Fregnir - 01.03.2004, Side 17

Fregnir. Fréttabréf Upplýsingar - Félags bókasafns- og upplýsingafrœða
ist hún á sameiginlegum menningararfi, sögu og skyldleika tungumálanna. Löndin
hefðu sterka lýðræðislega hefð sameiginlega. Einnig var nefnt að hafið tengdi löndin
saman og umlyki þau. Út á við væri gjaman litið á Norðurlöndin sem eitt land.
Samvinnan gæti skipt máli út á við í samstarfí innan Evrópu, t.d. í EBLIDA og í
alþjóðlegu samhengi, s.s. innan IFLA. Fram kom að meginþungi samstarfsins í Norðri
helgaðist af Norðurlöndunum sjálfúm en einnig gæti verið gefandi að útvíkka starfið
til annarra landa, s.s. Eystrasaltslandanna.
Fram kom að æskilegt væri að um bæði óformlega og formlega samvinnu væri að
ræða en formlega samvinnan væri að veikjast, t.d. væri verið að leggja NORDINFO
niður sem stofnun og þótti fundarmönnum miður að dregið væri úr þeirri starfsemi.
Fundarmönnum þótti starfsemi og samvinna bókavarðafélaganna mikilvæg. Fram
kom áhugi á að endurvekja Nordisk biblioteksmote sem haldið var til skiptis á Norð-
urlöndunum. Einnig kom fram áhugi á að halda víðtækari ráðstefnu um norrænt sam-
starf á sviði bókasafns- og upplýsingamála með þátttöku allra safnategunda þar sem
skilin milli þeirra færu sífellt minnkandi í upplýsingasamfélagi nútímans.
Álitið var nauðsynlegt að koma upp gagnagrunni með verkefnum sem unnin hafa
verið, unnið er að og með hugmyndum að verkefnum sem gagnlegt væri að vinna að í
framtíðinni. Einnig kom fram sú skoðun að æskilegt væri að NORDBOK markaði
stefnu um verkefni hvers árs. Talið var nauðsynlegt að samhæfa norræna samvinnu og
koma upp skráningu viðburða svo þeir rækjust ekki á eins og t.d. ráðstefnan og fundur
PR-hópsins og raða verkefnum í forgangsröð. Þá var komið inn á mikilvægi þess að
auka áhuga ungs fólks á norrænni samvinnu og sú hugmynd kom fram að stofna sam-
starfshóp fyrir unga bókaverði.
í hópastarfínu kom fram einn flötur norrænnar samvinnu sem ekki hafði verið
kynntur en það var samstarf fýlkisbókasafna sem funda annað hvert ár.
Síðdegis á laugardeginum lauk ráðstefnunni svo með fyrirlestri rithöfundarins Per
Olav Karlstad um norræna samvinnu og samantekt á niðurstöðum ráðstefnunnar. I
fyrirlestrinum kom m.a. fram að samvinna skipti miklu máli bæði fyrir bókmenntir
(þýðingastyrkir) og bókasöfn (verkefnastyrkir).
Á sunnudagsmorgun héldu norrænir bamabókaverðir fúnd og sóttum við fúlltrúar
Upplýsingar þann fund þar til tími var kominn til að halda út á flugvöll á leið heim. Á
fundinum kom fram að ýmislegt er á döfmni hjá bamabókavörðum, s.s. að skipuleggja
viðburði fýrir IFLA ráðstefnuna í Osló árið 2005, koma upp farandsýningu, setja upp
bókasafnsvakt fyrir bamabókasöfn svo eitthvað sé nefnt.
Að lokum er rétt að geta þess að áður en ráðstefnan hófst á föstudeginum notuðu
leiðtogar norrænu bókavarðafélaganna tækifærið og ræddu málefni og framtíð
EBLIDA.
Þórdis T. Þórarinsdóttir
Ráðstefna um norrænt samstarf um bókasafns- og upplýsingamál
í tilefni af því að ísland fer með formennsku í norrænu ráðherranefndinni árið 2004 og
hefur þar með nú í ár forgöngu í norrænu samstarfi ákvað stjóm Upplýsingar - Félags
bókasafns- og upplýsingafrœða að standa fýrir ráðstefnu til kynningar á norrænu sam-
starfi á sviði bókasafns- og upplýsingamála. Ráðstefnan var haldin fimmtudaginn 5.
febrúar 2004, kl. 13:30-16:30 í fyrirlestrasal Kennaraháskóla íslands (Bratta) og í
gegnum ljarfundabúnað í Háskólanum á Akureyri (stofu L-103).
29. árg. - 1. tbl. 2004 - bls. 17