Morgunblaðið - 15.12.2001, Síða 6

FRÉTTIR
6 LAUGARDAGUR 15. DESEMBER 2001 MORGUNBLAÐIÐ
„Geime›lueggin er skemmtileg
saga sem tengir saman gamaldags
ævint‡ri og nútímaleg vísindi me›
gó›um árangri.“
Katrín Jakobsdóttir, DV
„fia› var skemmtilegt a› lesa bókina
Geime›lueggin og víst er a› mörg
börn eiga eftir a› lesa hana sér til
ánægju.“
Sigur›ur Helgason, Mbl.
„Skemmtileg saga“
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
E
D
D
16
27
8

12
/2
00
1
Sigrún Eldjárn
7.
sæti á metsölulista
Mbl. yfir barna-
og unglingabækur
JÓLAVERSLUN er ívið minni fyrir
þessi jól en jólin í fyrra að mati
margra kaupmanna á höfuðborgar-
svæðinu sem Morgunblaðið hafði
samband við í gær. Sumir þeirra
bera sig þó vel og segja jólaversl-
unina hafa verið meiri en þeir áttu
von á en aðrir segja að fólk haldi
frekar að sér höndum en áður; sé
greinilega að reyna að spara; velti
því meira fyrir sér hvað það eigi að
kaupa og kaupi jafnvel ódýrari hluti
en ella. Það má því segja að það sé
misjafnt hljóðið í kaupmönnum fyrir
þessi jól. Þeim ber þó flestum saman
um að jólaverslunin hafi tekið nokk-
urn kipp þegar nýju kortatímabili
hafi verið komið á hinn 8. desember
sl. en nýtt kortatímabil hófst aðeins
seinna í fyrra eða 11. desember.
Haukur Þór Hauksson, formaður
Samtaka verslunarinnar og eigandi
Borgarljósa í Ármúla, bendir á að
verslun fyrir síðustu tvenn jól hafi
verið með besta móti og því megi bú-
ast við því að hún verði eitthvað
minni í ár þegar á heildina er litið.
Hann bendir jafnframt á að versl-
unarvenjur fólks hafi breyst á síð-
ustu árum m.a. með lengri af-
greiðslutíma verslana. Fólk fari auk
þess fyrr að huga að jólunum en áður
og sé ekki að „stressa sig“ allra síð-
ustu dagana fyrir aðfangadag.
Undir þetta taka aðrir kaupmenn
sem Morgunblaðið ræddi við. Bryn-
dís Loftsdóttir, verslunarstjóri
Pennans-Eymundsson í Austur-
stræti, bendir til að mynda á að
meira sé um að fólk versli á kvöldin
en áður. Hún segir að verslun hafi
farið rólega af stað í desember en sé
þó að aukast jafnt og þétt. „Mér
finnst eins og aldan sé að skella á
núna,“ segir hún og býst við að nóg
verði að gera í versluninni um
helgina enda hefur reynslan sýnt að
mest sé verslað síðustu tvær helgar
fyrir jólin. „Ég held að margir eigi
enn eftir að versla mikið fyrir jólin.“
Margrét Jóna Guðbergsdóttir,
verslunarstjóri Eymundsson í
Smáralind í Kópavoginum, var ekki
síður bjartsýn en Bryndís. Hún segir
að bókasalan hafi gengið vel og að
salan sé svipuð í sinni verslun og
verslun Eymundsson í Kringlunni og
í Austurstræti.
„Á svipuðu róli“
Margrét Ómarsdóttir, verslunar-
stjóri gjafavöruverslunarinnar Inni í
Faxafeni, segir í samtali við Morg-
unblaðið að verslun hafi verið góð í
vikunni og jafnvel svipuð og á sama
tímabili í fyrra. Verslunin hefði þó
hafist seinna að hennar mati í ár en í
fyrra. „Hefðir þú talað við mig fyrir
viku hefði ég ekki verið eins bjartsýn
og nú,“ segir hún og kveðst vonast til
þess að verslunin eigi enn eftir að
aukast fram að jólum.
