Morgunblaðið - 02.02.2001, Side 12

FRÉTTIR
12 FÖSTUDAGUR 2. FEBRÚAR 2001 MORGUNBLAÐIÐ
SIGRÍÐUR Ása Sigurðardóttir, for-
maður Tónmenntakennarafélags Ís-
lands, segir að samkvæmt nýjum
kjarasamningi grunnskólakennara
verði laun tónmenntakennara 10-20
þúsund krónum lægri á mánuði en
umsjónarkennara með sama stöðu-
hlutfalli.
Haft var eftir Birgi Birni Sigur-
jónssyni, formanni launanefndar
sveitarfélaganna, í Morgunblaðinu í
fyrradag, vegna útkomu tónmennta-
kennara í nýja kjarasamningnum,
að launanefndin hafi haft að mark-
miði í samningunum að meta öll
störf í skólunum á jafnræðisgrunni.
Sigríður Ása segir að Tónmennta-
kennarfélagið spyrji eðlilega hvern-
ig störfin voru metin og hverjir
mátu þau. „Enginn aðili, hvorki frá
sveitarfélögunum né Kennarasam-
bandinu, hefur gert úttekt á okkar
starfi né beðið okkur um aðstoð við
það. Við eigum okkur ekki talsmann
í samninganefnd og því getum við
ekki annað en dregið í efa þessi um-
mæli. Þegar á botninn er hvolft eru
störfin heldur ekki metin á jafnræð-
isgrunni. Tónmenntakennari í 100%
starfi verður með u.þ.b. 10-20 þús-
und króna lægri laun á mánuði en
umsjónarkennari í sama stöðuhlut-
falli.“
Óánægja með afnám
kennsluafsláttar
Samkvæmt samningnum er
kennsluafsláttur tónmenntakennara
afnuminn. Birgir Björn sagði í
blaðinu að þó afsláttur frá kennslu-
skyldu tónmenntakennara sé felldur
niður sé ekki snert á því tímamagni
sem um ræðir í skólakerfinu.
„Við fengum skell 1999 þegar
skorið var verulega niður tímamagn
til list- og verkgreina í viðmiðunar-
stundarskrá aðalnámskrár grunn-
skóla. Annaðhvort hefur hækkun á
kennsluskyldu tónmenntakennara
þau áhrif að tónmennt fellur niður í
einhverjum árgöngum vegna þess
að tónmenntakennarinn gerist um-
sjónarkennari og ræður sig aðeins í
nokkra tíma í tónmennt eða hann
ræður sig í fulla stöðu og brennur þá
upp á örfáum árum,“ sagði Sigríður
Ása um þessi ummæli Birgirs
Björns.
Birgir Björn sagðist sannfærður
um að verið sé gera vel við tón-
menntakennara eins og aðra kenn-
ara. „Þetta er gert að mjög vel at-
huguðu máli. Ég tel t.d. ekki að
tónmenntakennarar eigi að vera
rétthærri að þessu leyti en umsjón-
arkennarar með mjög þunga bekki,“
sagði hann í viðtalinu.
Sigríður Ása sagði að ef það að
vera rétthærri væri mælt í mínútum
í kennsluskyldu væri launanefndin
klárlega ekki að meta öll störf í skól-
unum á jafnræðisgrunni. „Kennslu-
greinar búa við mjög misjafnar að-
stæður og ég get persónulega fullyrt
að tónmenntakennsla á mest undir
högg að sækja í grunnskólum lands-
ins. Þar tek ég inn í aðbúnað, tækja-
kost, námsefni, bekkjarstærðir,
kennaraskort og síðast en ekki síst
skilning eða skilningsleysi á eðli
greinarinnar. Ég sé engum ofsjón-
um yfir því að umsjónarkennari fái
greitt fyrir sín störf, en allir skulu
hafa það í huga að innan hvers skóla
eru margir þungir bekkir og tón-
menntakennarinn fær þá alla inn til
sín óskipta og stuðningslausa í flest-
um tilfellum,“ sagði Sigríður Ása.
Leita eftir lögfræði-
legri álitsgerð
Í frétt Morgunblaðsins segir Guð-
rún Ebba Ólafsdóttir, formaður
Félags grunnskólakennara, að hún
væri þess fullviss að kennarar
kæmu til með að horfa á launatöfl-
una og þau kjör sem þeim eru boðin
og meta samninginn á þeim grund-
velli.
