Norðurljósið - 01.01.1986, Qupperneq 138

138
NORÐURI.JÓSIÐ
Jafnvel þarna í höll hins grimma og slæga Heródesar lýsti
vitringunum önnur stjarna, sem var stjarna Guðs orðs. Því
Heródes hafði látið kalla til sín þá sem þekktu ritningarnar,
presta og fræðimenn, til þess að fá að vita frá þeim hvað
ritningarnar sögðu í þessum efnum. Þessir svöruðu honum:
„ .. . Betlehem í Júda. Því þannig er ritað af spámannin-
um Míka.“ Nei, hinn nýfæddi konungur var ekki fæddur í
Jerúsalem, og því síður í höll Heródesar. Vitringarnir héldu
svo leiðar sinnar og stjarnan, sem þeir höfðu séð austurfrá,
fór fyrir þeim og benti á fjárhirðaþorpið litla, Betlehem.
Þangað fóru þeir og færðu barninu gjafir sínar: gull, reykelsi
og myrru.
Þetta voru góðar gjafir. En hvaða tákn og spádóma höfðu
þær í sér fólgna?
Margir útleggja það þannig: Gullið var trúin, sem hann
átti eftir að koma til leiðar. Reykelsi er í Biblíunni látið tákna
bæn, sem stígur upp til Guðs. Myrran var það beiska, þján-
ingin, sem var samfara því að frelsa mennina.
Jú, trúin var dásamleg sem hann kom til leiðar. „Trúin sem
hann hefir til vegar komið, hefir gefið honum þennan albata
fyrir augum yðar allra,“ sagði Pétur postuli um manninn sem
Íæknaður var, og segir frá í Postulasögunni 3.
„Trú þú á Drottin Jesúm og þú munt hólpinn verða,"
sagði Páll við fangavörðinn í Filippíborg, sem ætlaði að
fyrirfara sér. Og hann hætti við áform sín, tók trú á Drottin,
með öllu heimilisfólki sínu, og gladdist.
Hversu ótalmargir hafa ekki fengið að reyna hið sama og
öðlast frið, hvíld og gleði. Þá er það reykelsið: „Biðjið og
yður mun gefast,“ sagði frelsarinn. Þeir sem hafa farið eftir
orðum hans í þessu, hafa líka fengið að reyna dásamlega
hluti. Kringumstæður hafa breyst úr því ómögulega til hins
mögulega.
„Og annar engill kom og nam staðar við altarið. Hann hélt
á reykelsiskeri úr gulli. Honum var fengið mikið reykelsi til
þess að hann skyldi leggja það við bænir allra hinna heilögu
á gullaltarið frammi fyrir hásætinu.“ (Op. 8, 3). Meðan allir
heilagir voru að biðjast fyrir og undir bænum heilagra, sté