Bókasafnið - 01.04.1997, Page 27

telja ríflegt en það hefði gjarnan mátt vera mun meira. Þá hefði
verið rými fyrir tölvur, myndband og tónlist svo að eitthvað sé
nefnt. Deildin er ætluð yngri börnum, unglingahorn er annars
staðar í nánum tengslum við skáldsögur og myndbönd.
Árangurinn lét ekki á sér standa þvf mun fleiri börn en
venjulega tóku að venja komur sínar á bókasafnið eins og sést á
meðfylgjandi ljósmynd.
Þær myndir sem fylgja greininni eru vinnuteikningar sem
sýna hvernig verk er skipulagt á pappír. Ljósmyndir sýna svo
hvernig raunveruleikinn er. Grunnteikninguna af safninu vann
ég í samstarfi við bókaverði á Nesinu. Teikningar og þrívíðu
tölvumyndirnar voru teiknaðar fyrir mig af arkitekt eftir mínum
grunnteikningum. Ég birti þetta hér sem sýnishorn af því
hvemig hægt er að hugsa á pappír og hanna, áður en að verkið
er komið á framkvæmdastig.
Mynd 1 sýnir hvernig hillubúnaði er komið fyrir á grunnfleti
í barnadeild Bókasafns Seltjarnarness. Hillubúnaði er komið
þannig fyrir að hægt er að hafa mjög mikinn sveigjanleika í
starfsemi barnadeildar. Tvær þriggja stafgólfa hillustæður við
vegg eru 180 sm háar en aðrar stæður eru 150 snt háar. Mynd 2
sýnir hillubúnaðinn í þrívíðri mynd og þannig er gott að gera sér
grein fyrir hvernig búnaðurinn nýtist í deildinni.
Hér eru miklir möguleikar á deild sem er í senn notaleg og
ævintýraleg. Þetta er hægt að gera með því að mála deildina í
fallegum litum og nota glugga í lofti til að skapa stemmingu.
Lagt var til að einn veggur í deildinni yrði málaður gulur eins og
sést í sýndarveruleika á Mynd 3.
Hillum er raðað þannig að það myndast krókar og kimar sem
skapa möguleika fyrir börnin að týnast á milli hillna og gleyma
sér. Uti við gluggann er borð í barnastærð þar sem sitja má með
félögunum og gólfpláss er nægjanlegt til að hafa púða og dýnur
sem hægt er að liggja á, tala eða þegja saman. Þetta horn er
tilvalið til að skapa möguleika á hlustun á tónlist og jafnvel hafa
þar sjónvarp, myndband eða tölvur.
Mynd 2
Mynd 3.
Kringlótti glugginn í loftinu er stór og hátt uppi, á hann má
hengja tjöld sem hægt er að fella niður og nota fyrir alls konar
starfsemi t.d. leikhús, brúðuleikhús og jafnvel stjörnuskoðun.
Sögustólinn er staðsettur á milli tveggja hillustæðna út við
vegg. I kring um stólinn er lagt til að skapað verði rómantískt
umhverfi. Stóllinn stendur tilbúinn fyrir alla sem vilja segja
sögu, ekki bara barnabókavörðinn eða rithöfundinn. Hann er
gamaldags, við hliðina á honurn er prjónakarfa og tebolli, köttur
liggur á gólftnu á gamalli mottu. I þessum stól er hægt að
komast á vit ævintýranna.
Lagt er til að í barnadeildinni sé lítið brúðuleikhús með
brúðum sem börnin hafa sjálf aðgang að og geta því leikið fyrir
hvert annað eða pabba og mömmu. Húsgögnin séu blanda af
venjulegum húsgögnum og öðrum húsgögnum gömlum og
nýjum, í mismunandi stærðum.
Lokaorð
Barnadeildin er staður sem er hluti af stærri heild en samt
heimur út af fyrir sig. Staðsetning hennar á að vera í röki'éttum
tengslum við safnið í heild. Börnin eiga ekki að fá þá tilfinningu
að enn einu sinni sé búið að koma þeim fyrir á stofnanalegum
bás. Þau eiga að finna sig í að barnadeildin er staður sem þeim
líður vel á en jafnfram fá það á tilfinninguna að allt safnið er
fyrir þau ef að þau óska þess.
Það gildir um allar deildir bókasafnsins að ef vel er til þeirra
lagt verður árangurinn eftir því. Þegar húsnæði og innréttingar
eru aðlaðandi - þá upplifum við það jákvætt, við getum valið,
hafnað og viljum koma aftur og aftur. Þetta gildir líka um
börnin.
HEIMILDIR:
Birkebæk, Birthe. 1995. Arbejdende værksteder pá biblioteket.
Forestillinger om et bibliotek for de 10-14 árige. Ballerup : Dansk
BilioteksCenter. S. 45-59.
Cochran, Sally og Peter Gisolfi. 1997. Renovate it & they will come :
designing a popular high school library. School Library Joumal Feb.:
25-29.
Friedman, Cecilie og Anja Jacobsen. 1995. Det anderledes bibliotek.
Forestillinger om et bibliotekfor de 10-14 árige. Ballerup : Dansk
BilioteksCenter. S. 72-75.
Gyldenkærne, Nanna. 1984. Biblioteksorientering i bprnebiblioteket - et
spprgsmál om tryghed. Biblioteksorientering for alle. Ballerup :
Bibliotekscentralens Forlag. S. 45-58
BÓKASAFNIÐ 21. ÁRG. 1997 27