Morgunblaðið - 26.08.2001, Side 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 26. ÁGÚST 2001 VERÐ Í LAUSASÖLU 190 KR. MEÐ VSK.
HÓPUR ungmenna réðst á 16 ára
pilt og barði hann við Menntaskól-
ann við Sund seint í fyrrakvöld. Pilt-
urinn hlaut talsverða áverka á andliti
og var fluttur á slysadeild.
Á miðnætti brutust út hópslags-
mál á Hverfisgötu. Þegar lögregla
kom á vettvang voru átökin yfirstað-
in og óróaseggirnir flestir horfnir á
braut. Einn slasaðist og var fluttur á
slysadeild. Tveir menn voru slegnir í
höfuðið með glasi með klukkustund-
ar millibili fyrir utan Glaumbar í
Tryggvagötu. Þeir hlutu báðir
áverka og voru fluttir á slysadeild.
Þá var maður sleginn í andlitið á Ing-
ólfstorgi og hann nefbrotinn.
Réðust á 16
ára pilt
VESPERTINE, fjórða sólóplata
Bjarkar Guðmundsdóttur, kemur
út á morgun um allan heim. Þeir
dómar sem þegar hafa birst um
plötuna víða erlendis hafa verið
mjög góðir og einnig hafa birst lof-
samlegir dómar um tónleika Bjark-
ar, en hún hóf tónleikaferð í París.
Fjögur ár eru síðan þriðja plata
Bjarkar, Homogenic, kom út en á
þeim tíma lék hún í myndinni
Myrkradansaranum og sendi frá
sér plötu með tónlist úr myndinni,
Selmasongs.
Í viðtölum við erlend blöð segist
hún hafa verið byrjuð á lögunum á
Vespertine um það leyti sem Homo-
genic kom út en ekki hafi gefist
tími til að ljúka við hana fyrr. Upp-
tökur fóru aðallega fram í New
York á síðasta ári, en platan var
einnig unnin að hluta hér á landi, á
Spáni og á Englandi. Samstarfs-
menn Bjarkar við gerð plötunnar
eru m.a. Valgeir Sigurðsson, Mar-
ius DeVries, Zeena Parkins, Thom-
as Knak og Guy Sigsworth.
Björk hóf tónleikaferð sína um
heiminn 18. ágúst síðastliðinn og
hafa umsagnir um tónleika hennar
verið lofsamlegar. Í ferðinni hyggst
hún leika í óperu- og leikhúsum, en
á vefsetri hennar kemur fram að
hún velji húsin sérstaklega með til-
liti til hljóms til að tónlist hennar
nái sem best til áheyrenda. Einnig
mun hún leika á nokkrum 300
manna stöðum eða minni þar sem
hún getur sungið án hljóðnema.
Hún mun m.a. koma fram í Radio
City Music Hall í New York, rík-
isóperunni í Amsterdam, Lund-
únaóperunni, Vínaróperunni, El
Liceo í Barcelona, Konunglega leik-
húsinu í Kaupmannahöfn, Þýsku
óperunni í Berlín og Bolshoi-leik-
húsinu í Moskvu.
Ný plata Bjarkar kemur út á morgun
Lofsamlegir
dómar í erlend-
um blöðum

Aftansöngur Bjarkar/56
UMFANGSMIKIÐ rannsóknar-
verkefni Náttúrufræðistofnunar og
umhverfisráðuneytisins á afföllum
rjúpu við Eyjafjörð síðastliðinn vet-
ur gekk ekki upp.
Í fyrrahaust voru 192 rjúpur
merktar, langflestar í Hrísey, og á
þær sett radíósenditæki. Tilgangur-
inn var sá að bera saman afföll rjúpu
á svæðum sem ýmist voru friðuð fyr-
ir skotveiðum eða ekki. Fæstar rjúp-
urnar fóru hins vegar úr Hrísey og
langflestar drápust í eynni um
haustið. Á þremur mánuðum dráp-
ust 82% fuglanna. Ekki er ljóst hvers
vegna afföllin voru svo mikil.
Ólafur K. Nielsen, fuglafræðingur
á Náttúrufræðistofnun, segir að ekk-
ert bendi til þess að rannsóknin tak-
ist betur í vetur. Um 560 km² svæði
við austanverðan Eyjafjörð var frið-
að fyrir skotveiðum í þágu rannsókn-
arinnar, sem átti að ljúka á næsta
ári. Náttúrufræðistofnun og um-
hverfisráðuneytið eru nú í viðræðum
um framhald rannsókna og friðun.
