Fregnir - 01.03.2004, Qupperneq 47

Fregnir. Fréttabréf Upplýsingar - Félags bókasafns- og upplýsingafrœða
sem er á Netinu en að sjálfsögðu er hægt að skrá annað efni, hvort heldur það eru
bækur eða mynddiskar. Kosturinn við það að skrá námsefni á Netinu er að það er
hægt að nálgast það strax.
Námskrár leik-, grunn- og framhaldsskóla eru aðgengilegar á Menntagátt. Þær hafa
verið skráðar í gagnagrunn sem gerir leit í þeim markvissa og auðvelda. Ávinningur af
því er meðal annars að það auðveldar gerð skólanámsskráa og einstaklingsmiðaðra
námsskráa.
Upplýsingasíður um mat og viðurkenningu á námi er að fínna á Menntagátt, svo og
margvíslegar upplýsingar og fréttir sem snerta fatlaða. Undir síðum skólastiga er að
fmna landakort þar sem finna má upplýsingar um skóla. Efni um erlent samstarf er
komið á framfæri á Menntagátt og líka um styrki er snerta skólastarf. Daglega eru
birtar nýjar fréttir af skólamálum og vel er fylgst með því helsta sem er á döfínni og
snertir menntamál í víðu samhengi. Menntagátt hefur líka umræðuþing. Málefnið sem
nú er til umfjöllunar á umræðuþingi Menntagáttar er stytting framhaldsskólanáms.
Allir sem skrá sig fá aðgangsorð sent og geta þá tekið þátt í umræðunum.
Stöðugt bætist við nýtt efni á Menntagátt, bæði skráningar á lýsigögnum um náms-
efni og einnig margs konar annað efni. Margt er í undirbúningi, svo sem að bjóða upp
á annars konar leitarmöguleika. Markmiðið er að vefurinn sé fýrirmynd annarra upp-
lýsingavefja og þjóni notendum sínum sem best. Því er öllum ábendingum og athuga-
semdum vel tekið.
Menntagátt er samstarfsverkefni milli menntamálaráðuneytisins og Hugar hf.
Skrifað var undir samning í kjölfar útboðs ráðuneytisins þann 19. desember 2002,
þess efnis að smíði og rekstur Menntagáttar yrði í höndum Hugar hf. Með að því að
koma upp Menntagátt var ráðaneytið að fylgja eftir markmiðum sínum varðandi efl-
ingu á notkun upplýsingatækni í skólastarfi. I árslok 2003 var síðan skrifað undir
samning um að Hugur tæki að sér áframhaldandi rekstur.
Menntagátt er ætlað að vera vettvangur samstarfs margra aðila sem koma að
menntamálum. Þannig koma t.d. kennarar um land allt að starfsemi Menntagáttarinn-
ar, m.a. með því að vinna við skráningu, gæðamat og fréttaskrif. Menntagáttin hefur
einnig veitt nýsköpunarstyrki til gerðar námsefnis á Netinu til að auka við úrval efnis.
Menntagáttin er ókeypis, hún er öllum opin og öllum er velkomið að nýta hana.
Björn Sigurðsson
Samstarf Bókasafns- og upplýsingafræðiskorar við bókasöfn
Bókasafns- og upplýsingafræðiskor félagsvísindadeildar Háskóla íslands gerði á síð-
asta ári samkomulag um samstarf við nokkur almenningsbókasöfn, þeirra á meðal
Bókasafn Reykjanesbæjar. Markmið samkomulagsins er að mynda tengsl milli há-
skólanáms í bókasafns- og upplýsingafræðum og starfsemi almenningsbókasafna á
vettvangi, báðum aðilum til hagsbóta. Gert er ráð fyrir að verkefni, sem unnin eru sem
hluti af þessu samkomulagi, séu báðum aðilum að kostnaðarlausu nema hvað félags-
vísindadeild skuldbindur sig til að greiða fyrir aðstoð með rannsóknarverkefnum ef
starfsmaður bókasafns tekur slíkt að sér.
Almenningsbókasöfnin bjóðast til að taka við hópum nemenda í stuttar heimsóknir
þar sem starfsemi safnanna er kynnt og eru slíkar heimsóknir hluti af náminu. Einnig
bjóðast þau til að taka nemendur í vettvangsnám í eina viku í senn og veita nauðsyn-
29. árg. - 1. tbl. 2004 - bls. 47