Morgunblaðið - 15.12.2001, Page 18

AKUREYRI
18 LAUGARDAGUR 15. DESEMBER 2001 MORGUNBLAÐIÐ
Skrifstofuhúsnæði
til leigu
Við Ráðhústorg á Akureyri er 72.1 fm skrifstofa á
götuhæð til leigu. Fallegt og nýuppgert húsnæði.
Uppl. gefur Fasteignasalan Byggð í síma 462 1820 (Björn).
STARFSFÓLK bæklunardeildar
Fjórðungssjúkrahússins á Ak-
ureyri fagnaði í vikunni þeim
áfanga að gerðar höfðu verið 150
gerviliðaaðgerðir á árinu, en þær
hafa aldrei verið fleiri. Á liðnu ári
voru þær 120 alls.
Það var Halldór Hafliðason frá
Ögri við Ísafjarðardjúp sem
gekkst undir aðgerð númer 150 á
bæklunardeild FSA á fimmtudags-
morgun og gekk hún vel. Hann var
nú að fá lið í vinstri mjöðm en
hafði áður fengið gervilið í þá
hægri. Deildin fagnar 20 ára af-
mæli sínu á næsta ári, en fyrstu ár-
in voru að jafnaði gerðar 20 til 30
gerviliðaaðgerðir á ári hverju.
Alls eru um 500 manns á landinu
á biðlista eftir slíkum aðgerðum,
þar af bíða um 90 manns eftir að-
gerð á Akureyri. Ákveðið hefur
verið að bæta við 80 milljónum
króna á fjárlögum næsta árs til að
vinna upp biðlista. Guðni Ar-
inbjarnar, bæklunarlæknir á FSA,
sagði að gerviliðaaðgerðir væru
þjóðhagslega hagkvæmar. Fólk
sem áður hefði verið með skerta
starfsgetu vegna þess að liðir væru
skemmdir yrði virkt að nýju í sam-
félaginu. „Þessar aðgerðir breyta
lífi fólks algjörlega,“ sagði Guðni.
Efniskostnaður við eina aðgerð af
þessu tagi er um 400 þúsund krón-
ur, að sögn Þorvalds Ingvarssonar,
lækningaforstjóra á FSA.
Þorvaldur hefur gert rannsókn
þar sem algengi frumslitgigtar í
mjöðm á Íslandi var könnuð og
hún borin saman við niðurstöður
frá Suður-Svíþjóð og Danmörku. Í
rannsókninni var tíðni gerviliðaað-
gerða í mjöðmum Íslendinga einn-
ig athuguð, sem og hvort slitgigt
erfist. Komst Þorvaldur að því að
Íslendingar með slitgigt í mjöðm-
um hefðu lengi gert sér grein fyrir
að sjúkdómurinn erfist. Slitgigt í
mjöðmum Íslendinga reyndist allt
að fimm sinnum algengari á Ís-
landi en í Suður-Svíþjóð og Dan-
mörku þar sem sambærilegar
rannsóknir hafa verið gerðar.
Gerðar eru 50% fleiri gerviliðaað-
gerðir á Íslandi en í Svíþjóð vegna
frumslitgigtar í mjöðm. Telur Þor-
valdur að há tíðni slitgigtar á Ís-
landi skýri muninn að einhverju
leyti.
Leiddi rannsóknin í ljós að arf-
gengi mjaðmarslitgigtar er mikið.
Fjöldi einstaklinga úr sömu fjöl-
skyldu með gerviliði í mjöðm er
mikill og þá kom einnig í fram að
slitgigtarsjúklingarnir eiga miklu
færri sameiginlega forfeður en
samanburðarhópur og að þessar
fjölskyldur eru einnig mun meira
skyldar innbyrðis. Börn slitgigt-
arsjúklinga með gerviliði í mjöðm-
um eru í þrefalt meiri hættu á að
fá sjúkdóminn en hinn almenni Ís-
lendingur. Að mati Þorvaldar
styrkja niðurstöðurnar mjög þá
skoðun að slitgigt í mjöðmum sé
arfgengur sjúkdómur að einhverju
leyti og hvetur það til áframhald-
andi leitar að meingenum slitgigt-
ar.
