Norðurljósið - 01.01.1986, Síða 56

56
NORÐURLJÓSIÐ
„Látum langlundargeð Guðs gagnvart okkur sem lifum,
hundruðin sem ég hefi jarðsungið, leiða okkur til iðrunar.
Fjarlægið syndir ykkar og munið eftir Jesú Kristi sem blæddi
fyrir ykkur í Getsemane, hékk fyrir ykkur á krossinum og
biður fyrir ykkur í sínu milligönguhásæti. Við allt sem er
ykkur nálægt og kært, eins og mönnum og kristnum, mætið
mér ekki á hinum mikla degi í syndum ykkar.
Mætið mér í skrúða iðrunar, í skikkju Krists kærleika, í
hvítu líni hreinleikans — í heilagleika hinna guðræknu, án
þess fær enginn maður litið Guð. Afklæðist með iðrun hin-
um gamla manni og verkum hans, íklæðist í trú Drottni Jesú
og réttlæti hans. Afleggið allan óguðleika, hann fari að eilífu
burtu með gamla árinu og byrjið nýtt líf með hinu nýja. Nýtt
líf að nýju helgað Guði og vaxandi kærleika til náungans.
Ó, hvílík sæla! Hvílík dýrð! Drottinn mun verða sól og
kóróna okkar og við munum vera gimsteinar hver í annars
kórónu. Ég í ykkar og þið í minni. Að eilífu munum við vera
með Drottni og hver með öðrum. Við munum allir lifa í Guðs
himneska söfnuði í himni himnanna. Allir okkar dagar
munu verða helgidagar og helgidagar okkar eilífðin. Engin
hindrun vegna atvinnu eða sjúkdóms, engin fjarlægð tíma
eða staðar, ekkert djúp af dauða eða gröf mun aðskilja okkur
framar. Við munum mætast í faðmi Abrahams, sem mætti
Kristi í faðmi guðdómlegs kærleika. Ó, hvílíkt mót!
„Eiga sumir okkar að mæta þar á þessu ári, sem við erum
rétt að byrja? Hvílíkt ár! Ó, það blessaða ár, ef við erum í tölu
þeirra sem deyja í Drottni munu sálir okkar verða leystar úr
ánauð forgengileikans. Við munum fæðast inn í annan heim,
við munum sjá sól réttlætisins án þess að ský skyggi á hana og
að eilífðu baða okkur í geislum dýrðar hans.
„Eru þetta ekki dýrlegar horfur? nógu dýrlegar til að hafa
að engu syndina og gröfina og sameinast hrópi andans og
brúðurinnar, „Kom þú Drottinn Jesús, kom fljótt,“ þótt það
yrði í hinum svarta vagni dauðans?
Ef Guð biði mér að vera á jörðinni svolítið lengur, vona ég
með Guðs náð að reyna að vera auðmjúkari, vandlátari,
iðnari þjónn heldur en ég hefi hingað til verið.
Sum ykkar hafa hugsað að ég geri meira úr eilífðinni og