Eimreiðin - 01.05.1920, Blaðsíða 6

134
FORFEÐUR MANNKYNSINS
[EIMREIÐIN
þessara manna. Það er þó talið víst, að vera þessi hafi
heyrt til mannkyninu (Homo). Eigi er fullvíst um aldur
þessa fundar. Sumir telja hann til síðari hluta tertier-
tímabilsins, en aðrir rekja aldur hans til jökultimans.
Neanderdal-þjóðflokkurinn.
í kalksteinshelli einum í Neanderdal, skamt frá Diissel-
dorf á Þýzkalandi, fundust árið 1856 höfuðkúpubrot og
fleiri bein úr beinagrind, er mjög voru frábrugðin beinum
núlifandi þjóða. Lengi var deilt um bein þessi og þýð-
ingu þeirra fyrir sögu mannkynsins. Sumir töldu þau
leifar af sérstökum þjóðflokki, er staðið hefði á lægra
þroskastigi en núlifandi menn. Aðrir vildu ekkert á fundi
þessum byggja, töldu líklegast að beinin væru af van-
skapnings-afbrigði og það mál studdi hinn nafnkendi
læknir og mannfræðingur Virchow (frb. Firkov), því að
hann þóttist finna sjúkleikamerki á beinunum. 30 árum
síðar (1885) fundust tvær beinagrindur í helli einum í
Belgíu (Spy), er að öllu líktust beinunum frá Neanderdal.
Síðan hafa samskonar bein og beinagrindur fundist víða
hér í álfu, bæði á Spáni, Frakklandi, Belgíu, Þýzkalandi,
Austurríki og Ungverjalandi, einkum í kalksteinshellum
neðanjarðar. í hellum þessum hafa menn og dýr leitað
sér hælis á jökultímanum og fiutt þangað bráð sina;
hafa margar kynslóðir haft þar bækistöðu og borið þar
bein sín. Kalkblandað vatn hefir dropið úr hellisloftunum
og yfir bein þeirra og varðveitt þau frá eyðingu og hafa
þar geymst þykk lög af slíkum dýrabeinum til vorra daga.
Er þar margan fróðleik að fmna um dýralífið á jökul-
tímanum. í einum slikum helli hjá Krapina (baðstaður í
Kroatiu í Ungverjalandi) fundust fyrir 20 árum (1900)
9 beinagrindur af Neanderdal-mönnum á ýmsu aldurs-
skeiði.
Enginn vafi er á því, að verur þær, er bein þessi áttu,
ber að telja til mannkynsins (Homo). En svo hafa menn
þessir verið frábrugðnir núlifandi þjóðum, að mannfræð-
ingar telja þá sérstaka tegund og nefna þá »Homo primi-