Ársrit Hins íslenska fræðafjelags í Kaupmannahöfn - 01.01.1917, Síða 120

120
Dönsk bókmentasaga
er svo vel valið. S’ar segir skýrt og glögt af menningu, efna-
hag og þjóðfjelagslegum hreyflngum á vorum tímum.
Bók þessa hafa nú þýtt á dönsku tveir nafnkunnir sagn-
fræðingar, bókavörður Krarup og dr. Lindbæk. Þýðing þeirra
hefur þann kost fram yfir norska frumritið, að dr. Lindbæk
hefur aukið við um ófriðinn fram í febrúar í ár og um ann-
að hið merkasta, er við hefur borið á síðustu árum. f’essi
mannkynssaga er því sem stendur hin eina, sem nær fram á
árið 1917. Eg hygg það framför fyrir flesta þá skóla á ís-
landi, sem almenna mentun veita, að nota þessa bók við
kensluna og leggja meiri stund á nútíðarsöguna en gert er; í
þess stað má sleppa einhverju úr mannkynssögunni frá fyrri
tímum, ef þörf krefur. B. Jh. M.
P. Hansen. Illustreret (lansk Litteraturhistorie 3.
útgáfa (Gyldendal).
Þessi mikla bókmentasaga kom fyrst út 1886, en nú er
farið að gefa hana út í þriðja sinn. Af því að svo margt
nýtt hefur komið í ljós við nýjar rannsóknir á síðustu áratug-
um um bókmentir Dana á miðöldunum, hefur orðið að auka
og endursemja þessa sögu alla fram á 16. öld, og hefur
nafnkunnur vísindamaður, bókavörður Carl S. Petersen, gert
það. Einnig semur hann að nýju um bókmentirnar eftir 1870
og heldur sögunni áfram fram á 20. öld.
Bókmentasaga þessi verður 2 bindi, um 1400 bls. í stóru
broti. í henni verða um 500 myndir og auk þess 38 viðauka-
blöð, sum litprentuð; eru það sýnishorn af handritum, göml-
um bókum eða myndir af mestu merkismönnum.
Hún kostar öll óinnbundin að eins 15 kr. 2. útgáfa
kostaði 45 kr. Er hún nú orðin hin ódýrasta bókmentasaga
á Norðurlöndum, og hún er líka eflaust ein hin besta.
Olafía Jóhannsdóttir: I)e nlykkeligste. Kristiania
(Alb. Cammermeyer) igi6. Verð 3 kr.
Höfundur þókar þessarar, fröken Ólafía Jóhannsdóttir, á
fáa sína líka. Ólafía er gáfuð kona og vel mentuð, svo að
ýmsir vegir væru henni færir, og góða og þægilega stöðu
hefði hún eflaust getað fengið í mannfjelaginu, ef hún hefði
leitað eftir því, En hún ver æfi sinni og öllum kröftum til
þess að hjálpa og líkna þeim, sem eru ógæfusamastir allra
og dýpst sokknir, vesalings konum, sem hafa verið tældar og
sviknar af samviskulausum mönnum, eða hafa átt drykkfelda
og spilta foreldra, eða hafa alist upp á óregluheimilum, og
því sokkið niður í drykkjuskap og annan illan lifnað.