Ársrit Ræktunarfélags Norðurlands - 02.02.1969, Page 78

Guðmundur hóf mál sitt með því að óska Ræktunarfé-
lagi Norðurlands til hamingju með þá starfsemi sem það
rekur. Því næst ræddi hann um búnaðarfræðsluna í land-
inu. Hann taldi, og færði rök að því, að mikil bjartsýni og
stórhugur hefði verið til staðar hjá þeim mönnum, sem
stofnuðu búnaðarskólana. Helztu breytingar, sem nú eru
að verða á bændaskólanum á Hvanneyri, voru þær, að yngri
deild skólans hefði nú verið lögð niður vegna lítillar aðsókn-
ar, sem stöfuðu af breyttum aðstæðum til námsöflunar ann-
ars staðar. Lögð væri aukin áherzla á aukna kennslu í hag-
fræði og véla- og verkfærafræði. Framhaldsnámið hefði nú
verið lengt og undirbúningsnám undir framhaldsdeildina
flutt að Hvanneyri.
Um námstilhögun í framtíðinni sagði framsögumaður:
Nú starfar ein deild, búfræðideild, við Bændaskólann á
Hvanneyri, en undirbúningsnámið væri landspróf eða gagn-
fræðapróf. Til athugunar væri að hafa þessa búfræðideild
tveggja vetra nám, eða einn vetur eins og nú er, og styttri
námskeið annan vetur. Framhaldsnámið er nú fimm vetur
með búfræðideild og undirbúningsdeild. Gæta verður þess
að staðna ekki á því sviði. Hollenzkur maður, sem var hér
s. 1. sumar, benti á að fjölga ætti deildum við framhalds-
deildina, s. s. hagfræðideild og matvælaiðnað.
Að lokum óskaði framsögumaður eftir tillögum og ábend-
ingum um búnaðarfræðsluna, ef ekki í umræðunum á þess-
um fundi, þá bréflega síðar.
Fundarstjóri þakkaði framsögumanni erindið og gaf orðið
laust til umræðna.
Til máls tóku:
Bjarni Jónsson, Haga, taldi búnaðarfræðsluna hafa mikla
þýðingu og nefndi dæmi í því sambandi.
Haukur Jörundsson skólastjóri á Hólum sagði, að enn
væri allmikil aðsókn að yngri deild Hólaskóla og nokkrum
verið vísað frá og sumir þeirra ekki haft aðstöðu til að taka
gagnfræðapróf. Yngri deildin er æskileg að því leyti, að hún
veitir fyllri kennslu í vissum fögum, sem kennd eru tak-
markað til gagnfræða- og landsprófs, miðað við búnaðar-
80