanna. I dag er svokallaður ,,náðardagur“.
Guð býður öllum náð sem vilja þiggja hana. Hann er lang-
lyndur og kærleiksríkur, en gleymum ekki að náðartíminn er
takmarkaður, hann líður senn. Þegar sá tími er liðinn mun
Jesús Kristur framkvæma allt annað verkefni, sem Faðirinn
hefur falið Honum í hendur, það er dómurinn. Honum ber
að dæma, með réttlæti, þá sem höfnuðu tilboði Guðs og
vildu ekki Jesúm Krist að frelsara.
í dag hljómar tilboðið um allan heiminn: „Komið til mín,
allir. . .“, þetta mesta tilboð allra tíma, ókeypis, án endur-
gjalds, hefur hljómað fyrir eyrum manna í hartnær 2000 ár.
Hvaða hljómgrunn fær tilboð þetta hjá þér?
Þú ert e.t.v. einn þeirra sem kærir þig kollóttan, eins og það
snerti þig ekki hið minnsta? Mundu bara eftir að þú verður
dag einn að svara til saka, þegar spurt verður, hvaða afstöðu
þú tókst til Jesú Krists.
Þú ert e.t.v. einn þeirra sem hefur heyrt getið um tilboðið
og, hefur hugleitt það, en ekki viljað trúa því, hefur aldrei
viljað treysta Drottni Jesú. Mundu að þeir sem vilja ekki trúa
gera Guð að lygara, endalokum þeirra er líka lýst í Opin-
berunarbókinni (21.8) „. .alla lygara. . . .“.
Þú ert e.t.v. einn hinna hugdeigu, sem ert hræddur við
menn, og missir þess vegna af hjálpræðinu. Hugdeigum er
líka lýst í Opinberunarbókinni (21.8).
Eða þú ert einn þeirra sem einfaldlega, vitandi vits, vilt