Morgunblaðið - 26.08.2001, Síða 17

LISTIR
MORGUNBLAÐIÐ SUNNUDAGUR 26. ÁGÚST 2001 17
Í KAUPMANNAHÖFN var á
föstudag opnað fyrsta norræna
safnið tileinkað nútíma glerlist.
Undirbúningur að stofnun safns-
ins hefur tekið mörg ár. Þar
verða verk eftir alla helstu gler-
listamenn Norðurlandanna, en
einn Íslendingur, Vignir Jóhanns-
son, á verk á opnunarsýningunni.
Safnið er byggt inn í tvo neð-
anjarðarvatnstanka, en tankarnir
voru byggðir á sínum tíma í þeim
tilgangi að safna góðu vatni fyrir
Kaupmannahafnarbúa. Það voru
þó Carlsbergverksmiðjurnar sem
notuðu tankana lengst af til að
geyma vatn til ölgerðar. Vignir
Jóhannsson segir að unnið hafi
verið að því í mörg ár að fá tank-
ana til afnota fyrir safnið. Hann
segir safnið mjög sérstakt, og
mörg þau verk sem verða á opn-
unarsýningunni sérstaklega búin
til fyrir það. „Ég er búinn að vera
að vinna í mínum verkum í á ann-
að ár. Safnið er neðanjarðar, og
það er raki hérna inni. Gólfið er
blautt og rakinn speglast fallega í
verkunum – þetta er mjög sér-
kennileg stemmning.“
Íslensk stemmning
í verkum Vignis
Vignir segir mikinn heiður að
því að hafa verið boðið að vera
með á fyrstu sýningu safnsins.
„Ég er að gera svolítið öðruvísi
verk en hinir. Miðillinn hjá mér
er hert gler sem ég brýt – ég
safna sallanum svo saman og
bræði hann upp á nýtt. Þannig
heldur hann kristallaforminu –
það sést að þetta er kurl og þetta
er svolítið ískennt; minnir á ís eða
vatn. Ég hef að undanförnu verið
að vinna með svipað þema; vatn
og polla og tímann og vatnið.
Tíminn og vatnið er heiti á einu
verka minna hérna.“
Vignir segir hafa skapast góðan
samstarfsanda með þeim hópi sem
stendur að sýningunni í gler-
listasafninu og að þetta verði
byrjun á meira samstarfi. „Við
ætlum að setja saman sýningu
sem á að ferðast um Norðurlöndin
næstu 4–5 árin en svo ætlum við
að vera með glersýningu úr þessu
safni í nýja sigurboganum í París
í nokkra mánuði á næsta ári.“
Blaðamaður er svolítið undr-
andi á því að safni fyrir glerlist
skuli hafa verið komið fyrir neð-
anjarðar – gler er jafnan látið
njóta sín í birtu. „Jú – það er von
þú spyrjir. En þetta kemur vel út.
Öll lýsing í safninu er mjög kont-
rolleruð. Maður stendur í myrkri
með ljós á bak við myndirnar, og
samspil ljóssins og verkanna er
hannað. Þetta er mjög dramatískt
að sjá og gaman að koma þarna
inn. Það má segja að þetta sé eins
og gamall kastali með myrkum
hvelfingum og stemmningin er
dularfull. Margar af myndunum
eru miðaðar við dagsbirtu, en í
safninu er einungis notast við raf-
ljós.“
Það var borgarstjórinn í Kaup-
mannahöfn sem opnaði safnið í
gær, en það heitir Cysternerne,
Muséet for moderne glaskunst.
Vignir Jóhannsson sýnir í nýju norrænu glerlistasafni
Tíminn og vatnið eftir Vigni Jó-
hannsson á sýningu í nýja gler-
listasafninu í Kaupmannahöfn.
Ískenndur glersalli – Tíminn
og vatnið – sýndur neðanjarðar
ÍSLENSKI arkitektinn
og hönnuðurinn Sigurð-
ur Gústafsson hefur
hlotið hin sænsku Bruno
Mathsson-verðlaun fyrir
húsgagnahönnun sína.
Er þetta í fyrsta skipti
sem Íslendingur hlýtur
verðlaunin, en að sögn
dómnefndar féllu verð-
launin honum í hlut fyr-
ir húsgögn, „sem stöð-
ugt bjóða upp á óvænta
samsetningu hins formfasta og
hins gáskafulla og órökræna.“
Hefur Sigurður við hönnun sína
leitað fanga innan hugmynda-
fræði módernismans og útfært á
sinn persónulegan hátt.
Sigurður nam arkitektúr
og hönnun í Danmörku
og Noregi á árunum
1983-1990 og rekur nú
sína eigin arkitektastofu.
Meðal þeirra muna sem
hann hefur hannað má
nefna stólana Tangó,
Keflavík og ruggustólinn
Rock’n Roll, en Sigurður
kveðst við vinnu sína
gjarnan leita hugmynda á æsku-
slóðum sínum í sjávarþorpi á
Norðurlandi.
Verðlaunin nema 100.000
sænskum krónum, eða um
960.000 íslenskum krónum.
Sigurði Gústafssyni
veitt viðurkenning
Sigurður
Gústafsson
Erindi
um Gunnar
Gunnarsson
ÓSKAR Vistdal flytur erindi að
Skriðuklaustri sem hann kallar
„Gunnar Gunnarsson og Noregur“ í
dag kl. 17.30. Óskar fjallar um þær
viðtökur sem Gunnar og skáldverk
hans fengu í Noregi á fyrri hluta 20.
aldar og skrif norskra rithöfunda og
gagnrýnenda um Gunnar.
DJASSKVARTETTINN Dúett
Plús leikur á Café Ozio í kvöld,
sunnudagskvöld, kl. 21.30.
Á efnisskránni eru klassískir
djassstandardar í bland við annað,
þ. á. m. nokkur íslensk þjóðlög.
Dúett Plús
á Ozio
♦ ♦ ♦