Einn þeirra, sem segja að jóla-
verslunin í ár sé betri en búist hafði
verið við, er Jón Páll Grétarsson,
einn eigenda leikfangaverslananna
Leikbær. „Við áttum von á því að
verslunin yrði mun slakari í ár en ár-
in á undan en það hefur aðeins ræst
úr henni síðustu daga og lítur út fyr-
ir að við verðum á svipuðu róli og í
fyrra,“ segir hann og bendir á eins
og aðrir kaupmenn að enn séu „stór-
ar verslunarhelgar eftir“ fram að jól-
um.
Jóhannes Rúnar Jóhannesson,
framkvæmdastjóri Ikea, kvartar
heldur ekki og segir jólaverslunina
hafa gengið vel og að hún hafi farið
fyrr af stað í ár vegna nýja korta-
tímabilsins sem byrjaði fyrr í ár en
áður. „En það verður að koma í ljós
hvort það dragi eitthvað úr jólaversl-
uninni þegar nær dregur jólum úr
því hún fór svo vel af stað,“ segir
hann.
Morgunblaðið/Golli
Búist er við að jólaverslunin verði svipuð eða ívið minni nú en í fyrra.
Misjafnt
hljóð í kaup-
mönnum
fyrir jólin
ÁTTA styrkjum var í gær úthlutað úr Minningarsjóði
Helgu Jónsdóttur og Sigurliða Kristjánssonar. Til-
gangur sjóðsins er að styrkja rannsóknir í læknisfræði,
einkum á sviði heila- og taugasjúkdóma, hjarta- og
æðasjúkdóma, augnsjúkdóma og öldrunarsjúkdóma.
Úthlutað var styrkjum að upphæð rúmlega 4,3 millj-
ónir króna.
Eftirtaldir hlutu styrk sjóðsins í ár:
Elías Ólafsson og Ástríður Pálsdóttir til rannsókna á
arfgengri heilablæðingu. Er það ólæknandi sjúkdómur
sem stafar af stökkbreytingu í geni sem leiðir í flestum
tilvikum til æðaskemmda sem valdið geta heilablæð-
ingu hjá ungu fólki.
Sigurjón Stefánsson, Anna Möller og Ómar Hjalta-
son til að afla frekari þekkingar á notagildi segulörv-
unar heila á þunglyndi. Segir í umsókn þeirra að litlar
eða engar rannsóknir liggi fyrir um áhrif segulmeð-
ferðar á ýmsa lífeðlisfræðilega og hugræna þætti í
þunglyndi og verði ýmsir þættir þess skoðaðir. Megi
vænta þess að segulmeðferð verði viðurkennd við
þunglyndi hérlendis sem erlendis.
Evald Sæmundsen til að rannsaka algengi og ný-
gengi einhverfu og skyldra raskana hjá einstaklingum
sem greindust með svokallaða kippaflogaveiki ung-
barna og fæddust á Íslandi árin 1981 til 1998. Í sam-
anburðarhópi verða einstaklingar sem greindust með
aðrar tegundir flogaveiki á fyrsta ári og fæddust á
sama tíma.
Jón Snædal, Jakob Kristinsson, Þorkell Jóhann-
esson og Guðlaug Þórsdóttir til að rannsaka ein-
staklinga með Wilson-sjúkdóm sem er koparuppsöfnun
í miðtaugakerfi og er mjög fátíður.
Kristín Hannesdóttir til að rannsaka skerðingu á
vitsmunum og innsýn hjá sjúklingum með Alzheimer.
Er markmið rannsóknanna m.a. að efla skilning á
taugasálfræðilegu ferli sjúkdómsins.
Friðbert Jónasson vegna augnrannsóknar Reykja-
víkur 2001 sem er faraldsfræðileg rannsókn á þremur
augnsjúkdómum: aldursbundnu skýi á augasteini, ald-
ursbundinni gláku og aldursbundinni ellihrörnun í
augnbotnum.
Einar Stefánsson til að rannsaka lyfjaáhrif á súrefn-
isbúskap sjóntaugar.
Brynhildur Ingvarsdóttir til frekari úrvinnslu á
rannsókn á augnhag fyrirbura.
Guðmundur Þorgeirsson, prófessor við læknadeild
Háskóla Íslands, er formaður sjóðsstjórnar. Við út-
hlutun styrkjanna sagði hann verkefnin í öllum til-
vikum vönduð og veigamikil. Síðustu árin hefur sjóð-
urinn úthlutað sjö til ellefu styrkjum fyrir samtals 4 til
5,5 milljónir króna. Ásamt Guðmundi sitja í sjóðs-
stjórninni þau Ellen Snorrason og Birgir Jóhannsson.