Í tilefni af aðgerðunum 150 var
starfsfólki boðið upp á veitingar
og þar þakkaði Ari Ólafsson því
fyrir vel unnin störf á árinu.
„Þetta hefði ekki gengið nema með
samstilltu átaki allra,“ sagði hann.
Flestir starfsmenn deildarinnar
hafa unnið þar um alllangt skeið
og kemur reynsla þeirra að góðu
gagni.
Sjúklingar deildarinnar koma af
landinu öllu, þannig er þar nú fólk
frá Siglufirði, Vestmannaeyjum,
Suðurlandi, Sauðárkróki og
Reykjavík, auk þess sem einn Ak-
ureyringur er þar inni um þessar
mundir. „Fólki þykir orðið ekki til-
tökumál að koma úr Reykjavík í
aðgerðir á Akureyri. Æ fleiri eru
að uppgötva að það er jafnlangt
báðar leiðir, en fyrir fáum árum
hefði Reykvíkingum þótt fráleitt
að sækja aðgerðir hingað norður,“
sagði Anna Lilja Filipsdóttir,
deildarstjóri á bæklunardeild. Um
20–25% þeirra sem farið hafa í
gerviliðaaðgerðir á FSA á árinu
eru íbúar á suðvesturhorni lands-
ins og hefur þeim fjölgað umtals-
vert frá liðnu ári.
Aldrei verið fleiri gerviliðaaðgerðir á bæklunardeild Fjórðungssjúkrahússins
Morgunblaðið/Kristján
4. Ingi Þór heftar skurðinn saman eftir aðgerðina. 5. Guðni sýnir hversu illa mjaðmakúlan sem tekin var úr Halldóri er farin. 6. Röntgenmynd af Halldóri sem hafði áður fengið gervilið í
hægri mjöðmina. Hér sést hvar gerviliðurinn gengur ofan í lærlegginn en kúlan á enda hans situr í skál í mjöðminni. Bæði liðurinn og skálin eru fest með steypu.
Morgunblaðið/Kristján
Þjóðhagslega hagkvæmar aðgerðir
1. Sigurður E. Sigurðsson svæfingalæknir gefur Halldóri mænudeyfingu fyrir aðgerðina. 2. Guðni Arinbjarnar bæklunarskurðlæknir, Ingi Þór Hauksson deildarlæknir, Soffía Jakobsdóttir
skurðstofuhjúkrunarfræðingur og Sigurður svæfingalæknir undirbúa aðgerðina. 3. Gerviliðnum komið fyrir en mjaðmakúlan gengur upp í skál í mjaðmagrindinni.
AKUREYRARKIRKJA: Messa með léttri
tónlist kl. 11 á morgun, sunnudag. Sr.
Svavar A. Jónsson. Unglingakór Akureyr-
arkirkju syngur undir stjórn Sveins Arn-
ars Sæmundssonar.
Sunnudagaskóli kl. 11, fyrst í kirkju en
síðan í Safnaðarheimili.
Fundur hjá Æskulýðsfélaginu kl. 17.
Jólasöngvar Kórs Akureyrarkirkju kl.
20.30.
Morgunsöngur kl. 9 á þriðjudag.
Mömmumorgunn kl. 10–12 á miðviku-
dag. Jólastund. Samvera og söngur með
sr. Svavari og gítarnum hans. TTT-starf
kl. 17–18 í Safnaðarheimili. Allir 10–12
ára krakkar velkomnir. Kyrrðar- og fyr-
irbænastund kl. 12 á fimmtudag. Bæna-
efnum má koma til prestanna. Eftir
stundina er hægt að kaupa léttan hádeg-
isverð sem Kvenfélag kirkjunnar annast í
Safnaðarheimili.
BAKKAKIRKJA: Aðventukvöld verður fyr-
ir Bakka- og Bægisársókn í Bakkakirkju í
Öxnadal sunnudagskvöldið 16. desem-
ber kl. 20:30.