Sigríður Ása sagði um þetta:
„Tónmenntakennarar eru einmitt að
horfa á launtöfluna og sjá þar svart
á hvítu að þeir verða á lægri launum
en umsjónarkennari. Einnig eru
mýmörg dæmi um tónmenntakenn-
ara sem lækka í launum eða í besta
falli standa í stað.“
Sigríður sagði að í samningnum
væri að ákvæði þess efnis að ef
starfandi kennari héldi áfram
kennslu í sama skóla myndu þeir
ekki missa afsláttinn. „Ef við viljum
hins vegar skipta um skóla innan
sama sveitarfélags missum við af-
sláttinn. Með öðrum orðum erum við
í vistarböndum og það þurfa aðrir
kennarar ekki að búa við.“
Hún sagði að tónmenntakennarar
hefðu óskað eftir lögfræðilegu áliti á
því hvernig staðið hefði verið að af-
námi kennsluafsláttarins.
Fjölmennir bekkir í tónmennt
Þórunn Bjönsdóttir tónmennta-
kennari sagði að ekki mætti gleyma
því að tónmenntakennarar kenndu
líka erfiðum bekkjum sem umsjón-
arkennarar eru með. Við bættist að
á meðan flestir aðrir list- og verk-
greinakennarar kenni hálfum bekkj-
um í senn kenni tónmenntakennarar
heilum bekkjum eða allt að 29 börn-
um í einu. Þetta hafi verið ein meg-
inástæðan fyrir kennsluafslættinum
á sínum tíma. Tónmenntakennarar
gætu e.t.v. sætt sig við niðurfellingu
kennsluafsláttarins ef þeim væri
tryggt að þeir kenndu hálfum bekkj-
um, líkt og þorri annarra list- og
verkgreinakennara.
Þórunn segir að fjölmargir tón-
menntakennarar hafi á undanförn-
um árum snúið sér að almennri
bekkjarkennslu enda hafi verið við-
varandi skortur á kennurum í
grunnskólum. Nýr samningur verði
ekki til þess að þeir snúi sér aftur að
tónmenntakennslu. „Ég er búin að
heyra í býsna mörgum og það er
þungt hljóð í þeim,“ segir Þórunn.
Þeir sem unnið hafa yfirvinnu í skól-
um fram að þessu telji sig jafnvel
lækka í launum þegar samningurinn
tekur gildi.
Þórunn segir það áhyggjuefni
varðandi framtíð tónmenntakennslu
í grunnskólum landsins að enginn
nemandi sé á 1. ári í Tónlistarskól-
anum í Reykjavík eða við Kenn-
araháskóla Íslands við tónmennta-
kennaranám.
Þórunn segir að tónmennta-
kennsla hafi í mörgum tilfellum átt
allt undir velvild skólastjórnenda.
Þannig hafi það í mörgum tilfellum
verið undir skólastjórunum komið
hvort það væri skólakór í skólanum
eða hvort boðið væri upp á tvo tón-
menntatíma í viku. „Ég tel það óeðli-
legt að jafn þýðingarmikil náms-
grein eins og tónmennt sé svo mikið
upp á velvild skólastjórnenda kom-
in,“ segir Þórunn, enda hafi reynsl-
an af því ekki alltaf verið góð.
Þórunn bendir á að tónmennta-
kennsla í grunnskólum eigi undir
högg að sækja vegna harðnandi
samkeppni. Tónlistaskólar geti boð-
ið tónmenntakennurum betri starfs-
aðstöðu með mun færri börn í hóp.
Auk þess hafi kirkjan margeflt
barnakórastarf sitt. Tónmennta-
kennarar séu því víða eftirsóttur
starfskraftur.
Í grein eftir Þórunni sem birtist í
Morgunblaðinu í síðustu viku var
fyrir mistök sagt að kennsluskylda
kennara í tónlistarskóla væru 18
tímar í viku. Hið rétta er að þeir eru
19,5.
Gagnrýni á nýjan kjarasamning grunnskólakennara
Hætta á að tónmennta-
kennsla leggist af
Tónmenntakennarar eru mjög óánægðir
með nýjan kjarasamning grunnskólakenn-
ara. Þeir eru ekki sáttir við skýringar
forystumanna samningsaðila og telja hættu
á að tónmenntakennsla leggist af verði
samningurinn samþykktur.
MORGUNBLAÐINU hefur borist
eftirfarandi athugasemd frá Kenn-
arasambandi Íslands vegna um-
fjöllunar í blaðinu í gær um ný-
gerðan kjarasamning
grunnskólakennara.
„Samningsbundinn vinnutími
grunnskólakennara í fullu starfi
miðað við 37 vikna skólaár er sam-
kvæmt nýjum kjarasamningi 42,86
klukkustundir á viku á reglulegum
starfstíma skóla. Með samningnum
styttist vikulegur vinnutími á
starfstíma skóla um þrjár klukku-
stundir. Árlegur heildarvinnutími
kennara er óbreyttur frá því sem
áður hefur verið, eða 1.800 klukku-
stundir á ári. Einu breytingarnar
sem verða á útreikningi vinnutím-
ans utan reglulegs starfstíma skóla
eru þær að að undirbúningsdögum
fjölgar úr 6 í 8.
