Morgunblaðið - 06.10.2001, Síða 56

56 LAUGARDAGUR 6. OKTÓBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ENN eru nokkrar umferðarbrýr
ljóslausar hér í borg, t.d. Elliða-
árbrúin og Gullinbrúin og margar
aðrar. Það væri nú gott að fá nokkur
umferðarljós á þær takk. Helst
tvenn. Mér datt það í hug þegar ég
sá nýju brúna við Mjóddina, að það
væru nú sennilega breyttir tímar.
Hér áður fyrr, þegar umræðurnar
um að byggja umferðarbrýr voru að
hefjast, var meðal annars rætt um
hvað umferðarbrýr ættu eftir að
spara, spara t.d. eldsneyti, tíma, raf-
magn, viðhaldskostnað og síðast en
ekki síst hafa í för með sér fækkun
slysa, – vá, allur sá sparnaður. En
núna eru brýr byggðar með annars
konar hugarfari. Án þess að ég sé
viss um að ég hafi endilega rétt fyrir
mér sýnist mér þetta líta svona út í
dag. Olíufélögin: Hafa þau svona
mikil sambönd að þau gátu haft
áhrif á hönnun umferðarbrúa, með
því að láta hanna þær þannig að um-
ferð um þær taki sem lengstan
tíma? Jú, því lengri bið, því meira
eldsneyti. Skattstjórinn: Því lengur
sem atvinnutæki bíða á ljósum og í
umferðarteppum, því lengri tími er
skrifaður á þau. Orkuveitan: Því
fleiri ljós þeim mun meira fær hún
greitt. Umboðsmaður (götuvita): Er
hann á sérsamningi? Það hlýtur að
vera. Tryggingafélögin: Meðan þau
geta bent á fjölgun slysa þurfa þau
ekki að lækka iðgjöldin. Sennilega
gæti ég haldið áfram að telja upp
fleiri sem gætu átt hagsmuna að
gæta en læt þetta nægja. Ástæðan
fyrir byggingu umferðarbrúa með
ljósum gæti líka legið hjá verkfræð-
ingunum. En það virðist því miður
vera alltof algengt hjá þessum
mönnum að skólagangan geri þá
sljórri. Vonandi þarf ekki að gera
fleiri mistök til að læra af þeim, en
mér sýnist á þessum brúm sem eru
fyrirhugaðar að svo muni ekki
verða. Því miður. Að byggja svona
brýr er bara að færa vandamálið
upp á næstu hæð.
HAFNI M. RAFNSSON,
Reyrengi 1, 112 Reykjavík.
Ljóslausar brýr!
Frá Hafna M. Rafnssyni:
ÞAÐ eru samviskan og samkenndin
sem reka mig og hvetja til að skrifa
þessa grein um Kosmodisk sem
verkjameðferðarúrræði fyrir þján-
ingarbræður og -systur.
Stöðugir verkir og bakverkir allan
sólarhringinn árum saman eru lýj-
andi og niðurdrepandi á sál og líkama.
Það vita þeir sem hafa þá. Verkir sem
sennilega hafa einhvern læknisfræði-
legan merkimiða, en merkimiðinn
læknar ekki, því verkirnir eru afleið-
ing orsaka. Allt er reynt til að kaupa
frið fyrir þeim, hefðbundið og óhefð-
bundið. Ný rúm og koddar eru keypt,
ný lyf, smyrsl, grös og heilsupillur eru
reynd, nýjar meðferðir, nuddtækni,
tæki og tól eru reynd, nýjar æfing-
ar … Alltaf er haldið í vonina, en fjár-
útlátin aukast jafnt og þétt með
hverjum mánuði og ári til að fá stund-
arfrið fyrir verkjunum, sem bara
versna. Hreyfigetan minnkar með
hverju árinu og þreytan vegna þessa
fjanda markerar andlit, starfsgetu og
úthald. Kannski er hjólastóllinn far-
inn að birtast úr leyndum skúmaskot-
um hugans sem framtíð eða henging-
arólin … Óttinn við verkina er farinn
að lama bjartsýnina og viljann eins og
hægdrepandi eitur.
Margir kannast við ofangreinda
lýsingu. Þeir voru (eru) þjáningar-
bræður mínir og -systur. Ég var (er)
ein af þeim þar til ég kynntist fyr-
irbærinu Kosmodisk. Ég hafði átt
bækling um Kosmodisk í a.m.k. tvö ár
áður en ég keypti gripinn. 98% verkja
minna hurfu á innan við 12 klst. eftir
að ég fór að nota Kosmodisk. Hef haft
það á mér 24 tíma sólarhrings æ síðan
og get gert allt sem ég gerði tvítug (ja
næstum því!) Ég hef gert gagnlegar
klínískar prófanir á sjálfri mér með
ágætis blindraprófun, því alltaf
versnar mér ef ég nota ekki eða
gleymi að nota Kosmodisk-beltin.
Vinkonu minni, sem er með MS-sjúk-
dóm, virðist líða betur þegar hún not-
ar Kosmodisk. Eitt sinn fékk hún höf-
uðverk og setti töfragripinn yfir enni
sér og höfuðverkurinn hvarf. Það
fannst mér merkilegt. (Kannski ættu
mígrenisjúklingar að íhuga Kosmod-
isk?)
Kosmodisk er margverðlaunaður
gripur fyrir verkjameðferðir. 95%
þeirra sem nota Kosmodisk finna fyr-
ir mun betri líðan. Kosmodisk hefur
einkaleyfi og það þýðir að leynd hvílir
yfir tækninni á bak við gripinn. Ég
hef þó mínar ákveðnu grunsemdir um
hvernig hann virkar. Það á sér bæði
eðlisfræðilegar og rafmagnsfræðileg-
ar skýringar, þótt ég hafi engar sann-
anir fyrir því. Mig grunar að Kosmod-
isk dragi úr utanaðkomandi og innri
spennu á verkjasvæðum, en verkir/
spenna er orka sem á sér tilfinninga-,
eðlisfræði- og rafmagnsfræðilegar
skýringar. En aðaltilgangur þessarar
greinar er að hvetja þjáningarbræður
og -systur til að prófa Kosmodisk í
þeirri von að gripurinn megi lina
þrautir þeirra eins og hann gerði fyrir
mig. Verkjaleysi ætti að spara heim-
ilinu heilmikið í lyf og meðferðir.
Minni útgjöld fyrir heilbrigðisgeirann
gleðja líka ráðherra og ríkisstjórn og
verkjalausir dagar gleðja okkur hin
og fjölskyldu okkar, sem meðvitað og
ómeðvitað er meðvirk í verkjum okk-
ar.
Kosmodisk má kaupa í gegnum
netið www.studio-moderna.com og
finna þar Kosmodisk eða hjá innflytj-
anda, Stanko J. Jerman, Blönduhlíð
18, Reykjavík, sími 552-4945 /898-
6504.
SIGFRÍÐ ÞÓRISDÓTTIR,
iðnrekstrarfræðingur og
framkvæmdastjóri,
Nökkvavogi 17, 104 Reykjavík.
Ertu með
(bak)verki?
Frá Sigfríð Þórisdóttur: