Frjáls verslun - 01.05.1996, Qupperneq 39

EIN TEGUND FERÐASKRIFSTOFULEYFIS
Félag íslenskra ferðaskrifstofa telur að aðeins eigi að vera ein tegund
ferðaskrifstofuleyfis og síðan komi ferðaþjónustufyrirtæki. Það er algjör óþarfi að
kalla ferðaþjónustufyrirtæki ferðaskrifstofu. Það ruglar alveg þá mynd sem hefur
ríkt til þessa og aðgreinir ísland frá því skipulagi sem er í Evrópu.
Sigurjón Þór Hafsteinsson, rekstrarstjóri
Ferðamiðstöðvar Austurlands og nýkjör-
inn formaður Félags íslenskra ferðaskrif-
stofa, skrifar skilaboð til stjórnvalda að
þessu sinni.
stofuleyfi sem ákveðinn gæða-
stimpil þar sem fara saman kunn-
átta, ákveðinn lágmarksþöldi
starfsmanna og góðar tryggingar.
í Evrópu á sér stað ákveðinn
samruni í ferðaskrifstofurekstri,
þar sem eru að myndast færri og
stærri einingar, en á íslandi er hið
gagnstæða að gerast, ferðaskrif-
stofum fjölgar að öllum líkindum úr
27 í 4-500. Félag íslenskra ferða-
skrifstofa telur að aðeins eigi að
vera ein tegund ferðaskrifstofu-
leyfis og síðan komi ferðaþjón-
ustufyrirtæki. Það er algjör óþarfi
að kalla ferðaþjónustufyrirtæki
ferðaskrifstofu, það ruglar alveg
þá mynd sem hefur ríkt til þessa
og aðgreinir ísland frá því skipu-
lagi sem er í Evrópu.
FRJÁLS SAMKEPPNIVERÐUR AÐ
VERA TIL STAÐAR
Það verður auðvitað að vera öll-
um opið að opna ferðaskrifstofu en
kjami málsins er sá að samkeppni
verður að vera á jafnréttisgrundvelli.
Ég er mjög hlynntur samkeppni og
innan greinarinnar er hún mjög virk.
Það er mitt mat að samkeppni eigi
stóran þátt í hve framsækin íslensk
ferðaþjónusta er. Afleiðing fyrr-
nefndra laga er að samkeppnisstaða
innan greinarinnar er ekki lengur jöfn
vegna mismunandi flokka leyfa til
ferðaskrifstofureksturs og mismun-
andi trygginga fyrir leyfi.
Það er skiljanlegt að stjómvöld vilji
skilgreina fyrirtæki sem starfa í
ferðaþjónustu vegna skattalegra
sjónarmiða og tryggja virka sam-
keppni en með síðustu aðgerðum þá
er búið að mismuna fyrirtækjum í
ferðaþjónustu. Ég tel að þessi lög
muni stuðla að óreiðu í greininni eftir
nokkur ár. Nú er einfaldlega of auð-
velt að fá ferðaskrifstofuleyfi án þess
að það sé tryggt að á bak við það séu
nægjanleg kunnátta, gæði og trygg-
ingar. Opinber stefnumótun í ferða-
málum kveður á um að gæði veittrar
þjónustu séu meiri en í helstu sam-
keppnislöndum okkar. Þær vörur og
sú þjónusta, sem atvinnugreinin læt-
ur í té, fullnægi skilgreindum gæða-
kröfum og væntingum viðskiptavin-
arins. Einnig segir að yfirvöld ferða-
mála og einstök fyrirtæki stjómi
starfsemi sinni með þeim hætti að þau
standi við samninga og loforð um
veitta þjónustu.
Ég tel að núverandi lög og reglu-
gerð tryggi alls ekki að íslensk ferða-
þjónusta nái settum gæðamarkmið-
um. Það er viðbúið að ótalinn fjöldi
aðila, sem fær leyfi til reksturs ferða-
skrifstofu, standi ekki á traustum
grunni og verði síðan gjaldþrota.
Gjaldþrotasaga íslenskra ferðaskrif-
stofa er því miður ekki glæsileg gegn-
um tíðina. Ég óttast að þegar ferða-
skrifstofur eru orðnar 4-500 og gjald-
þrot í greininni færast í vöxt, sem
hlýtur að gerast, verði afleiðingar
aukinna gjaldþrota til að skaða ís-
lenska ferðaþjónustu út á við.
LAUSN
Það þarf að breyta ákvæðum í
lögum og reglugerð um ferðaskrif-
stofur á þann veg að hafa aðeins
eina tegund leyfis fyrir ferðaskrif-
stofu, en B ætti að standa fyrir
ferðaþjónustufyrirtæki. Það verð-
ur að vera mjög skýrt hvað er á
bak við ferðaskrifstofuleyfi annars
vegar og hvað er á bak við B leyfi
hins vegar. Allir, sem vilja fá
ferðaskrifstofuleyfi, verða að upp-
fylla sömu skilyrði og síðan geta
menn valið út frá starfsemi í hvaða
flokki þeir vilja vera. Skilyrði fyrir
leyfi þurfa einfaldlega að vera
þannig að skilgreining á ferðaskrif-
stofu standi undir nafni og leyfis-
hafi sé fær um að ná þeim gæða-
markmiðum sem sett hafa verið.
Ég vil undirstrika þá skoðun
mína að tryggt verði að samkeppni
innan greinarinnar verði ekki hindruð
á nokkurn hátt. En ef menn vilja telja
fyrirtæki sitt ferðaskrifstofu þá skulu
þeir allir uppfylla sömu skilyrði fyrir
leyfi. Einnig þarf að lagfæra lög um
alferðir þar sem þau ganga mun
lengra en tilskipun Evrópusambands-
ins og skylda nánast alla þá, sem selja
þjónustu til ferðamanna, til að verða
sér út um ferðaskrifstofuleyfi.
íslensk ferðaþjónusta er næst-
stærsta tekjulind þjóðarinnar og sá
vaxtarbroddur sem menn horfa mjög
til. Með réttum aðgerðum geta stóm-
völd aukið mjög tekjur af ferðaþjón-
ustu og atvinnutækifæri. Að lokum vil
ég óska þeim til hamingju, sem stóðu
að opinberri stefnumótun í ferðaþjón-
ustu, fyrir vel unnin störf og sam-
gönguráðherra fyrir frumkvæðið en
minni á að nú ríður á að fylgja eftir
þeim markmiðum sem sett hafa
verið.
39