Norðurljósið - 01.01.1986, Page 100

100
NORÐURIJÓSIÐ
sveina sinna þriggja. Ásjóna hans skein sem sólin, og klæði
hans urðu hvítari en snjórinn, sem lá umhverfis þá. Og úr
skýinu, sem skyggði yfir þá, hafði hljómað hin guðdómlega
rödd: „Þessi er minn elskaði sonur, hlýðið á hann.“
Ef nú Jesús Kristur er viðurkenndur af Föðurnum, heiðr-
aður af honum, mun hann þá neita honum um nokkuð?
Opinberun dýrðar hans á fjallinu, og röddin úr opnuðum
himninum, eru nægar sannanir fyrir sonerni hans. Þar sem
hann er sannarlega sonur Guðs, getur þá verið, að honum sé
nokkuð ómögulegt? Sagði hann ekki: „Allt vald er mér gefið
á himni og jörðu?“ Þegar ég hugsa um kærleikann, sem Guð
ber til hins elskaða sonar síns, þá get ég ekki ímyndað mér, að
hann spari við Krist máttinn til að blessa. Hann megnar að
frelsa til fulls alla þá, sem fyrir hann ganga fram fyrir Guð,
því að hann er hinn eilífi Sonur hins eilífa Föður.
Minnist þess svo næst, ef þessi röksemd er ekki nóg, að
Jesús Kristur er Guð. Getur þá verið nokkurt „ef“ um mátt
hans? Hvað er það, sem Guð getur ekki gert? Hann hefur
skapað þennan heim. Hann hefur skapað þessar milljónir
sólna, sem Ijóma á miðnæturhimninum. En allt það, sem
Guð hefur nokkru sinni gert, er hverfandi lítið í samanburði
við það, sem hann gæti gert, ef hann vildi. Og þar eð Jesús
Kristur er sannur Guð, þá eru allir hlutir honum mögulegir.
Hann getur frelsað sérhvern þann, sem nú er staddur hér. Ber
trúaða bæn fram fyrir hann, og þú munt reyna mátt hans, því
að hann mun frelsa þig. Hafi hann gefið okkur nokkurt
loforð, þá megum við vita með óbrigðulli vissu, að hann
heldur það. Við þurfum aldrei að bæta „ef“ inn í um það,
hvort hann geti það eða ekki.
Ó, vinur, þótt við værum ennþá spilltari en við erum, þá
gæti hann breytt okkur. Og þótt börn okkar eða vinir hefðu
villst enn lengra út í synd, — sem Guð gefi að ekki verði, —
þá gæti hann samt bjargað þeim. „Sjá, hönd Drottins er ekki
svo stutt, að hann geti ekki hjálpað, og eyra hans er ekki svo
þykkt, að hann heyri ekki.“ Skömm sé þér, þú sem efast.
Skammastu þín, skjálfandi hjarta. Það getur ekki verið
nokkurt „ef“ hjá Kristi Guðs, Guðs elskaða syni, sem er
umgyrtur almættis krafti.