Einar Stefánsson prófessor þakkaði fyrir hönd
styrkþega og sagði styrkveitingar sjóðsins í gegnum
árin margoft hafa komið verkefnum af stað. Þau hefðu
síðan undið upp á sig og þannig hefði sjóðurinn með 17
úthlutunum sínum styrkt fjölmörg verkefni á þeim
sviðum lækningarannsókna sem hann væri ætlaður til.
Morgunblaðið/Ásdís
Kristín Hannesdóttir, Ástríður Pálsdóttir, Anna Möller og Brynhildur Ingvarsdóttir í fremri röð. Elías
Ólafsson, Jakob Kristinsson, Jón Snædal, Evald Sæmundsson, Einar Stefánsson og Friðbert Jónasson.
Minningarsjóður Helgu Jónsdóttur og Sigurliða Kristjánssonar
Átta styrkir til rann-
sókna í læknisfræði
BÆKUR og geisladiskar seljast
meira fyrir þessi jól en í fyrra, sam-
kvæmt upplýsingum frá SVÞ, Sam-
tökum verslunar og þjónustu. Í fyrra
varði hver Íslendingur að jafnaði 33
þúsund krónum í jólaverslunina og
eru ekki fyrirsjáanlegar miklar
breytingar á því fyrir þessi jól.
Að sögn Emils B. Karlssonar hjá
SVÞ virðist sem neytendur taki
ódýrari vörur fram yfir þær dýrari
fyrir þessi jól, einkum í fatnaði.
Hann segir kaupmenn í Kringlunni
og Smáralind vera sátta við sinn hlut
í jólaversluninni en verslun á Lauga-
vegi virðist vera nokkru minni.
„Menn telja að jólaverslunin
verði svipuð nú og í fyrra hvað
snertir sérvörur, en verslunin
dreifist á fleiri aðila,“ segir hann.
„Það er eftirtektarvert hve mikið
er um útsölur og tilboð, en það er
til merkis um það að markaðurinn
sé að mettast á ýmsum sviðum sér-
vörunnar.“
Viðvíkjandi bóka- og diskasölu
segir Karl að áberandi sé hversu
margir titlar seljist vel og þá segir
hann að kaupmenn telji greinilegt
hve margir góðir innlendir lista-
menn séu að senda frá sér tónlist
sem selst vel.
Meðaleyðslan 33 þúsund
krónur í jólaversluninni
TÓNLISTARKENNARAR hafa
samþykkt nýgerðan kjarasamning
við launanefnd sveitarfélaga með
miklum meirihluta atkvæða.
Atkvæði féllu þannig hjá þeim tón-
listarkennurum sem starfa hjá tón-
listarskólum sem sveitarfélög starf-
rækja að já sögðu 184 eða 83,6% og
nei 32 eða 14,6%. Auðir seðlar og
ógildir voru 4 eða 1,8%. Á kjörskrá
voru 298 og greiddu 220 atkvæði eða
73,8%.
Meðal tónlistarskólakennara sem
starfa hjá tónlistarskólum í einka-
eigu eða teljast sjálfseignarstofnanir
sögðu 113 já eða 85,6% og nei sögðu
14 eða 10,6%. Auðir seðlar og ógildir
voru 5 eða 3,8%. Á kjörskrá voru 170
og greiddu 132 atkvæði eða 77,7%.
Tónlistar-
kennarar
samþykkja
með miklum
meirihluta
♦ ♦ ♦
STJÓRN Landssíma Íslands hf.
samþykkti á fundi sínum í gær að
Þórarinn V. Þórarinsson, forstjóri
félagsins, yrði leystur undan starfs-
skyldum sínum. Friðriki Pálssyni,
stjórnarformanni félagsins, var falið
að ganga frá starfslokum Þórarins.
Friðrik segir að tillaga um starfs-
lok Þórarins hafi verið samþykkt
samhljóða á stjórnarfundinum og að
allir aðalmenn í stjórninni hafi verið
mættir.
Stjórnarfundur í
Landssíma Íslands hf.
Starfslok Þór-
arins samþykkt