Morgunblaðið - 26.08.2001, Síða 26

26 SUNNUDAGUR 26. ÁGÚST 2001 MORGUNBLAÐIÐ
BLAÐAMAÐURINN og rit-höfundurinn AuberonWaugh var 61 árs að aldriþegar hann lést í Bretlandií janúar. Sagt var frá láti
hans víða, m.a. hér í Morgunblaðinu,
enda maðurinn kunnur af skrifum
sínum þó þar hafi hann staðið í
skugga föður síns. Hann var sonur
hjónanna Lauru og Evelyn Waugh,
annar í röð sjö barna þeirra, sem
fæddust á árunum 1938–1950. Eitt
barnanna lést við fæðingu en upp
komust þrjár stúlkur og þrír drengir,
elstur þeirra var Auberon Alexander,
fæddur árið 1939, alltaf kallaður
Bron.
Meðal dáðustu rithöfunda Breta
Evelyn Waugh (1903–1966) var
meðal þekktustu og dáðustu rithöf-
unda Breta á sinni tíð, hann var háð-
fugl hinn mesti og þótti með allra
fyndnustu mönnum. Hann beitti háði
sínu miskunnarlaust á menn og mál-
efni, þar undanskildi hann ekki sjálf-
an sig. Auk skáldsagna skrifaði hann
ferðabækur, smásögur, fasta dálka og
greinar í blöð og tímarit, hann flutti
fréttir af gangi mála í heimsstyrjöld-
inni síðari, annaðist bókmenntagagn-
rýni og náði að skrifa fyrsta hluta
sjálfsævisögu sinnar: „A Little
Learning“. Hann hélt dagbók mikinn
hluta ævi sinnar og var afkastamikill
við sendibréfaskrif.
Eftir lát hans hafa verið gefnar út
nokkrar ævisögur hans (þar af ein ný-
leg) er þykja misgóðar. Eina þeirra
hefur fjölskyldan lagt blessun sína yf-
ir, þ.e. „Evelyn Waugh a Biography“
gefin út árið 1975, höfundur hennar
er Christopher Sykes en hann var
fjölskylduvinur.
En fleira hefur verið gefið út að rit-
höfundinum látnum, hlutar úr dag-
bókum hans komu fyrir almennings-
sjónir árið 1976 í bókinni „The Diaries
of Evelyn Waugh“, sem Michael Dav-
ie ritstýrði. Fyrstu skrifin eru frá
árinu 1911, þegar hann var 8 ára, en
þau síðustu frá árinu 1965, árinu áður
en hann lést.
Eins og fyrr sagði var Evelyn
Waugh óþreytandi við bréfaskriftir,
viðtakendum hefur greinilega þótt
mikið til bréfanna koma og því haldið
þeim til haga. Af 4.500 bréfum sem
safnað var saman voru 840 valin til út-
gáfu í bókinni „The Letters of Evelyn
Waugh“ árið 1980, í samantekt Mark
Amory. Bréfin voru skrifuð til eigin-
konu, ættingja, barna, fjölda vina og
annarra samtíðarmanna. Einstaka
bréf í bókinni er merkt „Skrifað á rit-
vél“.
Vart verður annað sagt en með
lestri dagbóka og bréfa opnist sýn inn
í líf afar sérstæðs manns, ritsnillings,
en ekki að sama skapi geðþekks
manns að margra dómi.
En bækurnar hans standa fyrir
sínu og hafa verið lesnar með mikilli
ánægju. Skrif hans hafa víða verið
skyldulesning við enskukennslu á
framhaldsstigi.
Evelyn Waugh kvæntist árið 1928
Evelyn Gardner, 24 ára gamalli jafn-
öldru sinni. Fjölskylda hennar var
ekki sátt við ráðahaginn, enda fram-
tíð ungs rithöfundar óráðin. En ham-
ingjan varð ekki langvinn, eftir tæp-
lega árs sambúð komst það upp að
Evelyn væri í tygjum við annan mann
og varð til þess að hún flutti á brott af
heimilinu. Það varð eiginmanninum
mikið áfall og eftir skilnaðinn var
hann lengi á ferðalögum um heiminn
og átti ekki fast heimilisfang á meðan.
Evelyn Waugh snerist til kaþólskr-
ar trúar árið 1930 og lagði við hana
rækt við hinstu stundar. Eftir margar
tilraunir tókst honum loks að fá
hjónaband þeirra Evelyn ógilt árið
1936.
Hann kvæntist Lauru Herbert árið
1937, hún var kaþólsk, af aðalsætt,
komin af vel efnuðum foreldrum og
var 14 árum yngri en hann. Það
hjónaband entist meðan bæði lifðu.
Börn þeirra voru áður nefnd.
