Frjáls verslun - 01.01.1998, Page 45

NÆRMYND
Friðrik og Sigríður búa á Bjarkargötu
10. Margir segja að Friðrik hafi að sumu
leyti gengið í endurnýjun lifdaganna þeg-
ar yngsta dóttir hans fæddist. í nútíman-
um eru gerðar aðrar kröfur til feðra og
föðurhlutverksins en tíðkaðist fyrir 30
árum þegar Friðrik var að ala upp sín
elstu börn. Þá sögðu menn stundum
sjálfum sér til hróss að þeir hefðu aldrei
séð börnin sín nema á náttkjól sem átti
að vera staðfesting þess hve duglegir
þeir væru að vinna og sköffuðu vel. Þetta
hefur breyst mikið og Friðrik hefur lagað
sig að þessum veruleika og hefúr, að
sögn kunnugra, t.d. hætt að mestu að
vinna um helgar síðan sú litla fæddist.
HVAÐA FÉLAGAR?
Helstu áhugamál Friðriks utan vinnu
og stjórnmála eru knattspyrna. Hann er
mikill og eldheitur stuðningsmaður
knattspyrnufélagsins Vals og hefur tekið
að sér ýmis trúnaðarstörf fýrir félagið og
hefur verið sæmdur gullmerki þess.
Hann mætir að sjálfsögðu oft á völlinn
þegar Valsmenn leika og er ávallt í fýlgd
sama manns sem er Pétur Sveinbjarnar-
son, starfsmaður Þróunarfélags Reykja-
víkur og mikill vinur Friðriks.
Friðrik er sjálfur virkur spilari og leik-
ur reglulega innanhússknattspyrnu með
félögum sínum til að halda sér í formi og
sér til skemmtunar. Fótboltahóparnir
eru í raun tveir og hittast reglulega í KR-
heimilinu. Sumir eru í báðum hópunum
en aðrir eru með að nafninu til. Þannig er
annar hópurinn enn kenndur við Vil-
hjálm Þ. Vilhjálmsson borgarfulltrúa þótt
hann hafi ekki mætt í 10 ár. Meðal
þekktra manna, sem Friðrik spilar fót-
bolta með, má nefna Ellert og Olaf
Schram, Arna endurskoðanda og Tómas
Tómassyni (Arnasonar), Magnús Torfa-
son tannlækni, Sigurð Einarsson hjáTM,
Gunnar Guðmundsson og Guðjón Hilm-
arsson KR-inga, Omar Ragnarsson frétta-
mann, Birgi Guðjónsson skrifstofustjóra
í fjármálaráðuneytinu, Jón Zoéga, Leó
Löve, Jón Magnússon, Einar Halldórs-
son, framkvæmdastjóra Kringlunnar,
Gest og Gunnar Jónssyni lögfræðinga,
Pál Arnór Pálsson og marga fleiri.
Friðrik er duglegur og áhugasamur
stangveiðimaður og fer til veiða í Laxá í
Kjós og árnar í Borgarfirði, t.d. Grímsá
og Norðurá.
Friðrik grípur í að spila bridge og
meðal fastra spilafélaga hans má nefna
Þórarinn Sveinsson lækni, Júlfus Olafs-
son, forstjóra Rikiskaupa, Karl F. Garð-
arsson hjá Ríkistollstjóra og Vilhjálm Eg-
ilsson þingmann. Friðrik sest stöku sinn-
um við spilaborðið með forsætisráð-
herra, Davíð Oddssyni, en við það borð
eru aðrir fastagestir, s.s. Jón Steinar
Gunnlaugsson, Halldór Blöndal, Tómas
Ingi Olrich eða aðrir úr þingflokknum.
HVAÐA MIÐVIKUDAGUR?
Eins og títt er um stjórnmálamenn á
Friðrik mjög stóran hóp kunningja sem
eru þó ef til vill ekki svo nánir vinir hans.
Meðal hans bestu vina eru nefndir Valur
Valsson, bankastjóri íslandsbanka og
Sveinn Skúlason í Islandsbanka en
einnig menn eins og Pétur Sveinbjarnar-
son og Ragnar Kjartansson sem oft er
kenndur við Hafskip. Miðvikudagsklúbb-
urinn er merkilegur félagsskapur sem
einu sinni hittist á miðvikudögum en
fundar nú mánaðarlega á föstudögum á
Borginni. Þar koma þeir saman sem eiga
sameiginlega fortíð í SUS. Þar er Friðrik
eðlilega fastagestur með mönnum eins
og Olafi B. Thors forstjóra, Birgi Isleifi
Gunnarssyni bankastjóra, Ellert B.
Schram, forseta ISI, Jóni Magnússyni
hrl., Sigurði Hafstein bankastjóri,
Björgólfi Guðmundssyni, Gylfa Þór
Magnússyni, frkstj. SH, Eggert Hauks-
syni, forstjóri Áburðarverksmiðjunnar,
Ragnari Tómassyni hrl. og fleiri góðum
hægrijöxlum.
Það má segja að Friðrik Klemenz
standi að ýmsu leyti á tímamótum. Hvort
hann er á leið út úr pólitík eftir 20 ára fer-
il skal ósagt látið en nærmyndin, sem við
höfum dregið hér upp, sýnir prúðan
stjórnmálamann, glaðlyndan lífsnautna-
mann og farsælan stjórnanda. S3
Öryggisskáparnir frá Rosengrens
eru traust geymsla fyrir peninga,
skjöl, tölvugögn og önnur verð-
mæti. Skáparnir sem em í hæsta
gæðaflokki fást í ýmsum stærðum
og gerðum. Kynnið ykkur úrvalið.

Bedco & Mathiesen
Bæjarhrauni 10
Hafnarfirði
Sími 565 1000
45