Ákvörðun um hvort friðun verði
haldið áfram verður væntanlega tek-
in fyrir upphaf veiðitímabilsins hinn
15. október nk.
Á senditækjunum sem sett voru á
rjúpurnar var lífrofi og því var hægt
að greina á merkjasendingum hvort
fuglinn væri lífs eða liðinn. Sendi-
tækin vógu um 10 g. „Það var al-
mennt álit manna að nær allar rjúp-
ur færu úr Hrísey í september og
október og hefðu vetursetu á fasta-
landinu. Þetta gekk ekki eftir á liðn-
um vetri. Fuglarnir dvöldu í Hrísey
langt fram eftir hausti og voru að tín-
ast í land allt fram í byrjun desem-
ber. Afföll voru mikil og flestir fugl-
arnir drápust úti í Hrísey. Tugir
fugla, þar á meðal margir merktir,
höfðu vetursetu í eynni og fóru aldrei
í land. Þetta voru miklu færri fuglar
en gert var ráð fyrir og sá saman-
burður sem sóst var eftir á afföllum
fugla á friðuðu og ófriðuðu svæði
fékkst ekki,“ segir Ólafur. Eins og
fyrr er sagt urðu afföll á rjúpu gríð-
armikil. Um 82% fugla sem voru á lífi
15. september voru dauð 93 dögum
síðar, hinn 18. desember.
Stærstur hluti þeirra rjúpna sem
drápust var étinn og flestar af rán-
fuglum. „Nokkrar rjúpur fundust
heilar og höfðu athyglisverða sögu
að segja. Þessir fuglar drápust í
hörðu hreti sem gerði í byrjun nóv-
ember og grófust í fönn þannig að
vargar komust ekki að þeim. Krufn-
ing sýndi að fuglarnir voru sjúkir er
þeir drápust, þ.e. grindhoraðir, með
skitu og greinilega sýkingu í melt-
ingarvegi. Hræin höfðu legið allt að
tíu daga í snjó fyrir krufningu og því
var ekki hægt að greina sjúkdóms-
valdinn með öruggri vissu. Í einum
fuglinum fannst þó verulega mikið af
hníslum en það eru einfrumungar
sem lifa sníkjulífi í görn.“
Rannsókn á lífi og dauða rjúpna í Eyjafirði mistókst
Rjúpurnar drápust
á skömmum tíma
LÖGREGLAN í Borgarnesi segir
talsverð brögð að því að flutningabíl-
ar aki þétt saman og myndi þannig
langar lestir flutningabíla. Dæmi eru
um að 5–6 bílar safnist í slíkar lestir.
Lögreglan segir að þetta háttalag
bílstjóranna skapi hættu við fram-
úrakstur þar sem aðrir bílstjórar sjá
illa fram fyrir flutningabílana.
Ástæðan fyrir því að þessar lestir
myndast er að sögn lögreglu sú að
bílarnir leggja margir af stað á svip-
uðum tíma. Þá geri margir ökumenn
sér alls ekki grein fyrir því að langar
lestir flutningabíla geti valdið hættu.
Bílalestir
skapa
hættu
♦ ♦ ♦
UTANRÍKISRÁÐHERRAR Eystrasaltsland-
anna þriggja, Eistlands, Lettlands og Litháens,
tóku í gær þátt í sérstakri afmælisdagskrá í
boði íslenzku ríkisstjórnarinnar til að minnast
þess að áratugur er liðinn frá því Ísland varð
fyrst ríkja til að taka upp formlegt stjórnmála-
samband við ríkin þrjú eftir að þau end-
urheimtu frelsi sitt og sjálfstæði.
Ráðherrarnir og aðrir þátttakendur í afmæl-
isdagskránni snæddu hádegisverð á Þingvöll-
um og hér sjást ganga niður Almannagjá ís-
lenzku utanríkisráðherrahjónin Sigurjóna
Sigurðardóttir (þriðja f.h.) og Halldór Ásgríms-
son. Við hlið Halldórs gengur Indulis Berzins,
utanríkisráðherra Lettlands. Fjær til vinstri
sést Jón Baldvin Hannibalsson, sendiherra og
fv. utanríkisráðherra, ásamt Toomas Hendrik
Ilves, utanríkisráðherra Eistlands, og Bryndísi
Schram.
Morgunblaðið/Rax
Ráðherrar á Þingvöllum

Frjálsum þjóðum/4