Tímarit Hins íslenzka bókmentafélags - 01.01.1882, Side 25

25
stafrétt. Orðamunr er tekinn úr handritunum: Á. M.
Additam. nr. 20. 2., Á. M. 162. 2. 304. 4. 124. 2.;
nr. 254. 4. i handritasafni Bókmentafélagsins, eftirrit
Ásgeirs Jónssonar (úr Vatnshyrnu); handrit í safni
Fornfrœðafélagsins með hendi Markúss prests Eyjólfs-
sonar. Auk orðamunarins hefir J. S. bœtt við ýms-
um skýrandi athugasemðum, helzt staðlegum og sögu-
legum. Formálann hefir hann eigi fullgert, enn ritað
á lausa seðla ýms drög til hans.
Til hinnar vísindalegu starfsemi Jóns Sigurðsson-
ar má telja þau hin miklu áhrif, er hann hafði á hina
yngri frœðimenn með samrœðum, upphvatningum og
ýmsum bendingum, er hann gaf þeim, og skal eg
leyfa mjer að nefna Dr. Guðbrand Vigfússon í Oxford
sem einn af lærisveinum hans. þ>eir unnu töluvert
saman, t. d. við útgáfuna á Byskupasögum. Á flestar
þær sögulegu ritgjerðir í Safni til sögu íslands, er
hann samði eigi sjálfr, mun hann hafa haft meiri eða
minni áhrif með því að hvetja höfundana til að semja
þær, vísa þeim á heimildarritin og yfir höfuð að leið-
beina þeim.
það er auðsætt af því, er upp er talið hér að
framan, að J. S. hefir afkastað ótrúlega miklu, svo
miklu, að oss, sem vinnum lítið, getr varla skilizt,
hvernig hann með öllum sínum frátöfum hefir getað
leyst svo mikið af hendi. J»ess ber hér að gæta, að
bréfaskifti hans bæði við landa sína og útlendinga
eyddu fyrir honum fjarska miklum tíma, svo og hinar
mörgu ferðir hans til íslands, sem í hvert sinn tóku
upp marga mánuði af árinu. Starfsemi J. S. sýnir,
hversu miklu vel gáfaðr maðr getr afkastað, ef hann
notar hverja stund.
Enn nú kynni einhver að spyrja: Er það, sem
hann hefir starfað, jafnvel vandað, sem það var mikið
að vöxtum ? Já! Jón Sigurðsson var einhver hinn vand-