Morgunblaðið - 13.01.2001, Page 22

LANDIÐ
22 LAUGARDAGUR 13. JANÚAR 2001 MORGUNBLAÐIÐ
ÞAÐ VAR fagurt skýjafar yfir Eskifirði og kyrrð yfir
firðinum í góðviðrinu á dögunum. Sést yfir Mjóeyri við
Eskifjörð og út á Reyðarfjörð. Líklega er þó ekki leng-
ur svo kyrrt yfir fjörðunum.
Fegurð á Eskifirði
Morgunblaðið/Helgi Garðarsson
Hvolsvelli - Íþróttafélagið Dímon
hélt uppskeruhátíð sína í íþróttahús-
inu á Hvolsvelli 29. desember sl. Fjöl-
margt var til skemmtunar og sýndi
rangæskt íþróttafólk m.a. fimleika,
glímu og stangarstökk. Þá veittu ein-
stakar deildir félagsins viðurkenn-
ingar fyrir góðan árangur á árinu.
Mikið fjölmenni mætti í íþrótta-
húsið til að fagna með íþróttafólkinu
og var í lokin boðið upp á kaffi og
meðlæti.
Uppskeruhátíð Dímons
Á íþróttahátíðinni voru sýnd
ýmis glímubrögð og einnig
kepptu nokkrir ungir og efni-
legir glímumenn.
Íþróttafólkið sem tók þátt í sýningu á uppskeruhátíð íþróttafélagsins
Dímons í Rangárvallasýslu.
Morgunblaðið/Steinunn Ósk Kolbeinsdóttir
Vestmannaeyjum - Lionsklúbbur
Vestmannaeyja, umhverfisnefnd
og Bæjarveitur Vestmannaeyja
hafa sameinast um að verðlauna
smekklegustu jólaskreytingu við
heimahús og götu í Vest-
mannaeyjum jólin 2000.
Félagar í Lionsklúbbnum fóru
um bæinn skömmu fyrir jól og
völdu álitlegustu skreytingarnar.
Jólaskreytingar við heimahús og
fyrirtæki hafa aukist mjög mikið
í Vestmannaeyjum á síðustu ár-
um. Margir Eyjabúar fara kvöld-
rúnt með börnin og skoða það
sem er mest spennandi hverju
sinni og er af nógu að taka og
greinilegt að margir hafa lagt
gífurlega vinnu í skreytingarnar
sjálfum sér og öðrum til mikillar
ánægju. Þeim var því vandi á
höndum að velja fallegustu
skreytinguna og fallegustu göt-
una.
Smekklegasta jólaskreytingin
við heimahús var valin íbúðar-
húsið Búhamar 18 en þar búa
hjónin Ísleifur A. Vignisson og
Hulda Ástvaldsdóttir ásamt syn-
inum Arnari Frey.
Smekklegast gatan var valin
Túngata, en þar stóðu íbúarnir
sameiginlega að skreytingum
húsa sinna og tvö stór kerti voru
við gatnamótin í götuna og settu
mikinn svip á allt umhverfið.
Jólaskreytingar verðlaunaðar
Smekklegasta gatan var valin Túngata, en þar stóðu
íbúarnir sameiginlega að skreytingum húsa sinna
sem settu mikinn svip á allt umhverfið.
Morgunblaðið/Sigurgeir Jónasson
Smekklegasta jólaskreytingin á heimahúsi var
valin íbúðarhúsið Búhamar 18.
Húsavík - Undirritaður var nýlega í
Safnahúsi Þingeyinga á Húsavík
samningur milli Þjóðminjasafns Ís-
lands og Landvistar ehf. á Húsavík
um fjarvinnsluverkefni. Jóhannes
Jóhannesson, framkvæmdastjóri
Landvistar ehf., og Margrét Hall-
grímsdóttir, þjóðminjavörður, skrif-
uðu undir samninginn. Þjóðminja-
vörður sagðist vera mjög ánægð
með áframhaldandi samstarf og
sagði að það færi vel á því að vinna
fyrir safnið færi fram á landsbyggð-
inni og m.a tæki til starfa minja-
vörður á Norðurlandi eystra 1.
febrúar nk. og væri það ný staða.
Þjóðminjasafnið og Landvist ehf.
hafa frá því í maí á síðasta ári átt
gott samstarf um skráningu gagna í
upplýsingakerfið Sarp. Sarpur er
miðlægt upplýsingakerfi sem verið
hefur í notkun innan Þjóðminja-
safnsins síðastliðin tvö ár og vel
flest byggða-og minjasöfn stefna að
því að taka kerfið í notkun á þessu
ári. Mikið magn menningarsögu-
legra upplýsinga liggur fyrir innan
safnanna í handskrifuðum skrám,
stefnt er að því að koma þeim á
tölvutækt form á næstu árum. Þjóð-
minjasafnið fékk 15 milljónir á fjár-
lögum fyrir þetta ár til skráningar í
fjarvinnslu. Samstarfssamningur
milli Þjóðminjasafnsins og Land-
vistar ehf. hljóðar upp á 2/3 hluta
þeirrar upphæðar.
Landvist ehf. starfar á Húsavík.
Fyrirtækið var stofnað fyrir einu og
hálfu ári og starfsemi fyrirtækisins
byggist á tveimum meginsviðum,
þ.e upplýsingasviði og verkfræði-
sviði. Auk skráningarverkefna af
þessu tagi leggur fyrirtækið áherslu
á landupplýsingakerfi, gagnagrunna
og miðlun upplýsinga, bygginga- og
rafmagnsverkfræði, skipulagsgerð,
arkitektúr og kortagerð. Þá hefur
verið unnið að heimasíðugerð hjá
fyrirtækinu, m.a fyrir Safnahús
Þingeyinga.
Reinhard Reynisson, bæjastjóri á
Húsavík, sagðist við þetta tækifæri
vilja þakka Þjóðminjasafninu það
traust og þor sem það sýndi í þessu
máli. Ennfremur sagði hann að ekki
mætti gleyma að frumkvæðið að
þessu verkefni kom frá heimamönn-
um. Þar átti Guðni Halldórsson, for-
stöðumaður Safnahússins, stóran
hlut að máli, Landvist ehf. og bæj-
aryfirvöld á Húsavík sem styrktu
þetta verkefni.
Þjóðminjasafnið og Landvist ehf.
Framhaldssamningur
um fjarvinnsluverk-
efni undirritaður
Morgunblaðið/Hafþór Hreiðarsson
Margrét Hallgrímsdóttir þjóðminjavörður og Jóhannes Jóhannesson,
framkvæmdastjóri Landvistar ehf.