Gagnrýndi stíl konu sinnar
í sendibréfum
Eftir að trúlofun þeirra Lauru og
Evelyn varð opinber skrifaði hann
bróður sínum og þakkar hamingju-
óskir þeim sendar. Síðan stendur:
„Hlakka til að koma með Lauru til þín
næst þegar við verðum öll í London.
Hún er grönn, hljóðlát, með langt nef,
hún hefur engar bókmenntalegar til-
hneigingar, er reglusöm en ekki mjög
iðin. Ég held að hún sé kona fyrir mig
og ég er mjög hrifinn af henni.“
Mörg sendibréfanna eru til Lauru
enda var hann mikið fjarverandi frá
heimilinu, hann var úti í sveitum
landsins á hótelum eða bjó í klúbbum
í London. Hann ávarpar konu sína
jafnan hlýlega í bréfunum, segist
sakna hennar, tíundar það sem á daga
hans hefur drifið, segir t.d.með hverj-
um hann snæddi hádegis- og kvöld-
verð, hvaða matar var neytt og hvaða
vín drukkið með.
Í einu bréfanna hvetur hann konu
sína til að skrifa sér betri bréf. Í öðru,
frá árinu 1943, þakkar hann henni
gott og fullorðinslegt bréf. Nokkru
síðar kvartar hann yfir því að hafa
ekki heyrt frá henni lengi og skrifar:
„Ég hef engan áhuga á að frétta af því
sem kemur fyrir dags daglega, hvort
Teresa (elsta dóttir þeirra) hefur
hnerrað eða Bron dottið. Mig langar
til að heyra frá þér einu sinni til tvisv-
ar í viku af þeirri ástæðu að þú hefur
áhuga á mér og segir mér það“!
Samkvæmt ævisögu Christopher
Sykes, sem vel þekkti til, lifðu þau í
hamingjusömu hjónabandi alla tíð.
Eftir því sem best er vitað hefur
engin bóka Evelyn Waugh verið þýdd
á íslensku. Sjónvarpsþættir gerðir
eftir bók hans „Brideshead Revis-
ited“ (Ættaróðalið) voru sýndir hér
fyrir nokkrum árum.
Auberon Waugh sannar sig
Auberon fékk styrk til náms í Ox-
ford. Lærdómurinn vék þar fyrir hinu
ljúfa stúdentalífi, þótti hann þar
minna á föður sinn og félaga hans.
Eftir að hafa fallið tvisvar á undirbún-
ingsprófi þurfti hann frá að hverfa.
Hann hóf störf við blaðamennsku og
Mér leiðast
börnin mín
Reuters
Auberon Waugh. Myndin er tekin 24. nóvember 1999.
Feðgarnir Evelyn og Auber-
on Waugh settu mikinn
svip á breskt menningarlíf
og bókmenntir. Evelyn
Waugh var hins vegar lítið
gefið um börn sín og tókst
Auberon aldrei að vinna
hylli hans. Bergljót Ingólfs-
dóttir skrifar um feðgana.
Prófadeild - Öldungadeild
Haust 2001
Grunnskólastig:
(danska, enska, íslenska, stærðfræði)
Grunnnám. Samsvarar 8. og 9. bekk grunnskóla. Ætlað
þeim sem ekki hafa lokið grunnskólaprófi eða vilja upp-
rifjun frá grunni.
Fornám. Samsvarar 10. bekk grunnskóla. Ætlað þeim
sem ekki hafa náð tilskyldum árangri í 10. bekk. Upprifj-
un og undirbúningur fyrir nám á framhaldsskólastigi.
Framhaldsskólastig:
Sjúkraliða-, nudd- og félagsliðanám.
Almennur kjarni fyrstu tveggja ára framhaldsskóla og
sérgreinar á heilbrigðissviði.
Kennsla fer fram í Miðbæjarskóla
og hefst 10. september.
Skólagjöld miðast við kennslustundafjölda
og er haldið í lágmarki.
INNRITUN í PRÓFADEILD
fer fram 30. ágúst til 6. september frá kl. 9-19
í Miðbæjarskóla, Fríkirkjuvegi 1.
Upplýsingar í síma 551 2992
Fax: 562 9408
Netfang: nfr@namsflokkar.is
Heimasíða: http://www.namsflokkar.is
s
YOGASTÖÐIN HEILSUBÓT
Síðumúla 15, sími 588 5711
Vetrardagskrá byrjar mánudaginn 3. sept.
Við bjóðum mjög góðar alhliða æfingar, sem byggðar eru á
HATHA-YOGA, til viðhalds þrótti, mýkt og andlegu jafnvægi.
Byrjendatímar- sér tími fyrir barnshafandi konur
- almennir tímar.
Morgun-, dag- og kvöldtímar.