Morgunblaðið - 13.01.2001, Qupperneq 8

Gjörið svo vel, elskurnar mínar „sá á kvölina sem á völina“.
FRÉTTIR
8 LAUGARDAGUR 13. JANÚAR 2001 MORGUNBLAÐIÐ
Nýr forstöðumaður þróunarsviðs
Starfið myndar
brú milli stofnana
HINN 1. febrúar nk.tekur Kristín A.Árnadóttir við
starfi forstöðumanns þróun-
ar- og fjölskyldusviðs
Reykjavíkurborgar. Hún
hefur verið aðstoðarmaður
Ingibjargar Sólrúnar Gísla-
dóttur borgarstjóra frá 1994
að einu námsári undan-
skildu. Kristín var spurð
hvað hið nýja starf fæli í sér?
„Þetta nýja starf felur í
sér að vera sviðsstjóri á
einu af fjórum sviðum Ráð-
hússins í Reykjavík. Hin
sviðin eru stjórnsýslu- og
fjármálasvið, skrifstofa
borgarstjóra og skrifstofa
borgarlögmanns. Þetta
starf er tvíþætt, annars
vegar að vera í tengiliðs- og sam-
ræmingarhlutverki gagnvart
nokkrum fjölda stofnana á vegum
Reykjavíkurborgar. Svo sem leik-
skólum Reykjavíkur, Fræðslumið-
stöð, Félagsþjónustu og menning-
argeiranum. Þetta starf felur í sér
að vera brú milli þessara stofnana
og æðstu stjórnar borgarinnar. Á
hinn bóginn er þetta líka yfirum-
sjón með starfsemi sjálfstæðrar
deildar sem vinnur að verkefnum á
sviði upplýsinga, þróunarverkefna,
kannana og úttekta. Þetta svið hef-
ur öðrum sviðum fremur með
höndum að „undirbúa morgundag-
inn“, leita nýjunga þvert á borg-
arkerfið. Þar eru vistuð ýmis til-
raunaverkefni.“
– Er þetta nýtt starf?
„Nei, þessi staða spratt úr ann-
arri í ársbyrjun 1999, þá varð þró-
unarsviðið til. Stjórnsýsla þarf að
vera í sífelldri endurskoðun. Þró-
unarstarf var ekki skilgreint verk-
efni hér í Ráðhúsinu áður. Hjá þró-
unarsviði er gert ráð fyrir að
stefnumótun fari fram á ólíkum
sviðum og ýmsum verkefnum sinnt
sem kunna að vera breytileg eftir
árum og áherslum hverju sinni. Til
dæmis er nú á lokastigi vinna við
stefnumótandi langtímaáætlun
sem nefnd hefur verið: Framtíðar-
borgin. Eitt af þeim verkefnum
sem nú er sinnt á þróunarsviði er
undirbúningur almennrar at-
kvæðagreiðslu um flugvöllinn í
Reykjavík.“
– Nýtist þér vel í þessu nýja
starfi nám þitt í stjórnun í Banda-
ríkjunum?
„Já tvímælalaust. Ég miðaði
nám mitt þar að verulegu leyti við
rekstur borga og mál sem brenna á
borgum, einkum og sérílagi það
sem flokka má undir þróunarmál.
Ég beindi einkum sjónum að lýð-
ræðisþróun, samskiptum yfirvalda
við borgara og nýjungum í rekstri
borga.“
– Kynntist þú þarna ytra marg-
víslegum nýjungum í rekstri
borga?
„Já, ég held að almennt geti ég
sagt að ný nálgun hafi verið áber-
andi og sé að ryðja sér til rúms, svo
sem opnari stjórnsýsla og dreif-
stýring. Það vakti athygli mína að
hugmyndir sem við höfum lengi
stundað í Kvennalistanum, svo
sem eins og virkt sam-
ráð og „flatt skipulag“,
er meðal þeirra hug-
mynda sem stjórnunar-
fræði leggur áherslu á í
dag sem forsendu ár-
angurs. Ég lagði mig
eftir að kynnast betur ýmsum
óhefðbundnari aðferðum við lausn
ágreiningsefna sem nú eru æ
meira notaðar í stjórnsýslu og
rekstri.“
– Er erfitt að kveðja gamla
starfið?