Í nýjum kjarasamningi fyrir
grunnskólann er ekki hróflað við
kennsluafslætti 55 og 60 ára kenn-
ara og er kennsluskylda þeirra
óbreytt frá því sem verið hefur.
Hins vegar var fallist á að gefa eft-
ir einnar stundar afslátt frá
kennslu eftir 15 ára starf gegn
hækkun á launatöflu.
Kennsluskylda kennara í fullu
starfi er 27 kennslustundir á viku
1. starfsárið en síðan 28 stundir
uns kennari verður 55 ára, en
kennsluskyldan lækkar þá í 24
stundir á viku og í 19 stundir við 60
ára aldur. Þetta þýðir að áherslan
á erfiðasta þáttinn í starfi kenn-
arans minnkar eftir því sem hann
eldist en vinnuskyldan minnkar þó
ekki.
Í Morgunblaðinu í dag [í gær] er
því haldið fram að þetta segi ekki
alla söguna því samkvæmt samn-
ingnum verði 55 ára kennarar að
taka að sér ýmis önnur störf í tvær
klukkustundir á viku undir stjórn
skólastjóra. Í reynd sé því afslátt-
urinn ekki lengur fjórar kennslu-
stundir heldur tvær. Á sama hátt
verði kennsluafsláttur kennara
sem náð hefur 60 ára aldri ekki 9
stundir á viku heldur þrjár. Kenn-
arinn sé samkvæmt samningnum
skuldbundinn til að vinna 6 klukku-
stundir undir verkstjórn skóla-
stjóra, en þrjár teljist til „óbund-
innar viðveru“ í skólanum til
„ráðgjafar/handleiðslu“.
Það er alls ekki rétt að setja
þetta fram með þessum hætti. Hér
er verið að rugla saman tvennu:
„kennsluskyldu“ og „vinnuskyldu.“
Vinnutíminn lengist ekki, hjá þeim
sem njóta skertrar kennsluskyldu
samkvæmt hinum nýja samningi
miðað við þá vinnutímaskilgrein-
ingu sem gilt hefur.
Í fyrri samningi var reiknað með
að liðurinn „undirbúningur og úr-
vinnsla“ kennslu væri hlutfallslega
stærri þáttur í vikulegri vinnu
kennarans en ráð er fyrir gert í
nýja samningnum. Á móti kemur
að þættirnir „bundin störf“ og
„óbundin önnur störf“ hverfa, en
við bætast „verkstjórnarþáttur“ og
„leiðsögn/handleiðsla“.
Gert er ráð fyrir að tekið verði
tillit til þeirra sem þurfa lengri
tíma til undirbúnings kennslu og sá
tími sem í hann fer verði ekki
minni en verið hefur.
Varðandi sérkennara og niður-
fellingu sjálfvirks kennsluafsláttar
sem þeir hafa notið skal tekið fram
að samkvæmt nýja samningnum er
komið til móts við þá með sérstakri
launaflokkaröðun og auknum und-
irbúningstíma.“
Athugasemd
frá Kennara-
sambandi Íslands
Kennslu-
skyldu og
vinnuskyldu
ruglað
saman
ÞORVALDUR S.K. Norðdahl, betur þekktur
sem Valdi koppasali, segir að viðskiptin hafi
ekki gengið nægilega vel undanfarið, en hann
hefur safnað hjólkoppum og selt í rúm 30 ár.
Valdi hefur því notað góða veðrið til að þrífa
hjólkoppana, en það gerir hann í Hólmsánni,
sem rennur skammt frá heimili hans, en hann
býr á Hólmi við Suðurlandsveg.
Í gær komu tveir viðskiptavinir til Valda til
að kaupa hjólkoppa, en hann sagðist selja
stykkið á u.þ.b. 1.000 krónur, þó væri það
misjafnt, sumir væru dýrari og þá sér-
staklega þeir elstu. Hann sagði að þeir hjól-
koppar sem seldust best væru af Toyota og
Opel.
Valdi sagðist ekki hafa tölu á því hvað
hann ætti marga hjólkoppa, en sagði að ef-
laust skiptu þeir þúsundum. Mest væru þetta
plastkoppar en þó væri hægt að finna ein-
staka dýrgrip innan um eins og t.d. hjólkopp
af Chevrolet árgerð 1961, sem félagar hans í
Fornbílaklúbbi Íslands hefðu gefið honum.
Valdi hefur notað góða veðrið undanfarið til þess
að þrífa hjólkoppana í Hólmsánni, enda hafa við-
skiptin verið frekar dræm.
Morgunblaðið/Vilhelm Gunnarsson
Valdi koppasali sagðist ekki hafa tölu á því hvað hann ætti marga hjólkoppa en sagði að
eflaust skiptu þeir þúsundum.
Dræm hjólkoppasala hjá Valda