Eimreiðin - 01.01.1895, Qupperneq 28

28
upprunalegu hugmynd sina fyrir augum: að gjöra stofnanirnar að
einskonar iðnaðarskóla fyrir landið. Varþað tilgangur hans, að breiða
þaðan út rneðal manna þekkingu á iðnaði og rjettri meðferð á
afurðum landsins, en eigi sá einn, að reka stofnanirnar sem gróða-
fyrirtæki.
Oss nútíðarmönnum hættir opt við að gjöra fyrri öldum lægra
undir höfði, en rjett er, og taka oss i munn orð einvaldskonung-
anna: »Vjer einir þekkjum . . .« En þegar öllu er á botninn hvolft,
fer opt svo, að hinir fyrri tímarnir mega verða oss til fyrirmyndar
i ýmsum greinum, og svo er að mínu áliti með 18. öldina og
iðnaðarstofnanirnar.
Jón Jónsson.
Drykkjarhorn Griffenfelds.
Mynd þessi er tekin úr hinu ágæta riti um Peter Schumacher
GriíFenfeld (II. bindi, bls. 184), er ríkisskjalavörður A. D. Jörgensen hefur
samið og út kom í fyrra. Líka hefur mynd þessi komið út í sögu
Kaupmannahafnar (II, 354), merku riti eptir Carl Bruun.
u.júli 1674 varð Griffenfeld kanslari konungs og hafði þá komizt
til svo hárra metorða, er verða mátti fyrir þann mann, er var þegn
konungs. Hann lagði þá Kristjánshöfn undir Kaupmannahafnar hrepp og
hefur hún siðan verið nokkur hluti höfuðborgar Danmerkur; var þetta
eigi lítill viðbætir við Káupmannahöfn. Griflenfeld gaf þá ráðhúsi bórgar-
innar um 100 málaðar myndir af Danakonungum; voru þeir þar allir í