„Það vill nú svo til að ég fer ekki
langt, ég hugsa að ég myndi sakna
þess meira ef ég væri að fara eitt-
hvað langt í burtu. En þetta hefur
verið góður tími og ég hef verið af-
skaplega ánægð í því samstarfi
sem ég hef átt við borgarstjóra og
borgina sem aðstoðarmaður borg-
arstjóra. Ég hugsa að verkefnin í
nýja starfinu verði ef til vill í fast-
ara formi en hér í þessu starfi þar
sem ég reyndar þakka fyrir að hafa
haft tækifæri til þess að vinna að
afar ólíkum málum. Auðvitað hafa
skyldurnar við borgarstjóra verið
ríkastar og ég hef lagað mitt starf
fyrst og fremst að hennar þörfum
og hennar dagskrá.“
– Eru mjög glögg skipti á milli
þeirra fjögurra sviða hjá borginni
sem þú nefndir áðan?
„Já, það eru nokkuð skýr skil og
það langsamlega stærsta er stjórn-
sýslu- og fjármálasvið sem borg-
arritari Helga Jónsdóttir veitir for-
stöðu. Undir það svið heyra
fjármáladeild, borgarbókhald, kja-
raþróunardeild og rekstrar- og
þjónustuskrifstofa Ráðhússins.
Hin sviðin eru minni þótt verkefni
þeirra séu líka fjölþætt eins og ég
hef rakið um þróunar- og fjöl-
skyldusvið.“
– Kynntist þú ytra nýjungum
hvað varðar fjölskylduþjónustu
borga?
„Ég get varla sagt það, enda
held ég að við höfum varla mikið til
Bandaríkjanna að leita hvað varð-
ar samfélags- eða fjöl-
skylduþjónustu. Hér og
víða í Evrópu tel ég að
miklu betur sé að þess-
um málum staðið heldur
en í Bandaríkjunum þar
sem er með ólíkindum
að fólk sætti sig við þá þjónustu
sem fjölskyldum er búin, sem víða
er afar lítil ef frá er talinn grunn-
skólinn. Ég þori að fullyrða að
stofnanir Reykjavíkurborgar sem
sinna þjónustu við fjölskyldurnar
séu í fremstu röð og fyrir mig er
það tilhlökkunarefni að koma með
beinum hætti að stefnumörkun á
uppbyggingu þeirra.“
Kristín A. Árnadóttir
 Kristín Aðalbjörg Árnadóttir
fæddist 18. mars 1957 í Flóanum
en ólst upp á Eskifirði. Hún lauk
stúdentsprófi 1980 og BA-prófi
frá Háskóla Íslands 1987 í ensku
og fjölmiðlafræði og meistara-
gráðu frá Maxwell School of Citi-
zenship and Public Affairs í New
Yorkfylki 1998 í opinberri
stjórnsýslu og stjórnun. Hún hef-
ur m.a. verið blaðamaður á
Morgunblaðinu, deildarsérfræð-
ingur í menntamálaráðuneytinu
og deildarstjóri á alþjóðaskrif-
stofu HÍ 1991 til 1994, auk þess
að vera fyrsta starfskona þing-
flokks Kvennalistans. Hún hefur
verið aðstoðarmaður Ingibjarg-
ar Sólrúnar Gísladóttur borg-
arstjóra frá 1994 að einu ári und-
anskildu. Kristín er gift Val
Harðarsyni markaðs- og sölu-
stjóra og eiga þau þrjár dætur.
