Eimreiðin - 01.05.1920, Blaðsíða 14

142
FORFEÐUR MANNKYNSINS
[EIMREIÐIW
ustu. Engar minjar hafa fundist um tilveru hans í álfu
vorri eftir lok jökultímans. En i dag hittast stöku menn
í Bretagne (frb. Bretanj), Svisslandi og á Ítalíu sviplíkir
hinum fornu Grimaldi-mönnum; vilja sumir þjða það á
þann veg, að einhver dropi af þessu fornmannablóði hafi
endur fyrir löngu runnið í æðar þessara þjóða við kyn-
blöndun. En fulldjörf mun sú ályktun vera.
Eftir jökultímann var steinaldarmenningin enn um langt
skeið ríkjandi í Evrópu. Þegar jöklarnir hurfu úr Dan-
mörku, og suðurhluta Noregs og Svíþjóðar skaut fram und-
an jökuljaðrinum, tóku þjóðir sér þar bólfestu, er höfðu
tinnusteina að vopnum, er voru miður haglega gerð (Pa-
læolitar. Síðari hluti hinnar eldri steinaldar). Frá þeiin
tíma hafa fundist grafreitir manna á Norðurlöndum og
víðar. Er vaxtarlag þeirra beina mjög breytilegt. í hinni
sömu gröf finnast bæði höfuðkúpur af langhöfðuðu og
stutthöfðuðu fólki og eins af langleitum og stuttleitum
mönnum. En allir hafa menn þessir haft hátt og hvelft
enni, lág brúnabein og stóra höku, og engir hafa þeir
verið trönumyntir. Eru þetta höfuðeinkenni núlifandi
Evrópumanna.
Óefað hefir víðtæk kynblöndun átt sér stað meðal þjóð-
anna í Evrópu áður en hér var komið sögunni og nýir
kynflokkar flutst til álfunnar, líklega helst frá Asíu. Telja
þjóðmenjafræðingar líklegast, að Aurignac-þjóðflokkurinn
hafi verið frumstofninn að þeirri kynblöndun, er nútíðar-
þjóðir Evrópu eru sprotnar upp af.
Bæ við Hrútafjörð 2B/» 1920.
Gudm. G. Bárðarson.