Morgunblaðið - 11.03.2001, Page 17

LISTIR
MORGUNBLAÐIÐ SUNNUDAGUR 11. MARS 2001 17
EFNT verður til umræðukvölds um íslenskar
dansstuttmyndir í Listaklúbbi Leikhúskjall-
arans mánudagskvöldið 12. mars. Er verið að
fylgja eftir kynningu um þennan nýja listmið-
il, sem haldin var á sama stað 19. febrúar sl.
Á mánudagskvöldið mun umræðan meðal
annars snúast um nokkrar grundvallarspurn-
ingar: Hvernig verður dansstuttmynd til?
Hvaða fjármögnunarleiðir eru færar? Hvar
er helst að koma þeim á framfæri? Hver er
reynsla þeirra sem þegar hafa haslað sér völl
á þessum vettvangi? Hvaða möguleika opnar
dansstuttmyndin íslenskum listamönnum?
Þeir sem þarna munu leggja orð í belg eru
m.a. Kristín Pálsdóttir sem veitir forstöðu
nýrri stuttmynda- og heimildamyndadeild
Kvikmyndasjóðs. Helena Jónsdóttir gestur
listaklúbbsins mun greina frá dansstutt-
myndagerð hérlendis. Reynir Lyngdal fjallar
um mynd sína og Katrínar Ólafsdóttur Slurp-
inn og co., en sú mynd hefur náð lengst ís-
lenskra dansstuttmynda á erlendum vett-
vangi. Sveinbjörg Þórhallsdóttir sem tók þátt
í gerð „Örsagna úr Reykjavík“ þriggja sam-
settra mynda eftir jafnmarga höfunda, segir
frá tilurð þeirra og framleiðsluferli.
Fulltrúi kvikmyndagerðarmanna verður
Hálfdán Theodórsson sem mun fjalla um
stuttmyndina frá sjónarhóli tökumannsins.
Þá munu dansarar sem tekið hafa þátt í dans-
stuttmyndum fjalla um muninn á sviðsdansi
og dansi sem unninn er eingöngu fyrir upp-
töku. Loks mun Bjargey Ólafsdóttir, sem
unnið hefur við myndbandagerð sem mynd-
listamaður, greina frá sinni sýn á dansstutt-
myndir sem fulltrúi þeirra sem sáu umrædda
kynningu í febrúar. Talsmaður Stuttmynda-
daga í Reykjavík verður einnig á staðnum.
Til upprifjunar, og fyrir þá sem ekki kom-
ust á kynningarkvöldið, verða sýnd brot úr
öllum myndunum sem þar voru kynntar. Til
að undirstrika samvinnu ólíkra listgreina sem
mæst geta í dansstuttmyndinni mun Hilmar
Jensson gítarleikari bjóða gestum Lista-
klúbbsins upp á eigið spunaverk í samspili við
myndina Bið eftir Helenu Jónsdóttur.
Húsið verður opnað kl. 19.30 en dagskráin
hefst kl. 20.30
Fjallað um íslenskar
dansstuttmyndir
Umræðukvöld um nýjan miðil í Listaklúbbi Leikhúskjallarans annað kvöld