Stofnanir
Reykjavík-
urborgar í
fremstu röð
ORKUVEITA Reykjavíkur og eig-
endur jarðarinnar Öndverðarnes I,
Múrarameistarafélag Reykjavíkur
og Múrarafélag Íslands, undirrituðu
á fimmtudag samning um rétt Orku-
veitunnar til nýtingar jarðhita í landi
jarðarinnar. Samningurinn er liður í
þeim áformum Orkuveitunnar að
leggja hitaveitu sem þjónustar
Grímsnes- og Grafningshrepp, sem
verður ein af stærstu hitaveitum
landsins. Áætlaður stofnkostnaður
hitaveitunnar er um 440 milljónir
króna.
Áætlað er að lagning hitaveitunn-
ar hefjist á þessu ári og að fram-
kvæmdir taki þrjú ár. Hitaveita Þor-
lákshafnar, sem er í eigu Orkuveitu
Reykjavíkur, sér um rekstur hita-
veitunnar í Grímsnesi og Grafningi.
Á fyrirhuguðu veitusvæði eru tæp-
lega 1.000 sumarhús, sveitabæir,
tvær sundlaugar, skóli og þjónustu-
byggingar. Hitaveitan þjónar einnig
framtíðarbyggð á svæðinu.
Ætla má að á þessu svæði dveljist
á milli 4.000-5.000 manns að meira
eða minna leyti yfir sumartímann.
Þetta verður því með stærstu hita-
veitum á landinu og notendur henn-
ar verða fleiri en t.d. íbúar í Borg-
arbyggð, Grindavík, Húsavík eða
Fjarðabyggð, en íbúatala hvers
þessara sveitarfélaga er frá 2.300-
3.100 manns.
Stofngjald notenda Grímsnes- og
Grafningsveitu er áætlað innan við
100 þúsund krónur.
Orkuveita Reykjavíkur semur við eig-
endur jarðarinnar Öndverðarnes I
Morgunblaðið/Árni Sæberg
Frá undirritun samningsins. F.h. Alfreð Þorsteinsson, stjórnarformað-
ur Orkuveitu Reykjavíkur, Eggert Steinar Karlsson, formaður Múrara-
félags Reykjavíkur, Gunnar Þorgeirsson, oddviti Grímsnes- og Grafn-
ingshrepps og Guðmundur Rúnar Svavarsson, sveitarstjóri Grímsnes-
og Grafningshrepps.
Lagning hitaveit-
unnar hefst á
þessu ári
ÞRÓUNARSJÓÐUR sjávarútvegs-
ins hefur ekki greitt fasteignagjöld
af húsum á Norðurtanganum á Ísa-
firði undanfarin ár og hefur Ísafjarð-
arbær því orðið af tekjum upp á tug
milljóna eða meira. Samkvæmt nýj-
um lögum þarf sjóðurinn nú að
greiða umrædd gjöld, en lögin eru
ekki afturvirk.
Fram kemur í Bæjarins besta á
Ísafirði að sjóðurinn þurfti lögum
samkvæmt ekki að greiða fasteigna-
gjöld af húsunum og varð bærinn
þannig af þremur til fjórum milljón-
um á ári í þrjú ár.
„Þetta er gott dæmi um það
hvernig lög sem sett eru geta komið
niður á sveitarfélögunum þótt það sé
kannski ekki ætlunin“, segir Halldór
Halldórsson, bæjarstjóri Ísafjarðar-
bæjar. Fram kemur í BB að bæj-
arstjórnarmenn hafi gert allt sem í
valdi þeirra stóð til að fá lögunum
breytt. „Eftir mikla baráttu flutti
Einar Kr. Guðfinnsson frumvarp til
breytinga á þessum lögum. Frum-
varpið gekk í gegn og hefur sjóður-
inn því greitt fasteignagjöld frá árs-
byrjun 2000. Breytingin var ekki
afturvirk og er því ljóst að Ísafjarð-
arbær varð af tekjum upp á 9–12
milljónir,“ segir Halldór.
Þróunarsjóð-
ur greiddi
ekki fast-
eignagjöld
Norðurtanginn
á Ísafirði
Morgunblaðið/Halldór Sveinbjörns