Kirkjukór Möðruvallaklaustursprestakalls
syngur aðventulög.
Ingunn Aradóttir syngur einsöng.
Börn úr Þelamerkurskóla syngja Lúsíu.
Bjarni Guðleifsson flytur hátíðaræðu.
Helgistund í umsjá sóknarprests.
GLERÁRKIRKJA: Fjölskylduguðsþjón-
usta kl. 11 á morgun, sunnudag. Ásta
og Ósk spjalla við börnin. Barnakór
Brekkuskóla syngur, stórnandi er Arnór
B. Vilbergsson. Friðarljós og geisladiskar
hjálparstarfs kirkjunnar verða til sölu í
anddyri að athöfn lokinni. Jólatónleikar
Kórs Glerárkirkju verða kl. 17 á sunnu-
dag. Kyrrðar- og tilbeiðslustund kl.
18.10 á þriðjudag, fyrirbænir. Hádeg-
issamvera meðjólabragði frá kl. 12 til 13
á miðvikudag. Orgelleikur, helgistund,
fyrirbænir og sakramenti. Léttar veitingar
á vægu verði að helgistund lokinni.
HJÁLPRÆÐISHERINN: Fjölskyldusam-
koma kl. 11 á morgun, sunnudag. Við
syngjum jólin inn. Börn og ungt fólk
koma fólki í jólaskap, með söng og helgi-
leik.
HVÍTASUNNUKIRKJAN: Brauðsbrotning
kl. 20 í kvöld. Sunnudagaskóli fjölskyld-
unnar á morgun. Stella Sverrisdóttir sér
um kennslu fullorðinna. „Syngjum jólin
inn“ kl. 16.30 á sunnudag. Fjölbreytt
dagskrá, s.s. kórsöngur, einsöngur,
krakkakór, jóladrama og fleiri. Yngvi Rafn
Yngvason verður með hugleiðingu.
LAUFÁSPRESTAKALL: Kirkjuskóli í dag,
laugardag, kl. 11 í Svalbarðskirkju.
Kirkjuskóli í Grenivíkurkirkju kl. 13.30 í
dag og kyrrðarstund verður í kirkjunni
annað kvöld, sunnudagskvöld.
SJÓNARHÆÐ: Sameiginlegur jólafundur
í Fótsporinu, fyrir 6–12 ára krakka kl.
13.30 á Sjónarhæð. Almenn samkoma
á Sjónarhæð.
STÆRRA-ÁRSKÓGSKIRKJA: Helgistund
verður í kirkjunni á sunnudag kl. 18 og
kveikt verður á leiðarlýsingunni í kirkju-
garðinum.
Kirkjustarf
JÓLAFUNDUR Aglow, kristi-
legra samtaka kvenna verður á
mánudagskvöld, 17. desember,
kl. 20 í félagsmiðstöðinni í Víði-
lundi 22 á Akureyri. Sólveig
Traustadóttir frá landsstjórn
Aglow flytur ræðu kvöldsins.
Rósa Kristín Baldursdóttir
syngur nokkur lög og þá verður
fjölbreyttur söngur og fyrir-
bænaþjónusta auk jólakaffi-
hlaðborðs.
Jólafundur
Aglow
Jólasöngvar
ÁRLEGIR Jólasöngvar Kórs
Akureyrarkirkju verða í
kirkjunni annaðkvöld, sunnu-
dagskvöldið 16. desember, kl.
20.30.
Á efnisskránni er aðventu-
og jólatónlist. Einsöngvari er
Þórhildur Örvarsdóttir, sópr-
an. Sveinn Arnar Sæmunds-
son leikur á orgel.
Stjórnandi og orgelleikari
er Björn Steinar Sólbergsson.
Auk þess að hlýða á kórinn
gefst kirkjugestum kostur á
að æfa jólasálmana fyrir jólin
því auk kórsöngs verður al-
mennur safnaðarsöngur.
Aðgangur er ókeypis og
eru allir velkomnir.
Geisladiskahulstur
aðeins 500 kr.
NETVERSLUN Á mbl.is